Téléchargement du document

Documents linguistiques galloromans
Corpus : chartes des Vosges (chV)
Responsable du corpus : Martin-D. Glessgen
Édition de la charte : Jean Lanher / David A. Trotter

ChV0085

1261, septembre

Type de document: charte: autorisation

Objet: Autorisation donnée à l'abbé et au couvent de Mureau par Gauchier et Philippe, fils de feu Renart de Coussey, d'édifier une grange à Coussey à côté de la maison que l'abbaye y possède déjà, pour y entreposer ses récoltes et y loger son bétail et ses gens, à charge pour chacun des occupants de la grange et de la maison d'acquitter aux deux frères les mêmes redevances que les autres habitants du lieu; - de jouir des droits d'usage au ban de Coussey; - de faire, en toute franchise, des essarts dans l'aulnaie, jusqu'à concurrence de trente fauchées de pré, moyennant le versement d'un cens annuel de 15 deniers toulois ^[a]. Acte établi au nom de l'Official de Toul et scellé du sceau de l'Officialité.

Support: Parchemin jadis scellé sur double queue.

Lieu de conservation: Archives départementales des Vosges, XX H 69 (fonds de l'abbaye de Mureau).

Verso: Littera de la dame de Cosset et de l'anoi (XIIIe-XIVe s.).

1 Nous, Officiaus de la cort de Toul, 2 faisons savoir au touz 3 que Guachiers et Philippes, fil lou-signor Renart que fuit, de Coussy, estaubli en nostre presence, ont reconui en-droit par \2 devant nous qu'il ont donei et outrié et donent et outroient en asmoinne perpetuel, bonement et solement, à l'abbei, au couvent et à l'eglize de Mirual, 4 qu'il aient et pussent avoir \3 à touz jors une grange à Coussy, lor ville, aveuque ^[1] la maison qu'il ont ja et tienent en la ville devant dite, les ques maisons et granges il lor donent et outroient perpetuement. 5 Et lor \4 ont donei et outrié et donent et outroient qu'en celle grange et en celle maison pussent mettre blef, func, bestes grosses et menuez et masnie, convers et conversez et autres \5 masniez, et toutes autres chousez, pur demorer à touz jors de nuit et de jor à lor volentei; 6 en teil maneire que cil qui demorront en la grange et en la maison devant dite et \6 toutes les bestes que li abbas et li convens devant dit averont en cel lui averont lor usuare franchement et quictement en tout lou ban dou finage de Coussy, 7 en bois, en terres, en \7 preis, en auez, en pastures et en tout autres usuares, ou qu'il soient, 8 enci ^[2] com li home demorant à Coussy l'ont et doient avoir par tout on ban de Coussy et defuer ^[3], 9 parmi ^[4] ceu \8 que cil qui demorront en la grange et en la maison de l'abbei et lou convent devant dites pairont tel rente cum une des maisons de Coussey doit, cens taille, cens prise et cens forse \9, 10 c'est à savoir un carteron d'avoine, une geline, dous tollois, un saiclour, un cellor, un fenour, un denier pur la faus et un pain chascun an, et ne plus. 11 Et est ausi à savoir que li \10 dit Gauchiers et Philippez ont donei et outrié et donent et outroient que li abbes et li couvens devant dit pussent assarter franchement et quictement et faire lor treffons sanz \11 contredit en l'aunoi que siet on finage de Coussy, jusque à la montance de trente faucies de prei, parmi ^[5] quinze deniers tollois de cenz à paier chascun an dedans la fenison, sanz nulle \12 amende et sanz nulle ouqueison, au signors de la ville ou à-lor commandement, 12 les ques li abbes et li couvens devant nomei tenront à touz jors franchement com lor treffons parmi ^[6] \13 les quinze deniers de cenz devant diz; 13 ne ne puent assarter ou ban de la dite-ville fors les trente faucies de prei devant nomees. 14 Et toutes ces chousez doient tenir et faire \14 tenir Gauchiers et Philippez devant nomei, par lor foiz et par lor sarmens, 15 et doient portel ^[7] leaul garantie envers ^[8] touz lor hoirs et toutes autres gens qui encontre ^[9] \15 en iroient. 16 Et ce li-dit Gauchiers et Philippez, ou li hoir qui isseroient d'aus, alloient encontre ^[10] ou defalloient d'aucunes des convenances desus divisees, li dit Gauchiers et Philippez se sont \16 à ceu outrié et consenti que nos les escomeniens et faciens denuncier pur escomeniés par toute l'aveschié de Toul, à-la requaste de l'abbei et dou couvent de Mirual devant diz. 17 Et pur \17 ceu que ces chousez soient fermes et estaubles avons nos saielei ces lettres dou saiel de la cort de Toul, en tesmonaige de vertei, 18 à la requaste de Gauchier et Philippe sus nomeis. 19 Ce fuit \18 fait l'an que li meliares corroit par mil dous cens et sexante et un an, ou mois de septembre.

Notes de fiche
^[a] Voir les actes nos. 98 et 116.

Notes de transcription
^[1] Ainsi coupé: aveuque.
^[2] Ainsi coupé: enci.
^[3] Ainsi coupé: defuer.
^[4] Ainsi coupé: parmi.
^[5] Ainsi coupé: parmi.
^[6] Ainsi coupé: parmi.
^[7] Sic.
^[8] Ainsi coupé: envers.
^[9] Ainsi coupé: encontre.
^[10] Ainsi coupé: encontre.