Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe247

1346 (n. st.), 16 mars.

Type de document: charte: vente

Objet: Vente par Jehannenet [le maire], de Courgenay, fils de feu Jeannot, de Courgenay, àThibaut de Rocourt, fils de feu Jehannenet de Rocourt, écuyer, pour 7 l. 10 s. denouveaux bâlois ayant cours au marché de Porrentruy de pièces de terre de franc-alleusises à Villars-sur-Fontenais; remise à l’acheteur des lettres d’acquisition que levendeur avait de Perrin, fils de [Willemin] dit Salemon, de Villars-sur-Fontenais (voirn° 169), lequel Perrin tiendra désormais ces terres en tenure héréditaire de Thibaut deRocourt, moyennant un cens annuel de 10 s. de bâlois ou de monnaie ayant cours au marchéde Porrentruy payable à Noël aux mêmes conditions que par le passé; et garantie de lavente par Humbelin, de Courgenay, frère du vendeur. Témoins: Loviat dit Marchant, deCourgenay, maire d’Ajoie, Jean [de Porrentruy], fils de Richart dit Vaydrel, dePorrentruy, chevalier, etc. — Acte établi au nom et sous le sceau de l’official deBesançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/107. — Analyse par J.Trouillat, Monuments…, III, p. 828 (à la date du 24 février 1345).

Verso: Spectat ad Th. de Rocourt. — Jehannenat, de Courgenay (xiv^e siècle).

