Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe281

1348 (n. st.), 21 mars.

Type de document: charte: vente

Objet: Vente par Uvrart du Chesal et par Catherine, sa femme, autorisée par son mari et parPerriat, fils de [Vernier le] Groignu, de Chevenez, son avoué, à Thibaut de Rocourt,écuyer, pour 4 l. de nouveaux bâlois ayant cours au marché de Porrentruy de deux piècesde terre de franc-alleu à Chevenez; et garantie de la vente par Perrin du Chesal, frèredu vendeur, et par Perriat, avoué de la venderesse. Témoins: Pierre [Bruat], curé deFontenais, Jean, curé de Courcelles, prêtres, et Hugues Friquet. — Acte établi au nom etsous le sceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 844 (à la date du 2 mars 1347).

Verso: Spectat ad Th. de Rocourt. — VI s. censalz et II gelines de part Hovrar dou Chesal. — Cheveney (xiv^e siècle).

1 Nos, officials de lai court de Besençon, 2 faiçons savoir a toz 3 que, par devant Huguenin Jehan de Boncourt, \2 clerc, notaire et jurei, nostre comandemant expecial a quel, quant es choses que s-ansuegant ^[1], nos havons commis \3 par ces lettres nostre pouhoir et y-adjostons foy plus plenieremant, 4 pour ce en droit personalmant establis \4 et venanz, Uvrairs dou Chesail et Kaitherine, sai feme, par les los et auctoritei de son mari et de Perriat, \5 fil a Groignu, de Cheveney, son leal vouhei donei a ley par une uverte justise pour ce et pour plusours autres \6 choses sesant en justise uverte et par leal jugemant, present et auctorizant, hont vendu, por \7 lor et por lor hoirs, ai toz jors-mais, et chascuns de lor pour le tout, ai Thiebaut de Ro\8court, escuier, por lui et ses hoirs, aichetant, douhes plaices de terre de franc aluef que siesent ou \9 territoire de Cheveney, es Preiz, doz lai Vele: li une siet entre Richairt, fil Perrin, d-unne part et Betia\10te, fille Girardin Marlore, de Pourrentruy, d-autre, et li autre siet entre le ru de Valrihour \11 d-unne part et Jehans li Moreleiz et li fille Cuenin, de Cheveney, hai d-autre, 5 pour \12 quaitre libres de bons nuhes balois corsables ou merchief de Pourrentruy, que li dit venditour en hont \13 haü de lui et les hont mis en lor proffiz et s-an tienent por bien pahiez. 6 Et se sunt \14 desvestu, par les lox et auctoritei que dessus, por lor et lor hoirs, ai toz jors-mais, et chascuns \15 de lor pour le tout, de lai dite vendicion et choses de franc aluef, et le dit aichetour en \16 hont envestu et mis en bone et leal tenure et en corporal possession par lai tradiction de ces \17 lettres, por lui et ses hoirs. 7 Et ceste vendue et choses dessus dites hont il promis, par enssi cum \18 dessus, par lor soremanz donez, por lour et lor hoirs, en lai main de nostre dit jurei et \19 suis l-obligation de toz lor biens presenz et a-venir, de tenir a dit aichetour et ses hoirs \20 perpetuelmant, garantir et appaisier de franc aluef par tant de temps cum leal tenure s-affiert \21 a luec, en toz luez et contre toz, senz gemais venir contre ces lettres. 8 Et por \22 plus grant surtey havoir de lai dite garantie, por ce en droit venant, Perrins \23 dou Chesail, ses freres, et li diz Perriaz, de Cheveney, a lai requeste des diz venditours et por \24 lor, s-an sunt fait, por lor et lor hoirs, en lai main dou dit aichetour, por lui et por les \25 suens, plaiges, debtours et principals rendours, et chascuns por le tout. 9 Et ce promattent il, par lor soire\26manz et suis l-obligation de lor biens, de tenir, en lor et lor hoirs submattant a lai juri\27diction de lai cort de Besençon et de totes cours pour estre controinz a l-observacion des dites choses. 10 \28 En tesmoignaige de lai quel chose, nos, a lai relacion de nostre dit jurei, avons mis le sel de \29 lai cort de Besençon en ces lettres. 11 Faites et donees, presenz monssi Pierre, curei de Fontenois, et monssi \30 Jehan, curei de Corcelles, prestres, et monssi Hugue Friquet, le vanrredi aprés Reminiscere, l-an \31 de Nostre Signour Jhesu-Crist corrant par mil trois-cenz et quarante et seipt.
12 \32 H. J. de Boncourt.

Notes de transcription
^[1] Ainsi coupé: san suegant.