Accueil>Les corpus textuels>Charte docJuBe244

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe244

1345, 8 décembre.

Type de document: charte: vente

Objet: Vente par Huguenet dit le Petit, de Brémoncourt, et par Willemete, sa femme, demeurant àChevenez, autorisée par son mari et par Jehannenet, de Courchavon, son avoué, à Richartdit Vaydrel, de Porrentruy, chevalier, agissant au nom de Thibaut, fils de Jehannenet deRocourt, pour 18 l. de nouveaux bâlois ayant cours au marché de Porrentruy d’une rented’un demi-muid, moitié blé moitié avoine à la mesure de Porrentruy, payable à Chevenezpour le blé à la Saint-Michel et pour l’avoine à la Saint-Martin et assignée sur douzejournaux de terre de franc-alleu, à parfaire le cas échéant, à Chevenez; en cas deretard de plus d’une année dans le paiement de la rente, l’acheteur pourra disposer deces biens; et garantie de la vente, particulièrement envers Richart, de Courchavon, etenvers Jeannete, sa femme, par Jehannenet Taterel, par Horriet, père de la venderesse,et par Jehannenet, fils de Vernier, de Courchavon, demeurant tous trois à Chevenez.Témoins: Jean le Morelet dit le Juglerat, de Chevenez, et Vienat, serviteur de Richartdit Vaydrel, etc. — Acte établi au nom et sous le sceau de l’official de Besançon parHuguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 833.

Verso: Spectat ad Th. de Rocourt. — Huguenat de Bremoncourt. — Cheveney (xive siècle).

