Accueil>Les corpus textuels>Charte ChV0146

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : chartes des Vosges (chV)
Responsable du corpus : Martin-D. Glessgen
Édition de la charte : Jean Lanher / David A. Trotter

ChV0146

1223, 13 novembre. Épinal.

Type de document: charte: cession

Objet: Cession[a] par Guillaume, évêque de Metz, avec le consentement des bourgeois de sa ville d'Épinal, à Frousque de Gigney, chevalier, pour récompenser ce dernier de ses services et le dédommager des destructions causées à ses biens par les guerres survenues dans le diocèse: 1º., du droit jusqu'alors levé par les évêques de Metz sur le trafic des grains à Épinal et dans les fiefs de Jeuxey, Longchamp et Dogneville; 2º., de la garde de l'étalon et du contrôle des mesures utilisées dans la ville. Les produits des terres appartenant aux habitants d'Épinal et cultivées par eux ainsi que les revenus des dames du chapitre de Saint-Goéry seront exemptés du paiement de cette redevance. Frousque tiendra en fief et hommage de l'évêque les droits que celui-ci lui a concédés. Acte établi au nom de Guillaume, évêque de Metz, et passé sous son sceau et sous celui de la commune d'Épinal.

Support: Parchemin jadis scellé de deux sceaux sur double queue. Il subsiste quelques restes du sceau de gauche où l'on peut distinguer les lettres SIGI...UL...METE...

Lieu de conservation: Archives communales d'Épinal, AA, no. 1.

Édition antérieure: Publié par A. Philippe dans Archives de la ville d'Épinal antérieures à 1790. Actes constitutifs et politiques de la commune (Série AA), Épinal, 1926, p. 1-3

