Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe234

1344, 30 décembre.

Type de document: charte: vente

Objet: Vente par Isabele, par Contesse, par Agnès, et par Marguerite, sœurs, filles de feuRichart de Bussurel, écuyer, autorisées par Perrin de Trétudans, écuyer, leur avoué, àThibaut de Rocourt, fils de feu Jehannenet de Rocourt, écuyer, pour 40 l. de nouveauxbâlois ayant cours au marché de Porrentruy — desquelles 12 l. d’estevenants ont étédonnées par elles, avec l’autorisation de leur avoué, au profit de l’autel de saintNicolas dans l’église de Mandeure — de pièces de terres de franc-alleu à Grandfontaine;et garantie de la vente par Perrin, fils de feu Richart [de Bussurel et] dePrésentevillers, écuyer, frère des venderesses, et par Girart de Mandeure dit le Clopet,chapelain de l’autel de saint Nicolas. Témoins: Jean dit Malrage et Jean Horri, deDelle, chevaliers; Thomassin de Beurnevésin, Renaut le Chaitet, de Granges, écuyers, etJean de Montbéliard dit Gratier, notaire. — Acte établi au nom de l’official de Besançonpar Huguenin Jean de Boncourt, et passé sous son sceau et sous celui d’Henri de Delle,prêtre, curé de Mandeure et doyen d’Ajoie, qui confirme l’acte et renonce à tout droitsur les biens vendus.

Commentaire: Parchemin jadis scellé de deux sceaux sur double queue. AAEB, B 239 Ajoie/110. —Analyse par J. Trouillat, Monuments…, III, p. 828.

Verso: Granfontainne (xiv^e siècle).

