Téléchargement du document

Documents linguistiques galloromans
Corpus : chartes de la Haute-Saône (chHS)
Responsable du corpus : Martin-D. Glessgen
Édition de la charte : Claire Muller (révision: D. Kihaï)

chHS071

1273 mai

Type de document: charte: donation

Objet: Jean doyen de Fouvent et Jean curé de Pierrecourt font savoir que Robert dit Pot Vilein a vendu à la maison d’Aumônières, avec le consentement de Marienotte, son épouse, ses possessions dans le pré de la Cuillère, situé entre le pré des habitants de Belmont et le pré de la commanderie d’Aumônières, pour trente petites hémines de froment blanc à la mesure de Champlitte et de six fromages.

Auteur: Jean doyen de Fouvent; Jean curé de Pierrecourt

Disposant: Robert dit Poz

Sceau: auteurs

Bénéficiaire: maison Saint-Antoine d'Aumônières

Autres Acteurs: Marienotte épouse de Robert

Rédacteur: EglFouvent? EglPierrecourt? Egl?

Lieu de conservation: AD Haute-Saône H 3 hs255

1 Nos Jehanz daïns de Fonvanz et je Jehanz curiez de Pierrecort 2 façons savoir à toz ces \2 qui verrunt et orrunt ces presantes latres 3 que en nos presances estaubliz, Roberz diz Poz \3 Vileins hai vandu et beillié en permeignauble vandue par le los et par le otroiemant Marienot \4 sa fame, 4 tel partie comme il avoit ou puoit et davoit avoir ou pré que on dit de la Cuellere \5 qui siet entre le pré à ces de Bialmont de une part· et le pré à ces d'Amoneres de autre part, \6 5 à maistre et à freres de la maison Seint Anthoine de Aumoneres por trante amenotes de blanc \7 fromant· à la mesure de Chanlite· et sex fromages· 6 das qués choses li diz Roberz et sa dite \8 fame se tienent por-paiez· 7 et li diz Roberz et sa dite fame ont promis par lor fois donees corpo\9reemant en nos meins que il porterunt laial garantie de la dite vandue à dit maistre et as diz \10 freres toz jors et en toz leus et contre totes genz· et que il n'en irunt jemais encontre \11 la dite vandue n'en repost n'en en apert ne par lor ne par autrui.· 8 Et en tesmoignage de ces choses \12 à la priere et à la requeste de dit Robert et de sa dite fame, nos avons mis nos sees en ces \13 presantes latres./· 9 Ce fu fait en l'an de grace qui corroit par ·M· et ·CC· et sexante et traze \14 ou mois de mai.·