Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe284

1349 (n. st.), 4 janvier.

Type de document: charte: vente

Objet: Vente par Richart de Chevenez et par Perrin de Chevenez, écuyers, fils de feu Perrin ledonzel, de Chevenez, à Thibaut de Rocourt, écuyer, fils de feu Jehannenet de Rocourt,écuyer, pour 16 l. 10 s. de nouveaux bâlois ayant cours au marché de Porrentruy de deuxchesaux de franc-alleu à Chevenez; et consentement donné à cette vente par Jeannete,mère des vendeurs, par Marguerite, femme de Perrin de Chevenez, et par Jeannete, femmede Richart de Chevenez, autorisées par leurs maris et par Willemin le donzel, deChevenez, avoué des trois femmes. Témoins à l’acte: Henriet, fils de dame Jeannete, deFahy, fille de Thomas [de Chevenez], prévôt, Jacquet, fils de Nicolete, Jehannenet leJuglerat et Estevenin, d’Abbévillers, maire de Thibaut de Rocourt; témoins auconsentement des épouses: Perrin [de Chevenez], fils de Willemin le donzel, de Chevenez,Uvrart Falandre, de Chevenez, etc.; témoins au consentement de la mère, donné àBressaucourt: Jacques de Mandeure, Nicolin Bram, de Lutembach, et Uvrart Falandre, deChevenez. — Acte établi au nom et sous le sceau de l’official de Besançon par HugueninJean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 856 (à la date du 4 janvier 1348).

