Téléchargement du document

Documents linguistiques galloromans
Corpus : chartes de la Haute-Saône (chHS)
Responsable du corpus : Martin-D. Glessgen
Édition de la charte : Claire Muller (révision: D. Kihaï)

chHS053

1269 juin

Type de document: charte: confirmation de donation

Objet: [1s.] Simon de Brocey [5] confirme et garantit l’aumône faite [3] par son beau-père, Renaud de Fougnolles, à l’abbaye de Clairefontaine, [4] de cinq hémines de céréales. [6] Simon octroi que ces cinq hémines doivent être prises tous les ans à la fête Saint-Loup dans sa dîme d’Achenoncourt.

Auteur: Simon de Brocey seigneur de |tp|Fougnoles|/tp|

Disposant: Simon de Brocey

Sceau: Uhon maître d'|tp|Eraas|/tp|; Orri curé d'|tp|Aijon|/tp|

Bénéficiaire: abbaye de Clairefontaine (= abbaye d'Etival-Clairefontaine dans les Vosges?)

Autres Acteurs: Renaut chevalier de Fougnoles

Rédacteur: AbbClairefontaine!

Lieu de conservation: AD Haute-Saône H 353/2 (hs037)

Commentaire: faiz savoir et toz = faux?

1 Je Symons de Brocey chevaliers sires de Fougnoles 2 faiz savoir et toz ces qui varont et oront ces presentoez latres 3 que cum mes sires Regnauz de Fougnoles chevaliers \2 mes devanteix qui fui peres ma dame Beatris, ma fonme, eust donez et ontroiei en sa bone memoire et en sum bon sen· et de sa bone voluntei por lo salut \3 de s'arme et de ces ancessors· ad religious freres l'abbei et lo covent de Clere fontene en almogne pure et permegnable· 4 cinc amines de bleif moitié vain \4 et moitié a_veigne· ad la mesure de Fausnei à panre chascqun an en-les deimez de Sent Lup· en si cum je lo sap certanement par la reconue da davant dite \5 dame Beatris ma fome et d'autres bones genz.· 5 Je davant diz Symons lo et agrantoi et confermoi la davant dite almogne· ad davant diz religious fre\6res de Clerefontene· 6 et loe, establis et ontrooi que ces davant dites cinc amines de blef qu'il devoemt panre ad Sent Lup· qu'il le prennent chas\7qun an en mes deimes d'Anchenoncort senz contredit.· 7 Et ce ai je fait par lo los Beatris ma fome de_suis dite et Jannate, sa suer, et par l'outroi de mes \8 esfans Renaudin· et Rousin· et Guat· et Symonin· et Henri· et ai premis garantir as davant diz religious freres ceste davant dite almogne· contre \9 totes genz.· 8 En tesmoignage de la quel chose· je lor ai donei ces presentes latres seallees do seel ad religious frere Uhon mastre de-Eraas· et do seel \10 mastre Horri curié d'Ajion.· 9 Ce fu fait l'an que li miliares corroit par mil et dus cenz et sexante et nuef anz· on mois de juloit.·