Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe230

1344, 29 octobre.

Type de document: charte: vente

Objet: Vente par Huguenin, fils de Cuenin dit Traveillat, de Chevenez, et par Jeannete, safemme, autorisée par son mari et par Jehannenet le Juglerat, de Chevenez, son avoué, àThibaut de Rocourt, écuyer, fils de feu Jehannenet, pour 65 s. de nouveaux bâlois ayantcours au marché de Porrentruy d’une rente de deux émines, moitié blé moitié avoine, à lamesure de Porrentruy et d’une poule, payable pour le blé à la Saint-Michel, pourl’avoine et la poule à la Saint-Martin et assignée sur des pièces de terre defranc-alleu à Chevenez; en cas de retard de plus d’une année dans le paiement de larente, l’acheteur pourra disposer de ces biens. Témoins: Girart dit Barate, CueninPagin, de Chevenez, etc. — Acte établi au nom et sous le sceau de l’official de Besançonpar Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 827.

Verso: Spectat ad Th. de Rocourt. — De Hugemyn Travavielet, de Cheveney. — Cheveney (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de \2 lai dite court, nostre comandemant expecial a quel, quant es choses que sunt ci aprés escriptes et quant a plus granz, nos havons \3 commis par ces lettres nostre pouhoir, pour ce en droit personalmant establis et venant expecialmant, Huguenins, fiz Cuenin dit \4 Traiveillat, et Jehannate, sai feme, de Cheveney, par les lox et actorité dou dit Huguenin, son mari, et de Jehannenat le \5 Juglerat, de Cheveney, son lehal vouhay donei a lei par une uverte justise por ce et pour plusours autres choses sesant \6 en justise uverte et par lehal jugemant, presenz et auctorizanz, hont recoignu uvertemant qu-il hont vendu, por lour et por \7 lor hoirs, ai toz jors-mais, et chascuns de lour pour le tout, ai Thiebaut de Rocourt, escuier, fil Jehannenat, \8 qui fu, por lui et por ses hoirs, present et aichetant, douhes emennes, moitie blef pur de perpetuel rante et moitie \9 avoynne, a lai mesure de Pourrentruy, et une geline censsals, a-pahier chascun an ai toz jors-mais, le blef pur le jour \10 de lai feste de saint Michiel et l-avoynne et lai geline le jour de lai feste de saint Mertin d-yvert, 4 pour seixante et cinc solz \11 de bons nuhes balois corsables ou merchief de Pourrentruy, qu-il hont hahu dou dit aichetour et s-an sunt tenu pour bien \12 pahiez. 5 Lai quel rante et vendicion dessus dite il hont assis, por lour et por lor hoirs, ai toz jors-mais, par les lox et acto\13rité que dessus, a dit aichetour, por lui et por ses hoirs, suis les plaices de terre et choses de franc aluef que \14 s-ansuegant ^[1], gesanz en lai vile et territoire de Cheveney: 6 premieremant, hun jornal de terre en Vannels, li gindres Kaihin hai \15 d-unne part et Woillemins li donzels d-autre; 7 item, ou dit luec, hun jornal, li gindres Kaihin d-unne part et Henris diz \16 Badaz hai d-autre; 8 item, es Preiz de Veler, a Prey Trunchat, lai moitie de lai plaice, li vie communnals vay \17 d-unne part et diz Garçons, qui fu, havoit d-autre. 9 Et se sunt devestu li dit venditour, por lour et por lor hoirs, \18 ai toz jors-mais, par les lox et actorité que dessus et chascuns por le tout, de lai dite vendicion de franc aluef et dou dit \19 assignal quant a ycelle, et le dit aichetour en hont envestu et mis en bone et leal tenure et en corporal possession, \20 ou aussi par lai tradiction de ces lettres, por lui et ses hoirs. 10 Et hont promis, enssi cum dessus, par lor soiremanz donez, por \21 lor et por lor hoirs, en lai main de nostre dit jurei et suis l-obligacion de toz lor biens presenz et a-venir, de tenir, \22 pahier les dites choses perpetuelmant a dit aichetour et hai ses hoirs, garantir et appaisier de franc aluef le dit assignal \23 par tant cum leal tenure s-affiert en Ajoye, en tous lues et encontre ^[2] touz, senz gemais venir encontre ^[3], \24 en lor et lor hoirs submatant a lai juridiction de lai cort de Besençon et de totes cors por estre controinz a l-observacion des dites \25 choses, non obstant acunne excepcion de fait et de droit. 11 En tesmoignaige de lai quel chose, nos, a lai relacion de nostre dit jurei, \26 havons mis le sel de lai court de Besençon en ces lettres. 12 Faites et donees, presenz Girart dit Bairaite et Cuenin Pagin, de Cheveney, \27 et plusours autres, l-andemain de lai saint Symon et Jude, l-an mil trois cenz et quarante et quaitre.
13 H. J. de Boncort.
14 \28 Item, est a-savoir que, se li dit venditour ou lor hoir deffaillient tant de pahier que li une rente trovest l-autre \29 et venest a-pahier avec l-autre, li diz aicheterres en feroit sai voluntei dou dit assignal, il et sui hoir, \30 come de sai propre chose que lor saroit exchoite. Doné enssi com dessus et presenz cels que dessus.

Notes de transcription
^[1] Ainsi coupé: sansuegant.
^[2] Ainsi coupé: en contre.
^[3] Ainsi coupé: en contre.