Téléchargement du document

Documents linguistiques galloromans
Corpus : chartes des Vosges (chV)
Responsable du corpus : Martin-D. Glessgen
Édition de la charte : Jean Lanher / David A. Trotter

ChV0137

1270, 13-30 avril ou 1271, 1-4 avril^[a].

Type de document: charte: confirmation de l'acte 0093

Objet: Confirmation par Pierre, sire de Lafauche, de l'acte no. 93.

Support: Parchemin jadis scellé sur double queue.

Lieu de conservation: Archives départementales des Vosges. XX H 121 (fonds de l'abbaye de Mureau).

Verso: Littera domini de Fischa pro elemosina Milonis de Gran (XIIIe s.). Pour boix de Puiseulx (XVe s.).

1 Je, Pierres, sires de La Fesche, 2 faz savoir à tous ceaus qui verront et orront ces presentes lettres 3 que je ai veu et lit mot et mot les lettres que sunt saelees des saeels \2 signor Gautier de-Lafesche, chevalier, et signor Girart, qui fu chanoines de Rinel et curiez de Gran, dor don et de l'aumosne que ma dame Agnés de Gran, mes sires Airars, ces fiz, chevaliers, \3 et Marguerons, que fut feme Milet, dont Diex ait l'arme, estaubli en la presence aus devant dis signor Gautier et Girart, 4 ont donei et donent à touz jors parminaublement à-l'anglise Nostre \4 Dame de Miruaut dix arpans de bois en bois c'on dit de Pusieuz, tout en une piece, à-panre selonc le bois que la devant dite englise i-avoit ja en-l'eritage que fut Milet devant dit, por l'ar\5me de Milet et de-lor ancessors. 5 Et cis dons est fais par le louz et par le creante de Wyllaume et d'Adelinete, sa feme, et de Jannot Devron et de Damete, sa feme. 6 Et la devant dite Agnés et Marguerons \6 ont fiancié ces chozes à-tenir en-la main mon signor Orri de Mandres, bonement et leaument. 7 Et la devant dite englise est tenue à-faire chascun an touz jors lou-servise au-devant dit \7 Milet. 8 Et je, sires devans dis, louz crans et otroi tel aumosne et tel don com il est desus devisei, de cui li devant dit dame Agnés et Milet tenoient de moy en fié. 9 Et por ce que \8 ce soit ferme choze et estauble ai je saelees ces presentes de mon saeel. 10 Ce fut fait l'an que li miliares corroit par mil et duz cenz et sixante dix ans, en mois d'avril.

Notes de fiche
^[a] Suivant le style de Pâques; cf. Introduction, p. XII.