Téléchargement du document

Documents linguistiques galloromans
Corpus : chartes de la Haute-Saône (chHS)
Responsable du corpus : Martin-D. Glessgen
Édition de la charte : Claire Muller (révision: D. Kihaï)

chHS041

1266 octobre 26

Type de document: charte: arbitrage

Objet: Jean de Vergy seigneur de Fouvent, règle un désaccord qui oppose Guillaume le maître d’Aumônières et le seigneur Perrin d’Igny. Le maître empêche Perrin d’utiliser pleinement le bois de Cornoit de Cortesor et le bois de Larre, ce qui aurait dû être réglé par un jugement de Clémence dame de Fouvent. Les frères d’Aumonières présentent à Jean de Very une charte scellée par Clémence, Perrin amène un témoin. Après plusieurs jours de délibérations, le jugement fut rendu au château de Champlitte en faveur du maître d’Aumônières.

Auteur: Jean de Vergy, seigneur de Fouvent

Disposant: Jean de Vergy, seigneur de Fouvent

Sceau: auteur

Bénéficiaire: maître d’Aumônières

Autres Acteurs: Clémence dame de Fouvent; beaucoup de seigneurs (témoins)

Rédacteur: SFouvent? AbbAumônières? SIgny?

Lieu de conservation: AD Haute-Saône H 13 hs174

Commentaire: témoins

1 Je Jheanz de Vergei sires de Fovanz 2 faz à-savoir à-toz ces qui verrunt ces presentes letres 3 que descort et plait fui \2 per devant moi entre lo maitre d'Aumoneres d'une part et mon seingnor Perrun d'Igne d'autre, 4 sus ce que li devant dit ma\3itres et li frere disoent contre mon seingnor Perrun d'Igne que il avoent plein usage es bois de Cornoit de Corte\4sor et de Larre, lou quel usage li devant dit perties lou destorboit et anpeechoit, et disoent li devant dit ma\5itres et li frere que portei l'an-avoent per jugement en l'aicort madame Clemence dame de-Fonvanz Maoule et apperollie \6 estoent dou mostrer; 5 li devant Peries respondi que puet lou passement que li maitres et li frere disoent avoit \7 il au jugement per lou contre lou devant dit maitre et les freres en l'acort à-lai, devant dite dame Clemence Ma\8oule; sus ce jour fui assignez es perties per devant moi por prover à une chascune son passement an quel jor \9 li devant dit maitres et li frere mostereient en jugement unes letres saelees dou sael au lai devant dite Cle\10mence Maoule des quex nos tennemes lou-tranncrit?. 6 Et li devant dit Perres jurai et dit sa verté per son sarement et \11 fui escrite et amennai un tesmong qui jurai et fui ausi escrit li dit au-tesmong et retinemes? les es escrit de çou \12 qu'il avoent dit 7 et furent plusor jor assigné es parties à dire droit sus ces choses en lai perfin, en fui jor a\13ssignez per lou consentement des parties à Channite lo chastel per devant moi lo mardi devant Symon et Jude, au \14 quel jor les parties furent presentes per devant moi 8 et je per lou consoul de-prodomes qui present estoent, dis per \15 droit et per jugement que li maitres et li frere avoent bien provee lor entencion et que li dit Perres sires \16 d'Igne n'avoit riens prové et dis ancor per droit et per jugement que li devant dit maitres et li frere avoent \17 plen usage es bois de sus dit 9 et commandis au-devant dit Perron que ces lassest user en-pas san enpe\18ochement 10 et à cest jugement furent present me sires Miles chevalier, sires de Noiers· mes sires Robe\19rt ses chavaliers, li sires Doce· mes sires Haymes· mes sires Estienes li hospitaus· mes sires Kales \20 mes sires Arlenbaut, mes sires Jehanz d'Angolevant mes sires Odes de Crece, li sires de Symi et pl\21usor autres clort et lai. Et ces jugement loerent les parties li maitres et li frere· d'une part et mes sires \22 Perres sires d'Igne d'autre. 11 Ce fui fait en l'an de grace ·M· et CC· et LX· vi ou-mois d'oitovre lou \23 devant dit mardi devant lai-feste saint Symon et Jude et en tesmoignage de totes ces choses je \24 ai ballié au-devant dit maitre et as freres ces letres saelees de-mon seel.·