1 Nos, officialx de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie ^[1] de lai dite court, nostre \2 comandemant expecial a quel, quant es choses que sunt ci aprés escriptes et quant a plus granz, nos havons commis et commattons par ces presentes lettres nostre \3 pouhoir, pour ce en droit personalmant estaubliees et venanz expecialmant, Hesybels, Contasse, Aingnex et Merguerite, suers, filles Richairt de \4 Bussirey, escuier, qui fu, hont confessei et recoignu publiemant qu-elles, par lou lox et voluntei de Perrin de Trestoudans, escuier, lour leal vouhey, enssi comme \5 alles disoient, donees [sic] a lour par une uverte justise pour cest caux et pour plusours autres sesant en justise uverte et par lehal jugemant, \6 present le dit Perrin, lour vouhey, et auctorizant, hont vendu et vendent, pour lour et pour lour hoirs, ai touz jours-mais, et une chascunne \7 de lour pour le tout, a Thiebaut de Rocourt, fil Jehannenat de Rocourt, escuier, qui fu, pour lui et por ses hoirs, aichetant, \8 les plaices de terre et choses de franc aluef ci aprés escriptes, gesanz en lai vile et territoire de Grantfontaine: 4 premieremant, lou prey de \9 Rochedorph, derriers lai Jour, ensemble le fom d-ycellui; 5 item, hun viez exert, gesant doz les Cumbailes, Jehannenalz, li filz Woillequin, \10 hai d-unne part et Richairs, li fiz Vauthier, hai d-autre; 6 item, une plaice de terre doz lai Vie, Chevailerouse [hai] [d][-] [une] [part] et li fiz Regreillat, de Rescleres, hay \11 d-autre; 7 item, une plaice doz le Bois, Jehannelz, li filz Woillequin, hai d-unne part et Thiebauz, li filz Woillemenat, hai d-autre; 8 item, devant le Boix, une \12 plaice de terre, li hoir Woillemin d-Undrevelier hont d-unne part et li sentiers dou Chaffour siet d-autre; 9 item, devant le Bois, une autre \13 plaisate de terre, li terre de Dampnemarie siet d-unne part et li anfant Hotele hont d-autre; 10 item, une plaice de terre, entre lai vie de \14 Fol Fourchie d-unne part et li hoir Othele hont d-autre; 11 item, dessus chies Blanchat, ou Gravier, une plaice de terre, entre lai terre dit Graitat \15 d-unne part et lai terre a lai feme a Boudat d-autre; 12 item, en Cumbe Raybo, une plaice de terre, Woillemenaz de Grantfontaine hai d-unne \16 part et li cumbate es hoirs dou dit Woillemin d-Undrevelier chantroie suis; 13 item, une autre plaice que siet en Cumbe-Raybo, entre le dit aichetour \17 d-unne part et lai feme Verat d-autre; 14 item, le contour de lai vie de Montaillevers, Richairs, li filz Vathier, hai d-unne part et Girars diz Troing\18nairs hai d-autre; 15 item, une autre plaice que siet en Rechie, entre Goligairt d-unne part et li hoir dou dit Woillemin d-Undrevelier d-autre; 16 item, \19 en Septamboche ^[2], une plaice, li terre a curie d-unne part et li vie de Septamboche ^[3] siet d-autre; 17 item, en Rechief, une plaice, Richairs, li filz \20 Vauthier, d-unne part et Perrins, li fiz Thiebaut, d-autre; 18 item, ou Bannat, une plaice, li terre Pagin d-unne part et Perrins li Favres hai d-autre; \21 19 item, en Corcelles, une plaice, Perrins diz Fonthenate, de Bures, hai d-unne part et messi Uvrairs de Rocort, prestres, d-autre; 20 item, le contour que siet \22 ou Trepier, li dit hoir d-Undrevelier d-unne part et li champ dou Trepie chantroient suis; 21 item, a dit luec, une plaice, entre lai terre es hoirs a \23 Proudome et lai planche es hoirs Thiebaut; 22 item, une huichate que siet en Courceilles, entre le dit aichetour d-unne part et lai vie \24 de Courcelles d-autre; 23 item, doz lai Vele, une huichate, entre les hoirs Vathier et le ruix; 24 item, le chesal que siet entre les \25 signours de Lucelans et lai vie dou Mostier; 25 item, tout lour partaige de Monreno, quelque part qu-il soit, et generalmant et expecialmant \26 quanque et tout ce qu-elles hont, pouhent et doient havoir par quelque maniere que ce soit, de herietaige, gesant en lai vile, finaige et territoire de \27 Grantfontaine, en champs, preiz, huiches, chesails, curtils, terres arables et non arables, senz riens excepter, pour quarante libres de bons \28 nuhes baloys corsables ou merchief de Porraintruy, de que doze libres d-estevenans, encloses et compees par leal extimacion en lai dite some d-argent des dites \29 quarante libres de nuhes baloys, sunt baillies et delivrees, par le comandemant des dites filles et par lai voluntei dou dit Perrin de Trestoudans, en depos \30 a l'uevre et por faire le proffit de l'atair de saint Nicholax sesant en l'eglise de Manduerre; 26 et tout le remeignant des dites quarante libres \31 de bons nuhes balois alles hont hahu et recehu dou dit aichetour et les hont mises et convertiez, par le lox que dessus, en lour evidant proffit, \32 par qu-elles s-an sunt tenues et s-an tienent por bien pahiez entieremant. 27 Et se sunt devestues et se devestent les dites Hesybel, Contesse, Aingnex et \33 Merguerite, par lou lox et actoritey de lour dit vouhay, por lour et por lor hoirs, ai toz jours-mais, et chascunne de lour pour le tout, de \34 toutes et singuleres les choses et plaices de franc aluef dessus escriptes, par lai maniere que dessus est contenuz, et lou dit aichetour en hont envestu \35 et envestent, mis et matent en bone et lehal tenure et en corporal possession, ou aussi par lai tradiction de ces presentes lettres, por lui et por ses hoirs. 