Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe253

1347 (n. st.), 15 mars.

Type de document: charte: vente

Objet: Vente par Perrin, fils d’Agnelet dite Deliate, de Chevenez, avec le consentement de samère, autorisée par Henriet le meunier, de Chevenez, son avoué, à Thibaut de Rocourt,fils de feu Jehannenet de Rocourt, écuyer, pour le prix de 4 l. de nouveaux bâlois ayantcours au marché de Porrentruy d’un chesal de franc-alleu à Chevenez; et garantie de lavente par Jehannenet le Juglerat et par Jehannenet Varoz, de Chevenez. Témoins: HorriMaistrat, de Porrentruy, prêtre, notaire de l’officialité de Besançon, et Vienat,serviteur de Richart dit Vaydrel, de Porrentruy, chevalier. — Acte établi au nom et sousle sceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. B 239 Ajoie/21. — Analyse par J. Trouillat,Monuments…, III, p. 835 (à la date du 30 mars 1346).

Verso: Cheveney (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, \2 notaire et jurie de lai dite court, nostre comandemant expecial a quel, quant es choses que sunt ci-desoz \3 escriptes et quant ai plus granz, nos havons commis et commattons par ces presentes lettres nostre pouhoir et y-adjostons \4 foy plus plenieremant, pour ce en droit personalmant estaublis et venanz, Perrins, fiz Deliate, de Cheve\5nei, hai recoignu uvertemant qu-il hai vendu et vent, pour lui et pour ses hoirs, ai touz jours-mais, ai \6 Thiebaut de Rocourt, fil Jehannenat de Rocourt, escuier, qui fu, por lui et por ses hoirs, present \7 et aichetant, hun chesail de franc aluef que siet ou territoire de Cheveney, ou luec que om dit en Cum \8bertel, Pagins hai d-unne part et Aignex dite li Roynne, suer a Bourgois, de Chevenei, hai d-autre, \9 pour le pries de quaitre libres de bons nuhez baslois corsables ou merchief de Pourreintruy, que li diz \10 venditerres en hai haü et recehu de lui et les hai mis en son evidant proffit, par qu-il s-an est tenuz pour \11 contenz. 4 Et s-est desvestuz et se desvest li diz venditerres, pour lui et pour ses hoirs, ai touz jours-mais, de \12 lai dite vendicion de franc aluef, et le dit aichetour en hai envestu et mis en bone et leal \13 tenure et en corporal possession, ou aussi par lai tradiction de ces presentes lettres, pour lui et pour ses hoirs. 5 Et \14 ceste dite vendue et toutes les choses dessus dites hai il promis, par son soiremant donei, pour lui et pour ses \15 hoirs, en lai main de nostre dit jurey et suis l-obligation de toz ses biens moubles et non moubles, presenz et \16 a-venir, tenir et garder fermemant ai toz jours-mais, a dit aichetour et ses hoirs, gaurantir et \17 appaisier de franc aluef par tant de temps cum leal tenure s-affiert a luec, en tous lues, en juge\18manz et deffuers, et contre touz, senz gemais venir encontre ^[1] ces presentes lettres en nul caus. 6 Lai quelle \19 vendue et toutes les choses dessus dites, por ce en droit personalmant estaublie et venant, Aignellaz dite Deli\20ate, mere dou dit venditour, par le los et auctoritei de Henriat le monnier, de Cheveney, son leal \21 vouhei donei a lei, enssi cum alle disoit, par une uverte justise pour ce et pour plusours autres choses sesant en justise \22 uverte et par leal jugemant, present et auctorizant, hai louhei, rateffié, aprovey et confarmei, en quittant, \23 pour lei et pour ses hoirs, ai touz jours-mais, a dit aichetour, pour lui et pour ses hoirs, tout le droit \24 et tote lai raison, action, reclamacion, proprietey et possession qu-elle, Deliate, hai, puet et doit havoir en \25 lai dite vendicion et choses dessus dites, soit pour raison de marihaige, de douhaire et de donaciom pour \26 nupces et autrement comant que ce soit. 7 Et pour plus grant surtei havoir des dites choses et de lai dite ga\27rantie, personalmant establi, a-lai requeste dou dit venditour et pour lui, Jehannenaz Jugleraz et Jehannenaz Varoz, de \28 Cheveney, s-an sunt fait, pour lour et pour lor hoirs, en lai main dou dit aichetour, pour lui et pour les suens, plaiges, de\29tours et principals rendours, et chascuns de lor pour le tout; et ce hont il promis, par lor soiremanz et suis l-obligation de \30 toz lor biens, de tenir a dit aichetour et ses hoirs, en lor et lor hoirs submatant, par enssi cum dessus et chascuns \31 de lor pour le tout, a lai juridiction de lai court de Besençon et de totes autres cours ecclesiastes et seculeres por \32 estre controinz a l-observacion des dites choses, non obstant acunes excepcions de fait et de droit. 8 En tesmoi\33gnaige de lai quel chose, nos, a lai relacion de nostre dit jurey, havons mis le sel de lai court de Besençon en ces \34 lettres. Faites et donees, presenz monssi Horri Maistrat, de Pourreintruy, prestre, notaire de lai court de Besençon, et \35 Vienat, garçon monssi Richairt Vendrey, de Pourreintruy, chevalier, 9 le juesdi aprés le duemange que om chantaist \36 Letare Jherusalem, l-an mil trois-cenz et quarante et seix.
10 H. J. de Boncourt.

Notes de transcription
^[1] Ainsi coupé: en contre.