Téléchargement du document

Documents linguistiques galloromans
Corpus : chartes de la Haute-Saône (chHS)
Responsable du corpus : Martin-D. Glessgen
Édition de la charte : Claire Muller (révision: D. Kihaï)

chHS003

1248 décembre

Type de document: charte: donation

Objet: Ferry comte de Toul fait savoir qu'il a donné la récolte de Fontenoy-le-Château au couvent de Clairefontaine.

Auteur: Ferry comte de Toul

Disposant: Ferry comte de Toul

Sceau: auteur; Odon fils de Ferry

Bénéficiaire: couvent de Clairefontaine

Autres Acteurs: seigneurs de Fontenoy-le-Château

Rédacteur: CToul!

Lieu de conservation: AD Haute-Saône H 361 (hs140)

1 · Gie Ferry coens de Toul 2 faiz conoissant à toz cels qui ces lettres verront et orront 3 que gié par lo lox damme Agnel ma fome et de mon segnor \2 Oddon mon fill et de mes autres hoirs, ai doné à l'eglise de Clerefontayne en la quel gié ai ellit ma sepulture· et as freres qui Deu servent anqui· \3 en aumosne por l'armme de moi et de mes ancessors 4 tote la vante de Fontenoy lo chastel à toz jorz mais· sens que lo sal et les coupaiges do blef· 5 sauf ceu que se aucuns ou à esciant ou à non esciant en portet la vante et ill la laissiet à-paier· ou ill i meffaisoit en aucune meniere,· li justise \4 et li bans et li emande venroit entierement as sengnors de Fontenoy lo Chastel· et per eals s'en doit hom justisier dou tot.· 6 Et se aucuns fai\5soit as davant diz freres de Clerefontayne tort de la davant dite vante· ill ne s'en puent clamer né ne doivent se à la justise de Fontenoy lo chastel non.· 7 Et cill qui la vante recoillerai doit jurer sur Sainz par davant la justise de Fontenoy lo Chastel que se aucuns laisse à-paier la \6 vante· et ill lo set· qu'il lo ferai savoir à la justise de Fontenoy lo Chas[t]el ^[1] par son sairement.· 8 Et li segnor de Fontenoy· lur doivent ceste aumosne \7 garantir.· et li frere de Clerefontayne ne puent né ne doivent niant plus reclamer à Fontenoy lo Chastel sur que ceste aumosne de la vante \8 9 ansi com ele est en cest escrit devisee arrés lo mes qu'il i avoient au jor que cist escriz fu faiz· 10 Et per ceu sunt tenu lo davant dit frere \9 de Clerefontayne faire mon anniversaire chascun an à toz jorz mais lo jor de feste saint Thomas l'apostre en messes chanter· et en faire \10 pitance à covant de pain et de vin et de peissons.· 11 Et por ceu que ceste chose soit fermement tenue à toz jorz mais· si sunt ces lettres \11 seelees de mon seel et dou seel mon segnor Oddon mon fill en tesmoignaige de verité.· 12 Ce fu fait à Fontenoy lo Chastel en l'an de grace com \12 le miliaires corroit per ·M·CC· et· xl VIII· anz· el moix de decembre.·

Notes de transcription
^[1] trou dans le parchemin.