28 Et ceste dite vendi\36ciom et toutes et singuleres les choses dessus dites hont alles promis et promattent, par lou lox et auctorité que dessus, par lour soiremanz donez corporalmant, por lour et por \37 lor hoirs, en lai main de nostre dit comandemant, sollempnel stipulacion entrevenant, et suis l-obligation de touz lor biens moubles et non moubles, presenz et a-venir, \38 tenir, guerder et gaurantir de propre franc aluef ai touz jours-mais et perpetuelmant a dit aichetour et hai ses hoirs, senz gemais venir contre lai \39 tenour de ces presentes lettres en nul caux, et senz consentir que nuls autres y voingne, en appert ou en rescondut. 29 Lai quel vendue et toutes les choses dessus dites, \40 pour ce en droit personalmant estaubli et venant expecialmant, Perrins, fiz Richairt de Pesanteveler, escuier, qui fu, et freres des dites filles, \41 et messi Girairs diz li Clopaz, de Manduerre, prestres, chaippellains dou dit hatair de saint Nicholax, hont louhei, rateffié, confarmey et \42 aprovey, en quitant, pour lour et pour lor hoirs et successours, ai touz jours-mais, a dit aichetour, pour lui et pour ses hoirs, tout le droit et toute \43 lai rayson, action, reclamacion, proprietey et possession qu-il hont, pouhent et doient havoir, ensemble et deviseemant, par quelque titre, cause et maniere que \44 ce soit, en toutes et singuleres les choses dessus escriptes, se point en y hont, pouhent ou doient havoir. 30 Et ces choses hont il promis, par lour soiremanz \45 donez, por lour, por lor hoirs et por lour successours, en lai main de nostre dit comandemant et suis l-obligacion de touz lor biens presenz et a-venir, tenir \46 et guerder fermemant ai toz jors-mais, a dit aichetour et hai ses hoirs, senz gemais venir encontre ^[4] ces lettres, en lour et lor hoirs submattant les \47 dites filles, par le lox et auctoritei que dessus, et li diz Perrins, fiz Richairt, lor freres, et messi Girairs, prestres, lui et ses successours, a lai juridiction et \48 cohercion de lai dite court de Besençon et de toutes autres cours ecclesiastes et seculeres pour estre controinz, ensemble et deviseemant, par \49 lai quelle des dites cours que li diz aicheterres amerai muelx, il et sui hoir, a l-observacion de toutes et singuleres les choses dessus dites, par enssi \50 come dessus est dit, non obstant acunnes excepcions de mal, de baret, de lesion, de decepcion, a l-excepcion de decepcion outre lai moitie dou droit \51 pries ou emqui deviron et que autre chose soit estei escripte que acourdee, et expecialmant les dites filles, ensemble et deviseemant, ai touz \52 privileiges et ai touz droiz introduz et [ai] introdure en favour de femes, donez et ai doner de papes, de emperours et de touz autres, \53 et hai toutes autres excepcions de fait et de droit, et a droit disant que li generalz renunciations ne vaut. 31 En tesmoignaige de \54 lai quel chose, nos, officialx dessus diz, a lai relacion de nostre dit comandemant, havons mis le seal de lai court de Besençon pendant \55 en ces presentes lettres avecques lou seal de discreit home, monssi Henri de Deyle, prestre, doyen d-Ajoye et curie de Manduerre. Et \56 nos, les dites Hesybel, Contesse, Aingnex et Merguerite, suers, et li dit Perrins, fiz Richairt, et Girairs de Manduerre, prestres, et Perrins \57 de Trestoudans, come vouhez des dites filles, havons prié et requis a dit monssi Henri de Deyle, prestre, doyen d-Ajoie et curie de \58 Manduerre, qu-il matte son seal en ces lettres avec le dit sel de lai court de Besençon; et je, Henris de Deyle, prestres, doyens d-Ajoie et \59 curiez de Manduerre, qui louhois, rateffihoys, confarmois et aprovois, por moi et por mes successours, perpetuelmant a dit aichetour, por lui et por \60 ses hoirs, tout le droit et tote lai rayson, action, reclamacion, proprietei et possession et signorie que je havoie, hai, puis et doi havoir, \61 comant que ce soit, en toutes et singuleres les choses dessus dites par lai forme que dessus est contenuz, se point en y havoie ou autanz \62 hai havoir ou temps a-venir; et es prieres et requestes des dites filles et des diz Perrin, fil Richairt, qui fu, de monssi Girairt, \63 prestre, et dou dit Perrin de Trestoudans, par tant com il li apartient comme vouhei des dites filles et autremant comant que ce soit, hay \64 mis mon seal pendant avecques lou dit seal de lai court de Besençon en ces presentes lettres, que furent 32 faites et donees, presenz monssi \65 Jehan Malraige et monssi Jehan Horri de Deyle, chevaliers, Thomessin de Burnevesin, Renaut lou Chaitet, de Granges, escuiers, et \66 maistre Jehan Graitier, notaire publique, de Montbeliart, et plusours autres dignes de foy, lou penultime jour dou moys de decembre, \67 l-an mil trois-cenz et quarante et quaitre.
33 H. J. de Boncourt.

Notes de transcription
^[1] Finale développée d’après curiede l. 19, 55.
^[2] Ainsi coupé: Sept amboche.
^[3] Ainsi coupé: Sept amboche.
^[4] Ainsi coupé: en contre.