1 Nos, officials de lai court de Besençon, 2 faiçons savoir ai touz 3 que, par devant Huguenin Jehan de Boncourt, clerc, notaire et jurey de lai dite court, nostre comande\2mant expecial a quel, quant es choses que sunt ci-aprés escriptes et quant a plus granz, nos havons commis et commattons par ces presentes lettres nostre pouhoir \3 et y-adjostons foy plus plenieremant, pour ce en droit personalmant estaublis et venanz expecialmant, Jehannenaz, de Courgeignay, filz Jehanno, qui fu, \4 hai recoignu uvertemant qu-il hai vendu et vent, pour lui et pour ses hoirs, ai toz jours-mais, ai Thiebaut de Rocourt, fil Jehannenat de \5 Rocourt, escuier, qui fu, por lui et por ses hoirs, present et aichetant, les plaices de terre et choses de franc aluef que s-ansuegant ^[1], gesanz en lai vile et territoire \6 de Veler dessus Fonthenoys: 4 premieremant, lai plaice de terre gesant a Chermey, entre lai dohe d-unne part et Guilloz hai d-autre; item, a Malchamp, une plaice de terre, \7 Girars li Teniers hai d-unne part et li feme a l-oste hai d-autre; 5 item, dessus lai Cumbate, une plaice a l-Essir de Noiez, messi Richairs Vendrez hai d-unne part et \8 Jehannenaz, fiz Borquart le Tenier, hai d-autre; 6 item, le chesail que siet a Veler, entre le dit monssi Richairt d-unne part et Hugue, fil Bertin, d-autre; 7 item, lai \9 moitie dou Prey de lai Roiche, Girars li Teniers d-unne part et Nicholins hai d-autre; 8 item, lai moitie dou Prey Rouhel, entre Betuhat d-unne part et li \10 diz Girars li Teniers hai d-autre, por le pries de sept libres et deix solz de bons nuhes baloys corsables ou merchief de Pourreintruy, que li diz venditerres en \11 hai hahu et recehu dou dit aichetour et les hai mis et convertiz en son evidant proffit, par qu-il s-an est tenuz por bien pahiez entieremant. 9 Et \12 s-est desvestuz et se desvest li diz venditerres, por lui et por ses hoirs, ai toz jours-mais, des dites plaices de terre et choses de franc aluef, et lou \13 dit aichetour en hai envestu et envest, mis et mat en bone et lehal tenure et en corporal possession, ou aussi par lai tradictiom de ces presentes \14 lettres et par lai tradictiom des lettres que li diz Jehannenaz, de Courgeignay, en havoit de Perrin, le fil Salemon, de Veler dessus Fonthenois, \15 pour le dit Thiebaut de Rocourt, aichetour, et pour ses hoirs; 10 item, est a-savoir que li diz Perrins, fiz Salemon, doit tenir, il et sui hoir, \16 ai toz jours-mais, et repanrre, il et sui hoir, dou dit Thiebaut de Rocourt et de ses hoirs les dites plaices et choses de franc aluef \17 dessus devisees pour deix solz censsalz de baloys de annuel rente ou de bone monoie corsable ou merchief de Pourreintruy, a-pahier et \18 rendre chascun an franchemant, ai toz jours-mais, dou dit Perrin, fil Salemon, et de ses hoirs, a dit Thiebaut, aichetour, et hai ses hoirs \19 ou hai son certain comandemant, le jour de lai feste de lai Nativitey saint Jehan Baptiste, enssi come ces choses sunt plus plenieremant conte\20nues danz les dites lettres que li diz Thiebauz en hai dou dit Perrin, fil Salemon, de part le dit Jehannenat, de Courgeignay. 11 Et ceste dite ven \21diciom et toutes et singuleres les choses dessus escriptes hai promis et promat li diz Jehannenaz, de Courgeignay, venditerres, par son leal soiremant \22 doney corporalmant, por lui et por ses hoirs, en lai main de nostre dit comandemant, sollempnel stipulacion entrevenant, et suis l-obligacion de touz \23 ses biens moubles et non moubles, presenz et a-venir, tenir et gairder farmemant ai toz jors-mais, a dit Thiebaut de Rocourt, \24 aichetour, et hai ses hoirs, gaurantir et appaisier de franc aluef par tant de temps come lehal tenure s-affiert en Ajoye, en touz \25 lues, en jugemanz et deffuers, et encontre ^[2] touz, senz gemais venir contre lai tenour de ces presentes lettres en nul caux, et senz consentir \26 que nuls autres y-voingne, en appert ou en rescondut. 12 Et por plus grant surtey faire et havoir de part le dit Jehannenat, \27 venditour, et ses hoirs, a dit aichetour et hai ses hoirs de lai dite gaurantie de franc aluef par le terme dessus dit, pour ce en droit \28 personalmant estaublis et venanz expecialmant, Humbelins de Courgeignay, freres dou dit Jehannenat, a lai priere et requeste dou \29 dit Jehannenat, son frere, et por lui, s-an est faiz et mis, por lui et pour ses hoirs, en lai main dou dit Thiebaut de Rocourt, por \30 lui et por ses hoirs, plaiges, debte et principalz renderres; et ce hai il promis, par son soiremant donei corporalmant, por lui et por ses \31 hoirs, en lai main de nostre dit comandemant et suis l-obligacion de toz ses biens moubles et non moubles, presenz et a-venir, de tenir et acumplir \32 a dit Thiebaut de Rocourt et hai ses hoirs, en lour et lor hoirs submattant li diz venditerres et plaiges et debte, et chascuns de \33 lour pour le tout, a lai juridiction et cohercion de lai dite court de Besençon et de toutes autres cours ecclesiastes et seculeres por estre \34 controinz, ensemble et deviseemant, par lai quelle des dites cours que li diz aicheterres ameray muelz, il et sui hoir, a l-observacion de toutes \35 et singuleres les choses dessus escriptes, non obstant acunne excepcion de mal, de baret, de lesion, de decepciom, a l-excepcion de decepciom \36 outre lai moitie dou droit pries ou emqui deviron, et que autre chose soit estei escripte que acordee, et hai totes autres excepcions de \37 fait et de droit, et a droit disant que li generalz renunciacions ne vaut. 13 En tesmoignaige de lai quel chose, nos, officials dessus diz, a lai rela\38cion de nostre dit jurey, havons mis le seal de lai dite court de Besençon pendant en ces presentes lettres, que furent faites et donees, presenz \39 Loviat dit Marchant, de Courgeignay, mayre d-Ajoye, Jehan, fil monssi Richairt dit Vendrey, de Pourreintruy, chevalier, et plusours au\40tres, le juesdi aprés le duemange de Reminiscere, l-an Nostre Signour Jhesu-Crist corrant par mil trois-cenz et quarante et cinc.
14 H. J. de Boncourt.

Notes de transcription
^[1] Ainsi coupé: sansuegant.
^[2] Ainsi coupé: en contre.