Téléchargement du document

Documents linguistiques galloromans
Corpus : chartes des Vosges (chV)
Responsable du corpus : Martin-D. Glessgen
Édition de la charte : Jean Lanher / David A. Trotter

ChV0144

1271 (n. st.), février

Type de document: charte: vente de terre

Objet: Vente par Pierre, sire de Bourlémont, à l'abbé de Saint-Mansuy de Toul, aux termes d'un accord concluant leur litige et moyennant 100 livres de provenisiens forts, de terres et de prés voisins de l'étang du prieuré de Saint-Jacques-au-Mont, dépendant de l'abbaye, que l'abbé avait indûment enclos et inondés; Pierre s'engage à n'utiliser l'étang, sa chaussée et ses moulins à moudre ou à fouler qu'en payant les redevances habituelles et, lorsqu'il sera pourvu d'un sceau, à sceller l'acte. Acte passé sous les sceaux de l'Officialité de Toul et de l'abbé de Mureau.

Support: Parchemin jadis scellé de deux sceaux sur double queue.

Lieu de conservation: Archives départementales des Vosges, XIV J non noméroté.

Verso: Redditus [cujusdam sort...] (XIIIe s.).

1 Je, Perres, sires de Borlemont, 2 fais conessant à tous ceaus qui ces lettres varront et orront 3 que dou descort que nos \2 aveiens, je d'une part et li abbes de Seint Mansué de Toul d'autre part, om nom de son priorei de Seint Jaike on Mont, c'est assavoir \3 de pres, de terres que movoiet de moi et de mon fié, que li dis abbes avoit encloses et covert en son estant dou dit priorei de Saint \4 Jaike on Mont, qui siet entre lou dit priorei et Rortei, pour bien de pais, 4 par lou conseil de bone gens et de nos amis, pais et concorde en est faite, \5 en tel meniere que je vens et ai vendu au dit abbé ceu que je ai et doi avoir ou dit estant et en la chaucie, soit por raison de fié soit por raison \6 de heritage soit por autre raison quels ^[1] qu'ele soit, soit en terres soit en pres ou en toutes autres chozes, por cent livres de provenesiens fors, de quex \7 je ai receu plein paiement dou dit abbei. 5 Et si en doi porter bone warantie au dit abbei ou au priour dou dit priorei envers toutes gens des chozes davant \8 dittes, et warder de force, sauf ceu que li dis abbes ou les dis priours renderont avenanment, à-l'awart de bone gent, prei ou terres ou deneirs à ceaus que riens \9 averont on dit estant, puis qu'il serai prové et conu qu'il i-deveront avoir. 6 Et fais encort assavoir que je ne mui oir ne avons ne devons avoir \10 usuaire ne autre servitute on dit estant ne en la chacie ne on molin ne on follon doudit estant, fors que morre et foller ausi com autre gens, nos motu\11res paiens et nostre argent. 7 Et si li dis abbes ou li priours avoiet costenges ne damages ou faisoiet por l'oquoison de chozes desus devisees, je et mui oir somes \12 tenu à-rendre, et le devons defaire à-la requeste dou dit abbei ou de son comandement. 8 Et si promés par ma foi fiancie, por moi et por mes oirs, que je tanrai et \13 garderai ces chozes ausi com eles sont desus devisees, et que je ne mi oir ne vanrons encontre ^[2] ne ferons venir ne sofferons que autres i-veigne; 9 et si par aven\14ture avenoit que je ne mi oir venissiens encontre ces chozes desus devisees ou feisiens venir, don Dex nos gart, je concent et vueul que li officiaus de la \15 cort de Toul, à la requeste de l'abbei ou dou priour davant dis ou de lour comandement, puisset escomeneier moi et mes oirs, et faire denoncier por escomone\16ier ^[3] par tout, et quant à ceu me mes je en sa juridition, por moi et por mis oirs, et nostre terre mettre en intredit. 10 Et renons à la exeption des doniers \17 ne mie aüs et ne mie receus; 11 et promés par ma foi fiancie que, ausi tout com je averai seel, je saelera ces lettres de mon sael et ferai saeler dou sael \18 lou dit officiaul. 12 En tesmoinage de verité sont ces lettres saelees par ma requeste dou sael de la cort de Toul 13 avec le sael l'abbé de Meruaut, 14 \19 dou quel je use que je n'ai point de sael, 15 que furet faites l'an que li miliaires Nostre Seignour corroit par mil douz cens sexante et \20 deix ans, ou mois de fevrier.

Notes de transcription
^[1] Sic.
^[2] Ainsi coupé: encontre.
^[3] Sic.