 1 Nous, Guillame, par la graice de Dieus et du sainctz siege de Rome evesque de Metz, 2 faisons savoir à tous 3 que, pour les tres-aggreables service, poursuitez \2 et deffence en fais d'armes et grans profeit que messire Frousque de Gyneix, chivaillier, ait fait à-nous et à nous predessessours evesque de Mets et à nostre eveschier \3 on temp passer, fait encoire de jour en jour et puet faire en tem advenir, ausy pour ses griefs perdre et dapmaige, c'est assavoir de sez fort maison, \4 grenge et aultrez heritaigez plusours, qui sont esteis et sont encoire de presens destruitez et ruyner, et du toutz sont aller à ruyne et à nyant par lez guerre et \5 dissencion de nostre dicte eveschié de Metz, 4 nous, pour nous et pour noz successours evesque de Metz, en guerrendon desdis service et en recompensacion \6 de ses-dictez perdre et dapmaige de ses-dis fort maison, grenge et aultrez heritaigez ensic destruitez, ruyner et anyantir, avons donner et ouctroier, et per \7 lez consentement et voloir des menans et habitans bourgoix de nostre ville d'Espinalz, et par cez presentes lettrez, donnons et ouctroions auxdiz sire Frousque, chivaillier, \8 pour lui et pour sez hors ou haiant cause en se cas en lieu de lui, à-tousjourmaix treffonciement en heritaige, sen rappeller, nostre droiture, teile et quelle \9 que de haulte et ancienne seignorie nous avons, poiens et debviens avoir en nostre dicte ville d'Espinalz à cause dez seignorie de nostre dicte eveschié, 5 c'est tous \10 lez bleid, awoinde et aultre grainne que on vent et puet on vendre et que on venderont en nostre dicte ville d'Espinalz, c'est assavoir de ung chacun vauxeil venduz \11 une gelloingnier ou à le qualitei de ceu, tous lez fied de Geuexey, de Longchamp, lez champ de Poisserie seant ou finaige dudict Geuexey, lou fied de Dongnieville \12 avecz tous lez fructz, proufey, issue et-emoluement quelcunque appartenant à la dicte gelloingnie et fied davant diz. 6 Sy mandons et comandons, de par nous et de \13 par lesdiz menans et habitans bourgoix de nostre dicte ville d'Espinalz, que nulz vendeire quelcunque, de quelcunque estat qu'i soit, ne aultre personne quelconque, \14 soit vendour ou achettour, ne livrasse bleid, awoinne ne aultre grainne vendus ou vendue senz paiier lez gelloingnie et droiture, 7 ne n'en aillent fuer \15 de nostre dicte ville d'Espinalz jusque ad cen qu'il aient paiier et satisfait desdicte gelloingnie et droitture, sur poinne d'eistre acquis et enchoire en noustre \16 dongier et voluntey. 8 Et mandons et comandons de par nous et de part lesdiz mennans et habitans bourgoix de nostre dicte ville d'Espinalz que nunlz desdiz \17 mennans et habitans bourgoix dudict lieu, ne aultre quelconque personne de quelque estat qu'il soit, ne livrasse ou faice livreir ne messureiz bleid, awoinne \18 ou aultrez grainne venduz en maniere que soit, senz la licence et du grey et voluntey dudict sire Frousque, de sez hoirs ou de sez aiant cause, sur poinne \19 de sexante solz, desqueilz sexainte solt nous et noz successours evesque de Metz en averiens quarantez solz comme noz predessessours avient d'ancientei, \20 et lez aultrez vingtz solt serient et doivent estre aux diz mennans et habitans bourgoix de nostre dicte ville d'Espinalz de droit d'us et de coustume ancienne, \21 mis et convertisz en l'euvre et refection de ladicte ville d'Espinalz, avec lez drois us et coustumez du meud et tonneus dez vin que on vent en nostre dicte \22 ville d'Espinalz, que lesdiz mennans et habitans bourgoix tiennent et ont d'anciennetei. 9 Et volons et commandons que, à la requeste dudict sire Frousque, \23 de sez hoirs ou de sez aiant cause, nostre prevost et aultrez de noz officiers de nostre dicte ville d'Espinalz, presens et qui seront pour le temp advenir de part nous et \24 de part nosdiz successours evesque de Metz, waigeasse et preingne waige d'icellui vendeire ou livreire de bleid, d'awoinne ou aultre greingne que \25 n'averoit paier sez gellongniez et droiturez pour la somme desdiz sexainte soltz dessus deviseiz. 10 Et encoire avec ceu avons donnez et ouctroiiez, \26 donnons et octroions à tousjourmaix auxdis sire Frousque, chivallier, pour lui, pour sez hoirs ou aiant cause, lez messurez et attalons à bleidz et à awoinnez \27 de nostre dicte ville d'Espinalz et du contenus d'icelle, 11 et dès mentenant pour et adonc pour tousjour le en mettons par sez presentez lettrez en vraye corporelle \28 possession, 12 et lui avons presentement delivrer et mis en main reelment et de fait lesdicte messurez et attallons pour nous et en nom de nous et de noz \29 successours evesque de Mets. 13 Et ne voulons mie, ains le deffendons et commandons expressement, que nostrediz prevost ne aultrez de noz officiers ou aultre personne \30 quelconque ait nulle puissance ne auctoritei quelconque de panre ne faire panre lez messurez à bleid et à awoinne pour xaweix ou ajustei sur \31 lez attallon, forque tant soulement ledict sire Frousque ou sez hoirs ou aiant cause, ou par leur certain commandement, lesquelx en ont et averont à tousjour \32 la puissance et auctoritei, et lez puellent et pouront panre ledict sire Frousque, sez hoirs ou aiant cause lez messurez en nostre dicte ville d'Espinalz et en \33 tous lieu d'icelle et icelle mesures prisez mesurer et xaweix sur lez attollons toutes et quanteffois qu'il ly plairait; 14 et à cellui ou il trouverait \34 faulte, il puet et doit rapport à nostredict prevost pour l'amende dessusdicte et devisee. 