Téléchargement du document

Documents linguistiques galloromans
Corpus : chartes de la Haute-Saône (chHS)
Responsable du corpus : Martin-D. Glessgen
Édition de la charte : Claire Muller (révision: D. Kihaï)

chHS028

1273 avril

Type de document: charte: donation

Objet: Hayme doyen de Bèze et curé de Champlitte fait savoir que Girardot de Champlitte, dit Beaux Bras, et Luquotte son épouse ont confirmé la vente à maître Jean de Champlitte, clerc de Saint Antoine d’une plantation de vigne située dans leur maison à côté de la plantation d’Étienne Peluchot et une vigne, pour six livres tournois et douze sous et pour la vente de six hémines de fromant.

Auteur: Haymes doyen de Bèze et curé de Champlitte

Disposant: Gérard de Champlitte et son épouse Luquote

Sceau: auteur

Bénéficiaire: Jean de Champlitte, clerc de Saint Antoine

Autres Acteurs: Etienne Peluchot

Rédacteur: EglChamplitte? EglSaintAntoine? Egl?

Lieu de conservation: AD Haute-Saône H 3 hs256

1 Nos, Haymes doïens de Bese et curiez de l'a_glise de Channite, 2 façons à-savoir à touz ces \2 qui verront et orront ces presentes lettres 3 que en nostre presence personemant estaubliz Girardoz \3 de Channite, diz Beaus Braz et Luquote, sa fame, ont recogneu par devant nos, lor avoir \4 vandu et otroié en heritaige perpetuel à maitre Jehan de Channite, clerc de Saint Antoine \5 et es ses hoirs 4 une lor plante qui siet à maison chiés auz selonc la plante Estienne Peluchot \6 d'une part, et la vigne qui fuit Suart d'autre part, por sex· lb· de tornois? et XII· s· 5 por \7 la vandue de sex aminotes de fromant de la quelle plante li dit Girardoz et Luquote \8 sa fame, se sunt devestu dou tout en tout par devant nos et en ont revestu lou dit \9 Jehan et ses hoirs corperemant et mis en perpetuel possession 6 et ont promis par devant nos li \10 dit Girardoz et Luquote, sa fame par lor foiz corperemant donees en nos mains deffendre la \11 dite vandue et porter leaul garantie au dit Jehan et es ses hoirs contre toutes \12 genz 7 et que par lor dites foiz ne venront contre la dite vandue né contre ces presentes \13 letres ne feront venir né par lor né par autrui et que jemais rien n'i reclameront \14 né feront reclamer né en apert né en requoi. 8 Et dou prex de toute la vandue \15 se sunt tenu por paié par devant nos li dite Girardoz et Luquote, sa fame dou dit Jehan, \16 plenieremant et enterinemant en monoie nombree et en ont quité lou dit Jehan et \17 ses hoirs touz jorz mais 9 et renuncent en cest fait li dit Girardoz et Luquote sa \18 fame, à toute aie de droit et à toutes autres exceptions que lor paeroient aidier \19 en cest fait et au dit Jehan et es ses hoirs nuire. 10 Ou tesmoingnaige de la quel \20 chose, nos avons mis nostre seaul en ces presentes letres à la priere et à la requeste \21 des parties. 11 Ce fuit fait l'an de nostre Seignoir ·M·CC· LX XIII· ou mois d'avril.·