Verso: Cheveney (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurey de \2 lai dite court, nostre comandemant expecial a quel, quant es choses que sunt ci aprés escriptes et quant ai plus granz, nos havons commis \3 et commattons par ces presentes lettres nostre pouhoir et y-adjostons foy plus plenieremant, 4 pour ce en droit personalmant estaubli et \4 venant expecialmant, Richairs et Perrins de Cheveney, escuier, frere, anfanz Perrin le donzel de Cheveney, qui fu, hont confessei et re\5coigneu publiemant qu-il hont vendu et vendent, pour lour et pour lour hoirs, ai touz jours-mais, conjunctemant et devisee\6mant et uns-chascuns de lours pour lou tout, ai Thiebaut de Rocourt, escuier, fil Jehannenat de Rocourt, escuier, \7 qui fu, pour lui et pour ses hoirs, present et aichetant, les dous chesails de franc aluef ci aprés escrips, gesanz en lai vile et \8 territoire de Cheveney: li uns siet en Fuecourt, Horriz de lai Vauche hai d-unne part et li hoir Aignellat hont d-autre; et li \9 autres siet en Voisvelen, Berbisate hai d-unne part et li hoir Nichole hont d-autre part, 5 pour saze libres et deix \10 solz de bons nuhes balois corsables ou merchief de Pourreintruy, que li dit venditour en hont haü et recehu dou dit aichetour et les \11 hont mis et convertiz en lour evidanz proffiz, par qu-il s-an sunt tenuz pour bien pahiez entieremant. 6 Et se sunt desvestu et se \12 devestent li dit venditour, ensemble et deviseemant et uns-chascuns de lour pour le tout, de lai dite vendition et des \13 dites choses de franc aluef, et le dit aichetour en hont envestu et mattent en bone et leal tenure et en corpo\14ral possessiom, ou aussi par lai tradictiom de ces presentes lettres, por lui et por ses hoirs. 7 Et ceste dite vendiciom \15 et choses dessus dites hont il promis et promattent, par lour soiremanz donez corporalmant, por lour et por lor hoirs, \16 en lai main de nostre dit jurey, tochies suis ce les sainctes evvangeles de Deu, sollempnel stipulacion entrevenant, et \17 suis l-obligacion de touz lour biens moubles et neant moubles, presenz et a-venir, tenir et guerder fermemant ai touz \18 jours-mais, ensemble et deviseemant et uns-chascuns de lour por le tout, a dit aichetour et hai ses hoirs, gaurantir \19 et appaisier de propre franc aluef par tant de temps come leal tenure s-affiert en Ajoye, en tous lues, en jugemant \20 et deffuers, et encontre ^[1] touz, senz gemais venir encontre ^[2] lai tenour de ces presentes lettres par lour ne par autrui, \21 et senz consentir que nuls autres y voingne, en appert ou en rescondut. 8 Lai quelle vendue et toutes et singuleres les choses \22 dessus escriptes, por ce en droit personalmant estaubli et venant, dame Jehannate, mere des diz venditours, et Merguerite, \23 feme dou dit Perrin, et Jehannate, feme dou dit Richairt, par les lox et auctoritei de lour diz maris et de Woillemin \24 le Donzel, de Cheveney, lour leal vouhey donei a lour par une uverte justise, et lai dite dame Jehannate, lor mere, par \25 le lox et voluntey dou dit Woillemin de Cheveney, son leal vouhey, l-ont louhey et rateffié, en quittant, por lour et por \26 lour hoirs, ai toz jours-mais, a dit aichetour, por lui et por ses hoirs, tout le droit et tote lai rayson, action, re\27clamacion, proprietei et possessiom que les dites dames hont, pouhent ou doient havoir, ensemble ou deviseemant, en lai dite ven \28dicion et es choses dessus escriptes, soit por raison de marihaige, de douhaire ou de donacion por nupces ou autremant \29 comant que ce soit. 9 Et ce hont alles promis, par lor soiremanz donez, par les lox et auctoritei que dessus, et suis l-obligacion de toz lor biens \30 presenz et a-venir, de tenir, por lor et por lor hoirs, ai toz jours-mais, et uns-chascuns de lor pour le tout, a dit aiche\31tour et hai ses hoirs, en toz lues et contre touz, senz venir encontre ^[3], en lor et lor hoirs submattant li dit \32 venditour et les dites dames, par les lox et auctoritei et enssi cum dessus et chascuns de lor pour le tout, quant es choses dessus dites, a lai \33 juridiction et cohercion de lai dite court de Besençon et de toutes autres cours ecclesiastes et seculeres por \34 estre controinz, ensemble et deviseemant et chascuns de lor pour le tout, a l-observacion d-icelles par lai quelle des dites cours \35 que li diz aicheterres ameray muels, il et sui hoir, non obstant acunes excepcions de mal, de baret, de lesion, de decepcion, \36 de l-excepcion de decepcion outre lai moitie dou droit pries ou emqui deviron, et que autre chose soit estei escripte \37 que acordee, et de toutes autres excepcions de fait et de droit, et expecialmant dou droit disant que li generalz \38 renunciations ne vaut. 10 En tesmoignaige de lai quel chose, nos, officials dessus diz, a lai relacion de nostre dit jurey, havons mis \39 le seal de lai dite court de Besençon pendant en ces presentes lettres, 11 que furent faictes et donees, presenz Henriat, fil da\40me Jehannate, de Phey, fille a prevost Thomaix, Jaquat, fil Nicholate, Jehannenat lou Juglerat et Estevenin, \41 de Habelvelair, mayre dou dit Thiebaut de Rocourt; les dites Merguerite et Jehannate l-ont louhei, par les \42 lox et auctoritei que dessus, presenz Perrin, fil Wollemin le donzel, de Cheveney, et Uvrairt Falandre, de Cheveney, et plusours \43 autres tesmoins; et lor dite mere l-ai louhey ai Brexacourt, par le lox de son dit vouhey, presenz monssi Jaisque de \44 Manduerre, Nicholin Bram, de Lutembach, et Uvrairt Falandre, de Cheveney, dessus dit, quaitre jours ou moys de ja\45nvier, l-an de Nostre Signour Jhesu-Crist corrant par mil trois-cenz et quarante et huit.
12 H. J. de Boncourt.

Notes de transcription
^[1] Ainsi coupé: en contre.
^[2] Ainsi coupé: en contre.
^[3] Ainsi coupé: en contre.