Téléchargement du document

Documents linguistiques galloromans
Corpus : chartes de la Haute-Saône (chHS)
Responsable du corpus : Martin-D. Glessgen
Édition de la charte : Claire Muller (révision: D. Kihaï)

chHS012

1258 n.st. janvier

Type de document: charte: donation

Objet: Clémence dame de Fouvent a donné à l’hôpital d’Aumônières la dîme et les récoltes de la dîme de la ville et du finage de Champlitte ainsi que la dîme et le fruit de la dîme de la ferme de l’hôpital, appelé Rougemont. Le maître de l’hôpital est tenu de célébrer une messe annuelle en contrepartie, et de verser chaque année cent sous estevenants à l’hôpital Saint-Antoine de Viennois, duquel Aumônières dépend.

Auteur: Clémence dame de Fouvent

Disposant: Clémence dame de Fouvent

Sceau: auteur; Henri seigneur de Mirebel et sénéchal de Bourgogne, fils de Clémence

Bénéficiaire: hôpital de Saint Antoine d'Aumônières de l'évêché de Langres

Autres Acteurs: Guillaume de Vergy, mari de Clémence

Rédacteur: EvLangres!

Support: Il existe une copie latine de cette charte: 134

Lieu de conservation: AD Haute-Saône H 15 hs176

1 Nos Climence dame de Fonvenz 2 façons savoir à touz cels qui verront cels presentes lettres 3 que nos desirranz devantir \2 à nostre pooir lou jor dou jugement par ovres de misericorde· atendenz as ovres de pitié que nos avons veü à noz propres ielz faire \3 continuement· en l'ospital de Saint Antoine de Viennois et es membres d'icelui hospital· por lou remede et por lou salut de nostre ame et \4 de l'ame mon seingnor Guillaume de Verge nostre mari qui morz est· et des a mes nostre pere· nostre mere et de touz noz ancessors· porneablement et de \5 pure devotion; 4 avons doné· otroié et quitté et donons otroions et quitons en pure, en frainche et en permaingnable aumosne à Deu \6 et à l'ospital de Saint Antoine d'Aumonieres de l'aveschié de Lengres· li quex hospitaus a_partient à l'ospital de Saint Antoine de \7 Viennois· 5 tout lou disme et lou fruit dou disme de toutes les vignes que li mestres et li frere de l'ospital d'Aumonieres ont acquises et \8 tienent par quel que droit et par quel que meniere que ce soit au-tens que cels presentes lettres sont faites en la vile et es finaiges et en la dismerie de \9 Channite.· 6 Encor avons doné et otroié et quité et donons, otroions et quitons en puran et permaingnable et frainche aumosne à Deu et \10 à l'ospital d'Aumonieres devant dit tout lou disme et lou fruit dou disme quex que il soit de lor-terre qui a_partient à la grange d'iceli hos\11pital· qui est apelee Roigemonz· tant comme une charrue de bués porrai arer· et les dites vignes et la-dite terre si comme ele est contenue \12 desus· de tout disme et de fruit de disme quex que il soit.· 7 Nos quitons et asolons dou tout et à touz jorz por nos et por touz noz hoirs \13 qui sont et qui à^$venir· sont· et seur ce nos prometons et somes tenu à bone foi porter pleniere garantie au maistre et as freres \14 d'Aumonieres et à-cels qui apres els venront· et à ce noz hoirs qui sont et qui sont à^$venir nos enloions specialment à touz jorz.· 8 Li maistres et \15 li frere dou dit hospital ont regardé la devotion que nos avons \16 envers lou dit hospital· piement et devotement nos ont otroié et ont pro\17mis et sont tenu celebrer sollempnement en l'ospital de Saint Antoine de Viennois chascun an landemain de l'ascension nostre Seingnor \18 tant comme nos vivrons une messe dou Saint Esperit por lou salut de nostre ame· 9 avec ce li maistres et li freres devant dit nos ont o\19troié et promis et sont tenu de faire sollempnement chascun an apres nostre mort nostre anniversaire en l'ospital de Viennois devant \20 dit et en la-dite maison d'Aumoneres à-touz jorz· et nos ont otroié et promis ensor-que tout que li mestres et li frere d'Aumoneres qui i-sont or· et qui \21 desormais i seront rendront et paeront et sont tenu à rendre et à paier chascun an des or mais à touz jorz au maistre et as freres de \22 l'ospital de Saint Antoine de Viennois landemain de l'ascenssion cent solz d'estevenans por la pitance au couvent des freres et des \23 povres dou dit hospital si comme li mestres et li frere verront que il soit à faire.· 10 Ge· Henris de Verge· sires de Mirebeal et seneschauz \24 de Borgoingne· filz ma-dame Climence devant dite· ceste aumosne, si comme ele est contenue desus, lo vuil et otroi et confermoi \25 et l'ai ferme et estable et promet à bone foi à tenir· et contre touz garantir touz jorz au maistre et as freres d'Aumoneres et à cels qui a\26pres els venront et à-ce ge en en_loi mes hoirs à-touz jorz.· 11 En memoire et en garnissement des queX· choses nos Climence et Henris de\27sus nomé avons mis nos seals en cels presentes lettres en-tesmoingnaige de verité.· 12 Ce est fait en l'an de grace M·CC· et cinquan\28te et set ou mois de janvier.·