15 Et mandons et commandons à nostredict prevost que, à la requeste \35 dudict sire Frousque, de sez hoirs ou aiant cause, sens avoir aultre mandement de nous ne de noz successours evesque de Metz, il deffend et faice \36 generalz deffence de par nous et de par lesdiz habitans bourgoix de nostre dicte ville d'Espinalz, que nunlz acchettours de bleid ou d'awoinne ou d'aultre greingne \37 n'en recevosse grains ne poc, 16 se nom que le vendeire ait paiier et satisfait dez gelloingniez et droiture pour ce dehue [1] sur lez poinne et amende \38 dessus devissee senz la licence et congier dudict sire Frousque, de sez hoirs ou aiant cause. 17 Saufz et reserver teil droit, us et coustumez que lesdiz \39 mennans et habitans bourgoix dudict lieu il ont et doient avoir, 18 c'est assavoir qu'il puellent vendre et livrer senz accoison leur bleid, lour \40 awoinne ou aultre grainne qui seroient de leur propre waignaige, cultivaige et labouraige, faiz waingnier, cultiver et labourer on finaige et \41 teritoire de ladicte Espinalz et nom aultrement, sur lez poinne et amende dessus desvisee; 19 et ausy sauf lez deymes, rente et revenue des damez \42 religieusez du monasteire monsseignour sainct Goeric d'Espinalz, appartenant auxdiz monasteire et nom d'aultre. 20 Et mandons et commandons expressement \43 et tres expressement sur lez poinne et amende dessusdicte, sen avoir aultre mandement de nous ne de noz successours evesque de Metz, à nostredict \44 prevost ou à son lietenant, il deffendasse de par nous et de part lesdis mennans et habitans bourgoix, à toute et singuelierez personnez, de quelcunque estat \45 qu'i soit, tant dudict lieu d'Espinalz comme d'aultre lieu, 21 que en la dicte gelloingnie, droiture, sez appartenances es diz fied, champ, fruct, proffit, \46 issue et emolument quelcunque qui appartiennent, et toute lez chosez dessusdicte et declairee que nous avons donner et ouctroier comme dessus \47 est diz, ne faice forfaire ou aille ou faice faire, forfaire ou aller contre ne contre lez voluntei dudict sire Frousque, de sez hoirs ou de sez \48 aiant cause, ne rien n'en commencient ou innovent, ne faice commencier ou innover chose qui soit contraire à la tenour de sez presentez lettre, ou \49 qui pouroit tourner en prejudice et daipmaige audict sire Frousque, à sez hoirs ou à sez aiant cause. 22 E[t] [s]e aulcuns en secrei ou en appert faist \50 ou ailleist de rien contre ceste dicte deffence ou commandement et la tenour de ses presentez lettre, nous mand[on]s et commandons à nostre dict prevost que, à \51 la requeste dudict sire Frousque, de cez hoirs ou aiant cause, le faice amender et adracier à nous et à noz successours evesque de Mets, et amender \52 audict sire Frousque, à sez hoirs ou aiant cause. 23 Lesquellez gelloingniez, droiture, les fied et appartenance, et toutez lez choses dessusdicte, et toute \53 les donnacion et ouctroiz dessusdictz et declairier, et toute lez appartenance d'icelle, ledict sire Frousque, sez hoirs ou sez aiant cause doient tenir et \54 tenront pour tousjourmaix de nous et de noz successourz evesque de Metz, ad cause de nostre dicte haulte et ancienne seignorie de nostre dicte \55 eveschié en fied et en hommaige. 24 Et faisons savoir à tous que ledict sire Frousque, chivallier, pour lui et pour sez hoirs ou aiant cause, aux jour \56 de la confection de ses presentez lettre, en ait repry de nous de main et de bouche en fied et en plain hommaige en la maniere que faire se doit. 25 \57 Et toutez lez chosez dessus dictez et une chacune d'icelle nous, Guillame, evesque davant [2] nommez, et lez dis mennans et habitans bourgoix 26 promettons \58 nous, et le promettons en nom de nous, de noz successours evesque de Metz et dez successours mennans et habitans bourgoix de nostre dicte ville \59 d'Espinalz, à tenir et faire tenir à tousjourmaix ferme et estauble ausdiz sire Frousque, chivallier, et à sez hoirs ou aiant cause, 27 et lui promettons par \60 cez presentez du wairentir bonnement et loyalment encontre tout qui à droit et à jour voulroit venir et estre. 28 Et si avenoit, cen que Dieu \61 ne veulle, que nous ou noz successours evesque de Metz, ou lesdiz mennans et habitans bourgoix de nostre dicte ville d'Espinalz, alliens de-nyant \62 à l'encontre, nous voulons et ouctroions que ledict sire Frousque, sez hoirs ou sez aiant cause, ilz nous et les diz mennans et habitans bourgoix \63 en puisse waigier et faire waigier par qui qu'il lui plairait, jusque ad cen que nous, noz successours evesque de Metz, et lesditz mennans \64 et habitans bourgoix et leur successours bourgoix averiens remix et acomplir lez chosez davant dictez et declaireez. 29 En tesmoingnaige de veritei \65 sont cez presentez lettre seelee de nostre seel 30 et du seel de l'universitei de la communatey de la dicte Espinalz pendant en cez presentez lettre. 31 Donnee à Espinalz \66 l'an de graice nostre seignour mil dous cens et vingtrois, le trezime jour de novembre, 32 presens treshault prince et redoubtez seignour monsseignour Matheu, duc \67 de Lorrainne et marchy, 33 de seignour Hermans de Lucembourg, granz doyen dez seignour chanonnez de la grant eglise de Metz, 34 de mensire Heuzelin \68 de Mauxailx, chivallier, 35 de Piere de l'estant, escuier.
Notes de fiche
[a] En 1223, l'évêque de Metz était Conrad de Scharfenberg, et le doyen portait le nom de Pierre. Il a été reconnu depuis longtemps que cet acte était un faux; l'aspect général de l'écriture et l'allure de la langue permettent d'en attribuer la confection au XVe siècle. Cf. Ch. Chevreux, Les Institutions communales d'Épinal sous les évêques de Metz (Xe siècle-1444), dans Annales de la Société d'Émulation du départment des Vosges, t. 89 (1913), p. 257-258 et A. Philippe, ouv. cit., p. 1 n. a.
Notes de transcription
[1] Ainsi coupé: dehue.
[2] Davantrépété par erreur.