Téléchargement du document

Documents linguistiques galloromans
Corpus : DocFrib (chFrib)
Responsable du corpus : Lorraine Fuhrer
Édition de la charte : Lorraine Fuhrer

docFrib056

1435, 28 novembre

Type de document: charte: sentence

Objet: Berhart Chauce, au nom de l’avoyer de Fribourg, déclare que Peterman Cudrefin et les conseillers ont 8 jours pour produire un mémorial concernant le village de Chevrilles suite à une plainte du monastère de la Maigrauge relative à la perception d’une taxe en chapons sur le village.

Auteur: Berhart Chauce, secrétaire de la ville de Fribourg, en tant que lieutenant de Jacquet Lombart, avoyer de Fribourg

Disposant: Jean Basset, au nom du monastère de la Maigrauge, et Pierre de Vuippens

Sceau: Jacquet Lombart, avoyer de Fribourg

Bénéficiaire: Le couvent de la Maigrauge

Autres Acteurs: Les conseillers de la ville de Fribourg

Rédacteur: Chancellerie de la ville de Fribourg, Berhart Chauce, secrétaire

Support: Original sur parchemin, scellé sur double queue de parchemin^[a]

Lieu de conservation: Archives de l’État de Fribourg, Maigrauge VI/11

1 Je, Berhart ^[1] Chauce, secretaire de la ville de Fribourg, lueftenant de nouble homme Jaquet Lombart, advoyé de Fribourg, 2 fay assavoir à tout ceaulx qui verront ou horront cez presentes 3 que moy le-dit lueftenant \2 comment justissierre en la cause cy apprés escripte tenant la justise appallee deis cas attraict en la maison dou conseil de Fribourg 4 le .XXVIII^e. jour dou moix de novembre, en l’an de grace corant mil quatre-cens et \3 trente et cinq, 5 en la presence de gens honnourables et discreites conseilliours ou-dit luef cy apprés escriptes, c’est-assavoir Jacob de Englisperg, Guilliame d’Avenche, donzels, Peterman Cudrifin, Pierre Morsel, Jacob de \4 Praroman l’ancian, Heintzman de Praroman, Nicklaus Reiff, Johan Bugnyet, Johan Aigre, Johan Mossuz, Peterman Verwer et Hensli Stuncky, 6 compariront personelment en droit, en jugement et en la presence deisquelx dessus \5 discreit homme domp Johan Basset, chappellain, ou nom et d’appart venerables religieuses de damme Marguerite de Pont, abbesse dou monastiere de la Maigroge pres dou-dit Fribourg, et deis aultres religieuses dou-dit \6 luef et present la dicte damme abbesse, auxi donna Greda de Lauthon et donna Jaqueta Masaleire, religieuses dou-dit monastiere, auxi en laz presence de nouble homme Jaquet Lombart, advoyé de Fribourg sus-dit, comment \7 gouverneur et advoyé espiritual en la temporalité deis-dictes religieuses, actour d’une part, et nouble homme Pierre de Wippens, bourgeis ou-dit Fribourg, deffenseur d’aultre part. 7 Proposast le-dit domp Basset per son \8 parler et desmandast droit ou nom quel dessus dou-dit Pierre de Wippens disant que ensi comment ou temps passey en la justise de Fribourg estoit heue donnee une cognoissance touchent ung desbat qui \9 fust entre les-dictes parties pour le fait de la seigniourie dou villaige de Chivrillies, per la quelle cognoissance ly chapponerye et avenerye torva jorna appartenant eis-dictes dammes ou-dit villaige lour fust \10 cognehue et reservee, comment plus plenement cen est contenuz ou memorial sus cen confaict. 8 Et oultre cen le-dit Pierre de Wippens per luy ou per son certain messaige haz deffenduz que l’on ne payast laz chappo\11nerye eis-dictes dammes à la Saint Andrey passee, laissant en droit et en cognoissance se ly-dit Pierre de Wippens devoir giquir ou newar se ensi estoit ou non. 9 Respondist le-dit Pierre de Wippens per son parler \12 se le-dit domp Basset aultre chouse ou nom quel dessus voloit clammer. 10 Ly quel respondist per son parler que oy: nommeement que le-dit Pierre de Wippens porcurast en effaict que les-dictes dammes de la chapponerie qui-à cause \13 de la dicte deffense non hauroent recehuz que cen lour fust remis ensemble la fravaillie à cause de la dicte deffense et contradicion contre raison faicte en-tant comme droit le requerroit, car les-dictes religieuses \14 en celle chapponerye tout jours hont acoustumey de prendre lour partie, en cen que lour en hont recehuz lour ne desmandont pas forsque cen que ancor à cause de la dicte deffense lour n’en hont pohuz recouvrey. 