Téléchargement du document

Documents linguistiques galloromans
Corpus : chartes des Vosges (chV)
Responsable du corpus : Martin-D. Glessgen
Édition de la charte : Jean Lanher / David A. Trotter

ChV0113

1266, mai

Type de document: charte: vente de maison

Objet: Vente à Demengin, gendre de Jean Watart, Adelinete, sa femme, Thierri, Huel, Melinete, respectivement fils et petite-fille dudit Jean, par Adelinete, fille de feu Wiart de Chatehan, de Neufchâteau, et veuve de GAuterin de Punerot, de la moitié d'une petite maison qu'elle possédait à Neufchâteau, rue Saint-Christophe, dans la censive de l'abbaye de Mureau. Acte établi au nom et sous le sceau de Gautier, curé de Punerot.

Support: Parchemin jadis scellé sur double queue.

Lieu de conservation: Archives départementales des Vosges, XX H 86 (fonds de l'abbaye de Mureau).

1 Gié, Wautiers, curiés de Purneroy, 2 fas savoir à-touz cels qui ces leitres verront et oront \2 3 que Adelinnete, ma barochienne, que fut fille Wyart de Chastehan, dou Nuef Chastel, \3 et fame WAuterin de Purneroy, estaublie en ma presence, at recognu que ele at \4 vendui et tresfoncié et aquité à-toujors parmignaublement, par l'otroy et par \5 le-crante de tous ces enfans et de-ces hoirs, demie la masenote que elle avoit au \6 Nuef Chastel, en la rue Saint Cristofle, aprés la mason que fut Armengete \7 de Rinnel, que li signour de Muruaut tiennent, 4 à Demengin, le janre Jehan \8 Watart, et à Adelinnette, sa fame, et à Thierri, que fut fis Jehan Watart, \9 et à-Huel, son frere, et à-Melinnette, que fut fille Jenin, que fut fis le dit Jehan \10 Watart, et à-els et à-lor hoirs, sanz jamais rapaler, 5 por une some d'argent \11 dont li ditte Amelinnete, ma-barochienne, at receu son paement et si c'en tient \12 por bien paié. 6 Et de cest vendage ele et sui hoir doient porter bonne warentie \13 cels que sunt davant nomé que cest vandage ont achaté, et els et lor hoirs, envers \14 toutes gens qui à-droit voroient venir. 7 Et por-ce-que se-çoit ferme chouse \15 et estauble, je, Wautiers, curiés davant només, à-ces lettres saelees de-mon \16 sael, 8 par la requeste de la ditte Adelinnete et de-ces hoirs. 9 Ce fut fait l'an que \17 li milliares coroit par mil .CC. sexante et six ans, en mois de mai.