Téléchargement du document

Documents linguistiques galloromans
Corpus : chartes des Vosges (chV)
Responsable du corpus : Martin-D. Glessgen
Édition de la charte : Jean Lanher / David A. Trotter

ChV0021

1251, 6 mai

Type de document: charte: mise en gage

Objet: Mise en gage à l'abbaye de Mureau par Aubri d'Arches, chevalier, et par son fils Geoffroi, pour une durée de vingt ans, en contrepartie d'un prêt de 50 livres de forts, de leur alleu de Pargny-sous-Mureau, avec faculté de rachat au bout de dix ans moyennant la moitié de la somme prêtée, les revenus du gage ayant alors éteint l'autre moitié de la dette. Acte établi au nom et sous le sceau de Roger, évêque de Toul.

Support: Parchemin jadis scellé sur double queue.

Lieu de conservation: Archives départements des Vosges, XX H 97 (fonds de l'abbaye de Mureau).

Verso: Carta domini Aubrici de Arches de venditione Pargné (XIIIe-XIVe s.).

1 Nos, Rogiers, par la grace de Deu evesques de Toul, 2 faisons savoir à-touz çals qui ces lettres verront et orront 3 que sire Aubriz, chevaliers, d'Archez ^[1], et Joffroiz, ces fiz, estauli en nostre presan\2ce, ont recognu qu'il ont vendu et mis en main à-l'abbé et au convent de Miroaut tote lor terre qu'il ont à-Pargné desouz Miroaut, por toute faire et por tout panre, 4 et toutes les issu\3es et les fruiz qu'il i-puent panre ou atandre an tout le ban et le finage de celle meime ville an homez, an famez, an terrez, an prez, an boiz, et an toutes autres rantes et an \4 autres prises, jusqu'a vint anz, por cinquante livrez de fors dont li davant diz chevaliers et Joffroiz, ces fiz, ont receu le paiement entierement. 5 Et ceste vendue ont il fianciee et \5 juree à tenir loiaument, et an doient porter bone warantie à l'abbé et au convent de Miroaut evers ^[2] toutez genz, 6 et que il par lor sairement ne anforceront les homez de ceste \6 vendue ne auconne choze n'i panront jusqu'a-tant que les anneez davant ditez seront passeez; 7 ne il ne pueent rachater ne venir à ceste vendue ne mettre en autrui \7 main ne faire rachater deça dis anz; 8 mais c'il avenoit choze par aventure que il voissent revenir à lor terre aprés dis anz, il paieroient à l'abbé et au-convent davant \8 diz la-moitié de la davant dite summe de deniers, 9 et li autre moitiéz seroit quitte por les fruiz et por les issuez qu'il averoient receu an dis ans davant trespas\9séz. 10 Et nos ont cranté par lor foiz que il ceste choze qu'il ont vendu au davant dit abbé et au convent de Miroaut ne tienent ne ont repris d'aucon signor, an est lour \10 frans aluez. 11 Et ce il ne autres por ous alevent encontre ceste vendue et ces convenances d'auconne choze, nos les feriens escummenier par nostre eveschié et par\11tout ou il demorrient, et de ce se sunt il mis en nostre juridicion. 12 Et por-ce que ce soit ferme choze et estaule, nos avons seeleez ces presentes lettres de \12 nostre seel, en tesmoignage, 13 par la requeste dou davant dit chevalier et de Joffroi, son fil. 14 Ce fu fait an l'an que li milliaires corroit par mil et dous cenz et \13 cinquante et un an, on mois de mai, le samedi aprés la Seinte Creus.

Notes de transcription
^[1] Le scribe emploie la lettre zaprès voyelle atone.
^[2] Sic.