 1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc et notaire, jurey de lai dessus dite court, \2 nostre comandemant expecial a quel nos, quant es choses que sunt ci aprés escriptes et quant a plus granz, nos havons commis et commattons par ces \3 lettres nostre pouhoir et y adjostons fey plus plenieremant, pour ce en droit personalmant estaubli et venant expecialmant, Huguenaz \4 diz li Petiz, de Bremuncourt, et Wallemate, sai feme, demoranz ai Cheveney, par les lox et auctoritei dou dit Huguenat lou Petit, mari de lai dite \5 Wallemate, et de Jehannenat, de Courchavom, son lehal vouhey donei a lei par une uverte justise pour ce et pour plusours autres choses sesant \6 en justise uverte et par lehal jugemant, presenz, louhanz et auctorizant, hont recoignu uvertemant qu-il hont vendu et vendent, pour lour et pour \7 lour hoirs, ai touz jours-mais, et uns-chascuns de lour pour le tout, ai monssi Richairt dit Vendrey, de Pourreintruy, chevalier, present et aichetant en nom \8 et pour Thiebaut, le fil Jehannenat de Rocourt, por lui, Thiebaut, et pour ses hoirs, demey mui, moitie blef pur de annuel et perpetuel rente et \9 moitie avoynne, a lai mesure de Pourreintruy, a-pahier et rendre chascun an franchemant, ai touz jours-mais, ai Cheveney, des diz venditours et de lour \10 hoirs a dit aichetour, en nom que dessus, a lui, Thiebaut de Rocourt, et hai ses hoirs ou hai son certain comandemant portant ces presentes lettres, le blef pur le \11 jour de lai feste de saint Michiel et l-avoynne le jour de lai feste de saint Mertin d-yvert, pour le pries de deix huit libres de bons nuhes balois cor\12sables ou merchief de Pourreintruy, que li dit venditour en hont hahu et recehu dou dit aichetour, en nom que dessus, et les hont mis et convertiz en lor \13 evidanz proffiz, par qu-il s-an sunt tenu et s-an tienent por bien pahiez entieremant. 4 Lou quel demey moitange de perpetuel rente, a-lai dite mesure, li dit venditour, par \14 les lox et auctoritei que dessus, hont assis et assignent, pour lour et pour lor hoirs, ai touz jours-mais, et uns-chascuns de lour pour le tout, a dit aichetour, en \15 nom que dessus, a lui, Thiebaut de Rocourt, pour lui et pour ses hoirs, suis les plaices de terre et choses de franc aluef que s-ansuegant [1], gesanz en lai vile et \16 ou territoire et finaige de Cheveney, que doient contenir et faire doze jornalz de terre; et se moyns y-havoit, il le doivent parfaire, et se plus y-havoit y-sa\17roit a dit aichetour, en nom que dessus, a lui, Thiebaut de Rocourt, pour lui et pour ses hoirs: 5 premieremant, en Vannelz, une plaice de terre, li hoir Huguenat, de \18 Bremuncourt, pere dou dit venditour, hai d-unne part et li hoir a lai Moulle hont d-autre; 6 item, suis Grant Bois, une plaice, li feme dit Saipin hai d-unne part \19 et Jehannenaz, li fiz Thomaix, hai d-autre; 7 item, en Mommarlon, une plaice, entre Varnier, fil Berbisate, d-unne part et li terre que fut dit Cortat siet d-autre \20 part; 8 item, a dit luec, une plaice, Horriaz, peres de lai dite Woillemate, hai d-unne part et li anfant Huguenat le Poux hont d-autre; 9 item, en lai Perriere, \21 une plaice, Gerdons, de Roiches, hai d-unne part et Hugues diz Grainz, de May, hai d-autre; 10 item, a Chesnelat, une plaice, entre Perrin le Maignin d-unne part et le dit Hor\22riat d-autre; 11 item, devant le Foigeroy, une plaice, Woillemins li Clers hai d-unne part et Perriaz, fiz a Groignu, d-autre; 12 item, en Goules, une plaice, li hoir Jehan \23 Morel, qui fu, hont d-unne part et Jehans diz Thierembaz hai d-autre; 13 item, en lai Varoille, a montant de lai Crahei, une plaice, Estevenins Chevanteney hai d-unne \24 part et li diz Gerdons hai d-autre part. 14 Et se-sunt desvestu et se desvestent li dit venditour, par les lox et actoritei que dessus, ensemble et deviseemant, pour lor \25 et pour lor hoirs, ai toz jors-mais, et chascuns de lour pour le tout, dou dit demey mui de perpetuel rente et dou dit assignal de franc aluef quant ai ycellui, et le dit \26 aichetour, en nom que dessus, en hont envestu et envestent, mis et mattent en bone et lehal tenure et en corporal possessiom, ou aussi par lai tradiction de ces \27 presentes lettres, por le dit Thiebaut de Rocourt et por ses hoirs. 15 Et ceste dite vendue et totes et singuleres les choses dessus dites hont il promis, par les lox et aucto\28ritei que dessus, par lour soiremanz donez corporalmant, pour lour et pour lor hoirs, en lai main de nostre dit comandemant, sollempnel stipulation entrevenant, et suis l-obli\29gacion de touz lor biens moubles et non moubles, presenz et a-venir, tenir et garder farmemant, pahier et acumplir chascun an, ai toz jors-mais, et chascuns de lour \30 por le tout, a dit aichetour, en nom que dessus, a lui, Thiebaut de Rocourt, et hai ses hoirs, garantir et appaisier le dit assignal de franc aluef par \31 tant de temps come lehal tenure s-affiert en Ajoye, en tous lues, en jugemanz et deffuers, et contre touz, senz gemais venir encontre [2] lai tenour de \32 ces lettres en nul caux. 16 Item, est a-savoir que, se li dit venditour deffaillient tant de pahier lai dite rente que li une rente trovest l-autre et venest \33 a-pahier ensemble avecques l-autre rente, que li diz assignaz saroit exchoiz entieremant a dit aichetour, en nom que dessus, a lui, Thiebaut de Rocourt, et hai ses hoirs, \34 et en porroit faire tote sai bone voluntey et prater a cu qu-il vodroient. Et por plus grant surtei faire et havoir des diz venditours de garantir \35 lai dite vendicion et le dit assignal de franc aluef par tant de temps com dit est, contre Richairt, de Corchavon, et Jehannate, sai feme, et toz autres, por \36 ce en droit personalmant estaubli, a lai requeste des diz venditours et pour lour, Jehannenaz Taterelz, Horriaz dessus diz et Jehannenaz, fiz Vernier, de Corchavon, demoranz ai \37 Cheveney, s-a[n] sunt fait et mis, pour lour et pour lor hoirs et chascuns de lor por le tout, en lai main dou dit aichetour, en nom que dessus, pour le dit Thiebaut de Rocourt et pour ses hoirs, \38 plaiges, debtours et principals rendours. 17 Et ce hont il promis, par lor soiremanz et suis l-obligacion de toz lor biens presenz et a-venir, de tenir et acumplir par enssi comme dessus est dit, \39 en lor et lor hoirs submatant, par les lox et actoritei que dessus et chascuns de lour por le tout, a lai juridiction et cohercion de lai court de Besençon et de \40 toutes autres cours ecclesiastes et seculeres por estre controinz, ensemble et deviseemant, par lai quelle des dites cours que li dit aicheterres, en nom que dessus, amerai \41 muelz et li diz Thiebauz de Rocourt et sui hoir, a l-observacion de totes les choses dessus dites, non obstant acunnes excepcions de mal, de baret, de lesion, de decepcion, \42 a l-excepcion de decepcion outre lai moitie dou droit pries ou emqui deviron, et que autre chose soit escripte que acordee, et hai totes autres excep\43tions de fait et de droit, et a droit disant que li generalz renunciations ne vaut. 18 En tesmoignaige de lai quel chose, nos, a lai relacion de nostre dit jurey, avons \44 mis le seal de lai court de Besençon en ces lettres. 19 Faites et donees, presenz Jehan le Morelet, dit le Juglerat, de Cheveney, et Vienat, gairçon \45 dou dit monssi Richairt Vendrey, et plusours autres, le juesdi aprés lai feste de saint Nicholay d-yvert, l-an mil trois-cenz et quarante et cinc.
20 \46 H. J. de Boncourt.
Notes de transcription
[1] Ainsi coupé: san suegant.
[2] Ainsi coupé: en contre.