Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe262

1347, 29 octobre.

Type de document: charte: vente

Objet: Vente par Bourquin, par Vernier, et par Richart, frères, fils de feu [Willemin le] Roi,de Buratte, à Thibaut, fils de feu Jehannenet de Rocourt, pour 14 l. 16 s. de bâloisayant cours au marché de Porrentruy d’une rente de 10 émines, moitié blé moitié avoine,et de trois chapons, payable pour le blé à la Saint-Michel, pour l’avoine et les chaponsà la Saint-Martin, à percevoir chez les vendeurs à Bure et à transporter à leurs fraisau grenier de l’acheteur, à Porrentruy, et assignée sur des pièces de terre defranc-alleu à Buratte; en cas de retard de plus d’une année dans le paiement de larente, l’acheteur pourra disposer de ces biens. Témoins: Jean, curé de Courcelles,Girart, chapelain de la confrérie de Porrentruy, Cuenin, fils de Richart, de Courtedoux,etc. — Acte établi au nom et sous le sceau de l’official de Besançon par Horri dePorrentruy, prêtre, notaire.

Commentaire: Parchemin jadis scellé sur simple queue. AAEB, B 239 Ajoie/60. — Analyse par J.Trouillat, Monuments…, III, p. 851.

Verso: Bures (xiv^e siècle).

1 Nos, officials de la court de Besançon, 2 faiçons saivor a touz ces qui verront et horront ces presentes lettres 3 que, par devant \2 monsi Horri de Pourraintruy, preste, notare et juriez de nostre court de Besançon, a quel nos avons foi pleniere et avons commis nostre pouhoir \3 et commetons par ces presentes lettres, quant a ces choses et a-plus grant, pour cey en droit personalmant establis et venant, Bourquins, \4 Werniers et Richairs, freres, qui furent filz a Roy, de Buraites, hont vendu a touz jours-mais, a miex que on puet faire vendicion et \5 plus fermemant antandre, a Thiebaul, qui fuit filz Johannenoit de Rocourt, et a ses hoirs, pour lour et pour lours hoirs, diex \6 emmenes de rante moitange et trois chaipons (chaipons) chescun [an] de rante, a-paiier le blef a lai Sainct Michiel et l-avoine a-lai \7 Sainct Mertin d-iver ansuegant ansamble les trois chaipons, par tel meniere que li diz achetours ou ses mesaiges lai doivent \8 recivre anchies les diz venditours a-Bures, et li diz venditours lour doivent a-Pourraintruy charroié, a lours missions, a-grenier \9 dou dit achetour. 4 Lai quel rante li diz venditours hont asis et asigney et asetey sus les peces de terre que s-ansuegant, \10 giesant ou terrectoire de Buraites: 5 premieremant, an Champ Reto, doux jornals, Perrins, filz a-Lombart, ai d-une part et li Tertres, dos Bura\11tes, ai d-autre part; 6 item, hun jornal ou Champ da Perche, Richairt, filz Perrin de Cheveney, ai d-une part et messi Johans Machelaire, chevaliers, \12 ai d-autre part; 7 item, es Sahues, hun jornal, Bourquin li Drusez d-une part et Aliete, mere es diz venditour, ai d-autre part; 8 item, li moiemes, hun \13 jornal, Johannenoit dit li Coursaiz ai d-une part et Johannenoit li Gindraiz ai d-autre part; 9 item, selonc la Combe Baidiere, hun jornal, li contours \14 des champs est d-une part et li dite Combe vai d-autre part; 10 item an Planche Danduemange, hun jornal, Hugue, de Morimont, ai d-une part \15 et Richairt, filz Mariom, ai d-autre part; 11 item, an Bannel, hun jornal, Wllemenaiz li Corvaiseraiz ai d-une part et li diz Gindraiz et suy partaiges \16 hont d-autre part; 12 item, an lai fin de Cheveney, desor Nove Vie, doux jornals, Maigrait, de Cheveney, ai d-une part et Jaiquait, serorges es diz \17 venditours, ai d-autre part, et sunt de franc aluef — et se li une rante troveit l-autre rante de lai seconde annee que ne fuit paiie, a\18donques li diz achetour ou suy hoirs porroient monter sus et faire toutes lours bone volumté comme de lour propre franc herietaige — \19 pour quaitorze libres et seixe soulx de ballois, bone monoie coursable ou ploin merchie de Pourraintruy, que li diz venditours hont haües \20 et recehues dou dit achetour an bone monoie, tant que il s-an sunt bien tenus pour paiiez antieremant. 13 De lai quel rante ansamble \21 les dites peces de terre li diz venditours se sunt devestus, pour lour et pour lours hoirs, et le dit achetour et ses hoirs an hont \22 anvestu ^[1] et anvestant ^[2], et si l-an hont mis et meitant an bone tenure et loiaul et an bone possessiom pour touz jours\23mais par lai tradicion de ces presentes lettres. 14 Et si hont promis, par lours soiremans donés an lai main dou dit nostre commandemant \24 et an aprés sus l-obligacion de touz lours biens moubles et non moubles, present et a-venir, quel part que il soient, an franchisse ou \25 deffors, que il ne iront ne feront ai aler par lour ne par autruy, coiemant ne an apert, contre ces dites convenances et ven\26diciom, mais les tanront, apaiseront, gairantiront et deffandront a touz jours-mais, a dit achetour et a ses hoirs, \27 an touz luec, an toutes cours, an touz jugemans et deffors, ancontre ^[3] toutes gens, a lours propres despans et missions. 15 \28 An renuncent an ycés fait a toutes excepcions de mal, de bairoit, de lesiom, de decepcion, de circonvencion, et a toutes \29 autres excepcions, rasons et allegacions de droit, de fait et de custume, et a droit disant general renunciacion ne vaut. 16 En \30 tesmoingnaige de lai quel chose et a lai relacion dou dit nostre commandemant, qui nos ai raporté toutes ces choses devant escriptes \31 estre veraies et einsic estre faites, avons mis le seaul de nostre dite court an ces presentes lettres, que furent faites et donees, \32 present monsi Johan, curie ^[4] de Courselles, monsi Giral, cheipellain de lai confrerie de Pourraintruy, Cuenin, filz Richairt, de Courtedou, et plusours \33 autres tesmoins a cey apelez et requis, 17 l-endemain de lai faiste sainct Symon et Jude, l-an Nostre Seignour courrant par mil \34 trois-cent quarante et seipt.
18 Horri de Pourraintruy.

Notes de transcription
^[1] Ainsi coupé: an vestu.
^[2] Ainsi coupé: an vestant.
^[3] Ainsi coupé: an contre.
^[4] Finale développée d’après juriezde l. 2.