11 \15 À cen le-dit Pierre de Wippens, per son parleir, respondent et disant que aventes que il fust entenuz de respondre, ly-dit domp Basset actour, auxi les-dictes religieuses et lour dit advoyé devoent promettre \16 de lour contenteir de tel droit comment à lour sera cognehuz et adjugié en ceste cause et de non jamais travaller ne faire traillier ^[2] pour ce fait le-dit Pierre de Wippens ou les siens en aultre court \17 ou justise spirituele ou temporelle, auxi d’estre guerent de tout quant que à lour sera cognehuz et adjugié en ceste cause. 12 Fust cogneuz que les-dictes parties ycellez promesses faire devoent, les-quelles auxi lour hont \18 faitez per la magniere dessus proposee. 13 Et quant celle promesse fust faicte repondist le-dit Pierre de Wippens per son parleir que devant toutes chouses l’on devoit oyr le memorial dou quel dessus se fait mencion \19 de la cognoissance ou temps passey donnee; et puys apprés il respondroit plus avant. 14 Ly quel memorial en la presence deis-dit conseillieurs fust perliet. 15 Et quant en fust fait, respondist plus avant le-dit Pierre \20 de Wippens per son parler que per la magniere que ly dicte clamme estoit faicte contre luy que il en estoit dou tout sans courpes, c’est-assavoir que il lour hait fait aulconne turbacion en chapponerye \21 que à lour appartiegnye ne faire ne vouldroit mas bien est veray que ensi comment à luy appartiegniont les dues part de la seigniorie dou-dit village solung le contenuz dou memorial dessus \22 narrey et ly tierce part de la cense et eis-dictes dammes tant seulement appartient ly tierce part de la cense et non pas de la seigniourie. 16 Ensi ha certainnes maisons ou-dit villaige que doivont chasconne \23 ung chappon appartenant à-la seigniorie, ly quels chappons sont appalley «fur hunr et st» ^[3] doivont pour tant que l’on fasse droit de cellours que desmorent eis-dictes maisons et tout jours les-dit chappon \24 les predecessous dou-dit Pierre de Wippens à cause de la dicte seigniourie hont recouvrer et percehuz et non pas les-dictes dammes. 17 Et peut estre que telz chappons il haz deffenduz de non \25 payer eis-dictes dames et non pas aultre chapponerie car cellour «fur hunr» ^[4] à lour non appartiegniont. 18 En protestant que ensi comment ou memorial dessus narrey contient que les-dictes \26 religieuses doivent havoir ou-dit luef la tierce part de la cense et elles y percevent bien .XVIII. lb. censaul pour ung praz oultre la dicte cense. 19 Proteste ensi de desmander à lour plus avant de ce \27 fait quant bon ley semblera. 20 À-l’encontre de cen, ly-dit actour per son parleir ou nom quel dessus respondent et disant que ou memorial dou-quel dessus se fait mencion n’a nulle \28 reservacion forsque contient que lour doivont havoir lour chapponnerye per que diont que toute ly tierce part de toute la chapponnerie dou-dit villaige lour doit appartenir quelle chapponerie \29 que cen soit. 21 Ensi ^[5] apprés plusieurs desbat et allegacions d’une part et d’aultre heues les-dictes ambes parties se sont soubmises ou droit et à-la cognoissance deis-dict conseillieurs. 22 Ly quelle \30 cognoissance per me le-dit justissierre est heue premierement desmandee à homme discreit Peterman Cudrifin sus-dit, ly quel veant celle cognoissance à son semblant estre ponderouse haz \31 requis .VIII. jours d’avis, lesquelx .VIII. jours ley sont cogneuz per les-dit conseillieurs pour plus havant et delibereement donner la dicte cognoissance. 23 Deis-quels ^[6] chouses toutes ensi procidies \32 et descleries, les-dictes ambes parties à moy ou-dit justisierre hont desmandey lettres testimoniales, lesquelles cé presentes per cognoissance deis-dit consellieur lour hay delivrey sor le seil dou-dit \33 monsegnour l’avoyé; lo quel mon seil, je, ly dit Jaquet Lombart, advoyé de Friborg, per le rapport dou-dit mon lueftenant hay mis en cé presentes, en tesmoignage deis chouses sus-dictes ensi procidies, \34 sentencies et descleries. 24 Donney ou jour, en l’an et en la presence deis-quelx dessus. 25 Et sont cé presentes doublees ensi que une-chascune partie en haz ung double. 26 Donney comment dessus.
27 \35 Cy doble apartient eis \36 dictes dammes.

Notes de fiche
^[a] Le bas du parchemin porte deux traces de scellement, mais un seul sceau est annoncé et conservé.

Notes de transcription
^[1] JeBerhartest écrit avec une plume plus grasse.
^[2] Sic.
^[3] Lecture douteuse.
^[4] Lecture douteuse.
^[5] Ensiest écrit avec une plume plus grasse.
^[6] Deisquelsest écrit avec une plume plus grasse.