Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe241

1345, 16 septembre.

Type de document: charte: vente

Objet: Vente par Nicolin dit Maigrechair, bourgeois de Porrentruy, à Thibaut de Rocourt,écuyer, fils de feu Jehannenet de Rocourt, écuyer, pour 6 livres de nouveaux bâloisayant cours au marché de Porrentruy d’une rente de 3 émines de blé à la mesure dePorrentruy, payable à la Saint-Michel et assignée sur des terres de franc-alleu àChevenez; en cas de retard de plus d’une année dans le paiement de la rente, l’acheteurpourra disposer de ces biens. Témoins: Jehannenet le Coursat, Willemin Ploiebuche,Mathias Tostemale, bourgeois de Porrentruy, etc. — Acte établi au nom et sous le sceaude l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 832.

Verso: Littera Th. de Rocourt, de Maigrecher. — Maigrecher. — Cheveney (xiv^e siècle).

1 Nos, officialx de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire et jurie de lai dite court, nostre comandemant \2 expecial a quel, quant es choses que sunt ci aprés escriptes et quant a plus granz, nos havons commis et commattons par ces presentes lettres nostre pouhoir et y-adjostons \3 foy plus pleniere, pour ce en droit personalmant estaublis et venanz expecialmant, Nicholins diz Maigrecheirs, bourgois de Pourrentruy, hai recoignu \4 uvertemant qu-il hai vendu et vent, pour lui et pour ses hoirs, ai touz jours-mais, ai Thiebaut de Rocourt, escuier, fil Jehannenat de Rocourt, \5 escuier, qui fu, pour lui et por ses hoirs, present et aichetant, trois emmenes de nu blef de perpetuel rente, a-lai mesure de Pourreintruy, a-pahier \6 et rendre chascun an franchemant, ai toz jours-mais, dou dit venditour et de ses hoirs ai dit aichetour et hai ses hoirs ai Cheveney, le blef \7 dessus dit le jour de lai feste de lai Saint Michiel, pour seix libres de bons nuhes baloys corsables ou merchief de Pourraintruy, qu-il en hai hahu \8 et recehu dou dit aichetour et les hai mis en son evidant proffit, par qu-il s-an est tenuz pour bien pahiez entieremant. 4 Les quels trois emmenes \9 de nu blef de perpetuel rente, a lai dite mesure, li diz venditerres hai assis et assete ^[1], por lui et pour ses hoirs, ai toz jors-mais, a dit aichetour, \10 por lui et por les suens hoirs, suis lai moitie des jornalz de terre et choses de franc aluef ci-aprés escriptes, gesanz en lai vile et \11 ou territoire de Cheveney: 5 premieremant, doz Lebiecort, hun jornal de terre, li hoir a Gullat hont d-unne part et li hoir a Kayllon hont \12 d-autre; 6 item, a Botenier, hun jornal de terre, entre les hoirs Perrin le donzel d-unne part et li hoir Henriat dit Cheignairt hont d-autre \13 part; 7 item, suis Fosses, hun jornal, Jehannenaz, li fiz Daigueney, hai d-unne part et li hoir Perrin dit lai Bouhebe hont d-autre part; 8 item, \14 es Cumbes, hun jornal, Ruedins, maris Behelin, hai d-unne part et d-autre; 9 item, es Antes, dous jornalz, Henris, fiz Trehi, hai d-unne part et Viate, \15 fille Symonat, hai d-autre; 10 item, a Chesnellat, hun jornal, li diz Ruedins hai d-unne part et li Moulle hai d-autre; 11 item devant […] ^[2], hun \16 jornal, li hoir a dit Cheignairt d-unne part et Lambelinc hai d-autre; 12 item, delez Croserant, une pece de terre, Gerdons, de \17 Roiches, hai d-unne part et li hoir Henriom lai Moulle hont d-autre part. 13 Et s-est devestuz li diz venditerres, por lui et por ses hoirs, \18 ai toz jors-mais, des dites trois emmenes de nu blef de perpetuel rente et de lai moitie de toutes et singuleres les peces dessus dites, et \19 le dit aichetour en hai envestu et envest, mis et mat [en] ^[3] bone et lehal tenure et en corporal possession, ou aussi par lai \20 tradiction de ces presentes lettres, pour lui et pour ses hoirs. 14 Item, est a-savoir que, se li diz venditerres desfailloit de pahier lai dite rente, il \21 ou sui hoir, par tant de temps que li une rente trovest l-autre et venest ensemble a-pahier avec l-autre rente, li diz aiche\22terres porroit faire sai voluntei, il et sui hoir, dou dit assignal de franc aluef, c-est a-savoir de lai moitie de toutes les \23 plaices dessus dites, et les porrient prater a cui qu-il vorrient et ordener enssi com il vorrient comme de lai lor propre chose que lor saroit \24 exchoite. 15 Et ceste vendicion et totes les choses dessus dites hai promis li diz venditerres, par son soiremant donei corporalmant, \25 por lui et por ses hoirs, en lai main de nostre dit jurey, sollempnel stipulation entrevenant, et suis l-obligacion de touz ses biens \26 moubles et non moubles, presenz et a-venir, tenir et guerder farmemant et pahier chascun an lai dite rente perpetuelmant a dit \27 aichetour et ai ses hoirs, gaurantir et appaisier le dit assignal de franc aluef par tant de temps comme lehal tenure s-afiert \28 en Ajoie, en tous lues et contre touz, senz gemais venir contre ces lettres en nuls caux, en lui et ses hoirs submattant li diz venditerres \29 a lai juridiction et cohercion de lai court de Besençon et de totes autres cours ecclesiastes et seculeres por estre controinz a l-observa\30cion des dites choses, non obstant acunnes excepcions de fait et de droit. 16 En tesmoignaige de lai quel chose, nos, officialx dessus diz, a \31 lai relacion de nostre dit jurey, havons mis le sel de lai court de Besençon en ces presentes lettres. 17 Faictes et donees, presenz Jehan \32nenat le Corsat, Woillemin Ploebueche et Maithiat Tostemalle, borgois de Pourreintrui, et plusours autres, le vanredi aprés lai \33 feste de l-Exaltacion de saincte Croux, l-an mil trois-cenz et quarante et cinc.
18 H. J. de Boncourt.

Notes de transcription
^[1] Ou asseté.
^[2] Écriture effacée.
^[3] Écriture effacée.