Téléchargement du document

Documents linguistiques galloromans
Corpus : chartes des Vosges (chV)
Responsable du corpus : Martin-D. Glessgen
Édition de la charte : Jean Lanher / David A. Trotter

ChV0051

1257, août

Type de document: charte: abandon

Objet: Abandon au profit de l'abbé et du couvent de Mureau par Aceline, femme de Nicoles de Châtenois, de toute revendication sur l'héritage de feu maître Garin, doyen de Saint-Dié, légué aus religieux, ces derniers cédant en retour à Aceline, moyennant un cens annuel de 16 sous de provenisiens forts, la part de cet héritage qui aurait dû lui revenir, soit toutes les terres arables de Garin au finage de Coussey, une fauchée de pré et des maisons sises dans l'enceinte de Neufchâteau, près de la poterne. Acte établi au nom et sous le sceau d'Orri, doyen de chrétienté de Neufchâteau.

Support: Parchemin jadis scellé sur simple queue, endommagé par une tache au milieu des lignes 9, 10, 11 qui a fait disparaître 6 à 10 lettres du texte par ligne.

Lieu de conservation: Archives départementales des Vosges, XX H 86 (fonds de l'abbaye de Mureau).

Verso: Littera de .XVI. s. quod Acelina et Brizecroi debet (XIIIe-XIVe s.).

1 Nos, Olriz, doiens de la cristianté dou Neuf Chastel, 2 fasons cognessant à-toz 3 que Aceline, qui fut fame Nichole \2 de Chatenoi, estaublie en nostre presence, at creanté et loé tel aumosne com mastre Garin, qui fut doiens de Saint Dier, a fait à l'abbé \3 et au convent d l'anglese Nostre Dame de Miroaut, 4 et aquitté quan que elle i cudiez ^[1] ou-poist avoir en tot l'eretaige mastre Garin \4 davant dit, en non d'eschue ou en autre meniere, 5 et promis que elle ne reclamera jemais auconne chose en-dit heretaige par \5 soi ne par autre. 6 Et est à-savoir que li-dit abbez et convens ont acensi à-la-dite Aceline et à-ses hoirs totes les terres arables qui \6 sont en-finaige de Cossei, qui por lor partie lor peussent et deussent vennir en-achue se li-diz mastre Garin n'en-aüst ^[2] fait \7 aumosne, 7 et une faucee de prei, et tot ceu qui lor peust acheoir, por lor partie, de par mastre Garin davant dit, en masons qui \8 seent au postiez ^[3] dedens lou Neufchastel, qui meuvent de l'eschue mastre Garin densus nomé, por .XVI. sous de prevenen. \9 fors à-randre chacon an au-diz abbé et convent à [deus] [termes], 8 c'est assavoir la motié le-jor de la Seint Esterne et l'autre motié le-jor \10 de la Seint Jehan Baptiste; 9 et se il ne les paient [aus] termes davant nomméz ou au-plus tart dedenz les .VIII. jor qui venront aprés les diz \11 termines, la rante seroit tantost doblee; 10 et se il de[faloient] de paenment par une annee ou-par-plus, li diz abbez et convens revenroent \12 à lor heretage sans contredit. 11 Et se li-dit Aceline [ou] seu hoir voloent engagier ou vendre ces dites terres, prei et maisons, il les doient \13 premiers cemonre au-diz abbé et convent de Miroaut, 12 ne-ne les peut ne-ne doient doner en aumosne ne mestre en-gage à autre anglese \14 fors que à-l'anglese Nostre Dame de Miroaut davant dite. 13 Et ces choses sont faites par-le lois et par lou creante des dous fiz à-la-dite Ace\15line, ce est assavoir de Jehan et de Ferrion. 14 Et por ceu ke ces choses soent fermes et estaubles avons nos salees ces lettres de \16 nostre sael, en-tesmoinaige de verité, 15 à-la-requeste de totes les parties davant dites. 16 Ce fut fait en-l'an ke-li-miliaires corroit par \17 mil et dous cens et cinquante sept, en-mois d'aoust.

Notes de transcription
^[1] Le scribe utilise la lettre zaprès voyelle atone.
^[2] Ainsi coupé: nenaust.
^[3] La lecture est incertaine; le zsemble avoir été ajouté, ou peut-être a-t-on cherché à l'effacer.