Téléchargement du document

Documents linguistiques galloromans
Corpus : chartes des Vosges (chV)
Responsable du corpus : Martin-D. Glessgen
Édition de la charte : Jean Lanher / David A. Trotter

ChV0067

1260 (n. st.), 21 mars. Relanges.

Type de document: charte: donation

Objet: Donation au prieuré de Saint-Pierre de Relanges par Aubert, sire de Darney, avec l'accord de Jean et d'Aubertin, ses fils, sous réserve du droit de garde des seigneurs de Darney, de tout ce qu'il possède à Dommartin-lès-Vallois - étang et moulin compris -, à l'exception du fief de "Moupré", moyennant la célébration par les religieux de trois messes par semaine à l'autel Saint-Nicolas, où le donateur sera enseveli, et, après sa mort, d'un service anniversaire pour le repos de son âme.

Support: Parchemin jadis scellé sur double queue; trou à la ligne 12 ayant fait disparaître quelques lettres.

Lieu de conservation: Archives départementales des Vosges, VIII H 4 (fonds du prieuré de Relanges).

Verso: Donation de Dommartin et dez apartenances (XIVe s.).

2 Je, Aubers, sires de Darné, 3 faiz connossant à touz ces qui ces letres verront et orront 4 que je, par lou loz et par \2 lou gré de Jehan et de Aubertin, mes fils, et de touz mes autres hoirs, en bon sen et en bonne memoire mis, por lou remede de m'ar\3me et de mes autres hoirs et de touz mes ancessours, ay donné en perpetuaul amoinne à Deu et à mon signour saint Pierre \4 dou prioré de Relanges, de l'ordre de Clugné, et à priours et à tous les freres qui en celui leu servent à Nostre Signour \5 Jhesucrist, quanque j'ay et puis et doi avoir à Dommartin anson Vallox, en hommes, en prez, en terres, en boiz, en eaues, \6 en pastures, et mon estan et mon moulin de celui estan, en ban et en justice et en toutes autres choses, san rien re\7tenir à moi et à mes hors, fors lou fyé ces de Moupré qui remaint à mes hoirs. 5 Et por ceste amoinne que je ay faite par de\8votion à dis priours et à dis freres de Relanges, m'ont aquité li diz priours et tuit li frere de cel leu tous les maus et \9 touz les damaiges et toutes les entreprisions que je ay faites, qui sunt molt granz, dont je me ranz courpaubles. 6 Et \10 sunt tenu li diz priours et li frere de Relanges de chanter à l'autel de mon signour saint Nicholas, ou je ay devisé \11 mon cors à gesir, trois messes perpetuaulment chascune semainne, lou lundi, por touz les foies, Jhesucrist, lou juedi dou \12 Saint Espir, lou samedi de Nostre Dame, 7 que, par ces biens faiz et par [ces] saintes orisons, Jhesucriz, Nostres Sires, velle \13 avoir pitié et merci de moi et de mes hoirs et de touz mes ancessours. 8 Et faiz à savoir que je, par lou loz et par \14 lou gré de tous mes hoirs, lou et confer toutes les amoinnes et touz les dons que je et mi ancessour avons \15 faites à Deu et as freres dou dit prioré de Relanges. 9 Et doient li dit frere dou prioré chascun an, à tel jour \16 com mes obiz me panra, perpetuaulment faire mon andeversaire sollempnement. 10 Ne ne puent li priours ne li \17 dit frere de Relanges ne autres pour aux metre la dite amoinne que je lour ay faite de Dommartin \18 en autre garde qu'an la garde as signours de Darné. 11 Ces letres furent faites et donnees par ma main à priour \19 et à dis freres de Relanges, à Relanges, 12 en l'an que li miliaires corroit par mil et deuz cens et cin\20quante et nuef, lou dimege devant l'annuntiation Nostre Dame.