Téléchargement du document

Documents linguistiques galloromans
Corpus : chartes de la Haute-Saône (chHS)
Responsable du corpus : Martin-D. Glessgen
Édition de la charte : Claire Muller (révision: D. Kihaï)

chHS021

1272 octobre

Type de document: charte: donation

Objet: David de Champlitte et Adeline son épouse ont vendu au frère Guillaume, maître d’Aumônières une vigne à Champlitte pour six livres viennoises et trois mesures de blé.

Auteur: David de Champlitte; Adeline épouse de David

Disposant: David et Adeline

Sceau: frère Jean abbé de Theuley; frère Etienne prieur de Champlitte

Bénéficiaire: frère Guillaume maître d'Aumônières

Rédacteur: AbbAumônières!

Lieu de conservation: AD Haute-Saône H 3 hs258

1 Nos David de Channite et Adelinote sa fanme·· 2 façons savoir à touz ces· qui verrunt \2 et orrunt ces presantes letres· 3 que nos avons vandui, quité et outroié an perminauble \3 heretaige· une peice de vigne que nos aviens en un finaige de Channite c'unz dit Con\4bes qui siest selonc la vigne dame Jehanne de Langres d'une-part· 4 et selonc la vigne d'A\5monnieres d'autre-part· frere Guillaume, maitre d'Aumonnieres et es freres de ce maim\6es lui· 5 por sis livres de bons viannois et trois aminotes de fromant des quex nos nos \7 sumes tenui por-paié enteriamant an monoie numbree et mesurié.· 6 Et nos sumes \8 devestui de la dite vigne et an avons revestu corporemant et mis an veraie possessiom \9 et soignorie lou dit maitre et les freres.· 7 Et avons promis par nos sairemanz faiz \10 et donez corporemant sour sainte Evangile· que nos contre ceste vandue et ceste quitance \11 nos ne vanrons né venir ne y-ferons par nos né par autrui, né n'i soffrerons à^$venir mas \12 an-porterons garantie au dit maitre et es freres contre toutes genz.· 8 En tesmunnai\13ge de ceste chose, por ce que nos n'avons nuls seals· nos avons proié et requis religiouses \14 persones et honestes· frere Jehan dit abbé de Tulle· et frere Estiene, priour de Chan\15nite la vile· qu'il metent lours seals an ces presantes letres.· 9 Et nos li dit Jehanz et \16 Estienes avons saelees ces presantes letres de nos seals par la requeste et par la prioare \17 des diz David et Adelinote an tesmunnaige de verité.· 10 Ce fui fait an l'an de grace \18 mil· dous cenz· sexante· et douze ou mois d'oitonvre.·