Téléchargement du document

Documents linguistiques galloromans
Corpus : chartes des Vosges (chV)
Responsable du corpus : Martin-D. Glessgen
Édition de la charte : Jean Lanher / David A. Trotter

ChV0065

1259, mai

Type de document: charte: notification de renonciation de droits

Objet: Notification par Geoffroi, sire de Bourlémont, et Sébile, sa femme, de leur renonciation à tout droit sur la ville et le ban de Pargny-sous-Mureau, sauf la garde de la ville et l'hommage dû pour le fief que tiennent d'eux Guillaume, fils d'Imer, Érart et Geoffroi, fils de Gautier, chevalier, et Jeannin, petit-fils d'Imer. Geoffroi et sa femme accordent en outre aux hommes de l'abbaye de tenir aux mêmes cens que précédemment les terres et les essarts de ce fief, et confirment les droits d'usage dans ce dernier; ils donnent aux religieux de Mureau la faculté d'acquérir jusqu'à la moitié de leur fief, et s'engagent à céder à ces derniers, par voie d'échange ou moyennant un prix calculé au taux de 100 livres de forts pour dix livrées de terre, les parties de ce fief qui pourraient leur faire retour. Acte établi au nom de Geoffroi, sire de Bourlémont, et de Sébile, sa femme, et passé sous les sceaux dudit Geoffroi et de Gilles, évêque de Toul. Transcription dans un vidimus de Gilles, évêque de Toul, en date de juin 1261 (voir plus loin, no. 80), de l'acte ci-contre.

Lieu de conservation:

Verso:

1 Nos, Joffrois, sires de Bollenmont, et Sibille, sa feme, 2 fazons savoir à touz et tesmognons par ces presentes lettres 3 \2 que nos ne nostre hoir ne avons nulle choze en la ville de Pargné desouz Miruaut ne en ban ne en homes ne en rantes ne \3 en justice ne en pres ne en terres ne en bois ne en pastures ne en nul usage ne en nul proage, fors que-l'omage et le fié que Guil\4laumes, fiz le signor Ymer, et Arars et Joffrois, li fil signor Gautier, chevalier, de Pargné, et Janninz, li fis Panrrin, qui fust fiz signor \5 Ymer de Pargné, tiengnent de nos; 4 ne nos ne nostre hoir ne poons ne ne-porrons jemais rien aquester ne par achat ne par \6 don ne par achange ne en nulle autre manniere, ne avoir nul proage ne nul usage en ban ne en la ville de Pargné ne en nostre fié de\7vant nomei, fors san-plus la-warde de la ville de Pargné, que nos devons garder franchement. 5 Et otrions et donons et acquitons et volons que cil \8 de Miruaut et lor home et tuit li home qu'il tiengnent et lor hoir tangnent perminaullement les terres, les pres, lé mesez et les masieres \9 qu'il ont acensi jusqu'au-jor d'ui en nostre fié devant nomé, par telle rante paiant com il ont paié jusque-ci, 6 et que li home devant dit tangnent \10 ausi perpetuelment les terres arigaus qu'il ont asarteez en nostre fié devant dit, que nos estoient achaüez, il et lor hoir, par tel ara\11ge paiant com il en ont paié jusqu'au-jor d'ui; 7 et volons et otrions que li anglise et cil de Miruaut et lor home devant nomé et lor hoir demor\12cent en ban et en la ville et en nostre fié de Pargné, en tes usuares et en tes conmuntéz ^[1] à chans, à-bois et à-ville com il ont asté jusqu'au-jor d'ui, \13 saul le droit de mes homes devant només, li quel n'i doient perdre poient de-lor droit por ces presentes lettres que je doing à ceals de Mi\14ruaut. 8 Et si est à-savoir que nos et nostre feme, Sibille, avons otrié et doné et donons et otrions à l'anglise de Miruaut que-li abbes et li \15 convens et lor home devant dit puessent aquester en-totes mannieres jusqu'a-la-moitié de tout nostre fié de Pargné; 9 et lor donons et otrions \16 que nos ne nostre hoir ne danrrons ne otrierons à nul home, fors qu'a ceals de Miruaut, qu'il aquesse ou pusse aquester ne partie ne moitié \17 en nostre fié devant nomei; 10 et c'il avenoit que li fiéz devant dis ou touz ou an partie achaoit à-nos ou à nos hoirs, par droit ou par juge\18ment, ou il nos astoit randuz sanz bozerie ou touz ou en partie, nos ne nostre hoir nel-porrienz en nos maiens retenir, enz le \19 nos covenrroit achangier à-ceals de Miruaut, ou panrre d'aux por dix livrees à-fors de terre que seroient en fié cent livres \20 de fors, au-dit ou à-l'agart de douz ou de quatre prodomes aliz conmunement par nos et par ceals de Miruaut. 11 Et si fasonz à-savoir \21 que nos et nostre feme crantons, donons et otrions à-l'anglise de Miruaut touz les dons et totes les aumosnes que nos li avons fais et faites, \22 ensi com nos lettres le tesmoignent, et volons ausi que nostre hoir le tengnent. 12 Et de totes les chozes devant dites somes nos et nostre \23 hoir tenu à-portel ^[2] leaul garantie à-l'anglise et à ceals de Miruaut. 13 Et avons jurié sor-Cens, nos et nostre feme, que nos totes les chozes de\24vant dites tanrrons et garderons en bone foi. 14 Et si nos ou nostre hoir veniens encontre ces ^[3] chozes en nulle manniere, ne nos i-reclami\25ens en aucu ^[4] tans aucunes chozes ne por doare ne autrement par nos ne par autrui, nos volons et otrions que nostres sires et nostre pe\26res, quequ'il soit, evesques de-Toul, contrengne et nos et nos hoirs à-tenir et à-garder par la justice de saint Englise; 15 et moi, Joffroi, \27 signor de Bollenmont, qui sui hom liges l'evesque de Toul, et celui de mes hoirs qui ces hons serat aprés moi contrengne ausi del \28 garder et del tenir par la terriene justice. 16 En tesmoignage de totes ces chozes avons nos fait saeler ces presentes lettres dor sael \29 nostre pere Gillon, par la grace de Deu evesque de-Toul, et dor nostre, Joffroi, signor de Bollenmont devant nomei, 17 les ques furent fai\30tes l'an del'Incarnacion Nostre Signor mil duz cens cinquante nuef, en mois de mai.

Notes de transcription
^[1] Le scribe de cette pièce utilise la lettre zaprès voyelle atone.
^[2] Sic.
^[3] cesa été ajouté en interligne.
^[4] Sic.