Téléchargement du document

Documents linguistiques galloromans
Corpus : chartes de la Haute-Saône (chHS)
Responsable du corpus : Martin-D. Glessgen
Édition de la charte : Claire Muller (révision: D. Kihaï)

chHS042

1267 avril

Type de document: arbitrage

Objet: Hugotte fille d’Henri et petite-fille de Frodin dit le Verrier de Gray, également fille de Blanchotte, petite-fille d’Hugotte de Gray règle un conflit qui l’oppose à l’abbaye de Corneux au sujet de l’héritage de Lorette, fille de Perrin du Châtel, dont Hugotte a hérité. L’abbaye réclame cet héritage que Lorette le leur aurait donné en aumône. Sur le conseil des prud’hommes, le désaccord est réglé de sorte qu’un quart de l’héritage va à l’abbaye, trois quarts de l’héritage sont gardés par Hugotte.

Auteur: Hugotte fille d’Henri de Gray

Disposant: Hugotte fille d’Henri de Gray

Sceau: Alice comtesse de Bourgogne

Bénéficiaire: abbaye de Corneux, Hugotte fille d’Henri de Gray

Autres Acteurs: Lorette fille de Perrin du Châtel

Rédacteur: CBourg!

Support: Parchemin abîmé jadis scellé sur double queue, 37x27cm

Lieu de conservation: AD Haute-Saône H 791 (hs394)

1 [Je] Hugote fille Henri au-fil Frodim de Gray dit Verrier· et file Blanchote qui fui fille Marguerite qui fu fille dame Hugote de Gray· 2 fas savoir à-tot ces qui verront et orrunt \2 ces presantes lattres 3 que come descorde fuist antre moi d'une part· et l'abbé et lou quovant de Cornul du diocese de Besançum de l'ordre de-Premo[n]tré d'autre-part· 4 sus ce que li devant diz \3 abbes et li covent me demandoient tout l'erietage Lorete qui fui fille Perun dou Chatel, et à-la devant dite dame Hugote de-par pere et de-par mere,· et les issues et les provoiges \4 que je devant dite Hugote avoie ahut et tenuz dou-dit herietage· 5 et toutes ces choses me demandevent· li-dit abbes et li covant por rasun de-ce que la dite Lorete lor \5 avoit doné en esmogne,· en la-fin par consoil de prudomes, 6 pais et acorde vint et fui faite antre moi d'une part et lou dit abbé et lou covant d'autre de la dite des\6corde· 7 an-tel menere que toutes issues et touz provoiges levet et tanit dou dit herietage· qui que les ait levez ne-taniz· jusque à-cest presant tant quitez dou tout.· \7 8 Toute la-quarte partie de l'arietage au-dit Perrun et à-la dite dame Hugote demore et demorrai permaignaublemant en arietage au-dit abbé et au covant de Cor\8niul et à-l'iglese devant dite· en hommes,· en terres,· en-prez,· en aigues,· en maisuns,· en-tailles,· en rantes,· en issues,· en touz provoiges,· en cans \9 en demes,· en bois,· e possessiuns,· en justises,· e signories,· et an totes autres choses queles que ales soient· ou puissent estre· an-quesque liu queles soient.· 9 Et \10 toutes las trois parz de-totes ces choses demorrunt permaignaublemant moi devant dite Hugote· en arietage· et se aucuns tient aucune chose de l'arietage devant \11 dit, la quarte partie auxi demore et demorrai permaignaublemant au-dit abbé et au covant et à-l'iglise de Corniul· et las trois parz moi devant dite Hugote.· 10 Et \12 je devant dite Hugote doi delivrer, quiter et baillier la-quarte partie de ce que je· et Henriz mes peres· et Frodins, perres au-devant dit Henri an-teinint.· 11 Et \13 se il avenoit que je devant dite Hugote morisse et trespassase de cest siegle sanz hoir de mun cors,· li duns et li aumogne que la dite Lorete fist et hai fai\14te au-dit abbé et au covant et à-l'iglise de Cor[nuil][...] ^[1] et lou [cons]an-temant et par la volanté de moi[...] ^[2] Hugote, fille au-devant dit Henri demorrat \15 permaignaublemant en harietage au-devant dit abbé et au covant et à-l'iglese de Cornuil.· 12 Et je devant dite Hugote, fille au-devant dit Henri, vuié et looi \16 et outroi et tien por bone la dite aumogne.· Et toutes ces choses, li devant Henriz mes peres vuet et outroie et loe et tient por bones et \17 por estaubles comne avouierz de-moi devant dite Hugote, sa-fille,· an tel menere que li-davant dit Henriz ne sui hoir n'an doivent porter nule garant\18tie, forque je li devant dite Hugote ou mi hoir.· 13 Né je li devant dite Hugote né mi hoir n'an davuns porter nule garantie vers-las signors de la-terre.· \19 14 Et de toutes las censies que li dite chose doit· et li dit harietages je devant dite Hugote doit paier las trois parties, et li-devanz diz abbes et li covanz devanz diz \20 de Cornuil la-quarte partie.· 15 Et que ces choses saent à-tout estaubles et fermes por-ce que je devant dite Hugote· et li devanz diz Henriz, mes peres, n'en avuns \21 seaus,· nos avuns ^[3] prié et requis noble dame Alis comtesse palazine de Burgoigne que ale mate sun seal an-ces presantes lattres· et nos devant dite Aalis comtesse \22 palazine de Bourgoigne à-la-requeste et à-la priere de-la devant dite Hugote et devant dit Henri sun pere, avuns mis nostre seal an ces presantes lattres, \23 an tamoignage de verté· et an confirmaciun de totes ces choses.· 16 Ce ast fait et doné· et saelé an l'an de grace mil CC· et LX· cept ou mois \24 d'avri.

Notes de transcription
^[1] trou dans le parchemin.
^[2] mots illisibles.
^[3] le signe d'abréviation pour n manque.