Accueil>Les corpus textuels>Charte docJuBe227

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe227

1344, 25 octobre.

Type de document: charte: vente

Objet: Vente par Jehannenet le Recrelaire, de Chevenez, avec le consentement d’Aliate, safille, autorisée par lui-même en qualité d’avoué, à Thibaut de Rocourt, écuyer, fils defeu Jehannenet de Rocourt, écuyer, pour 65 s. de nouveaux bâlois ayant cours au marchéde Porrentruy d’une rente de deux émines, moitié blé moitié avoine, à la mesure dePorrentruy, payable à Chevenez pour le blé à la Saint-Michel et pour l’avoine à laSaint-Martin ainsi que d’une poule, payable à Carême-entrant et assignée sur des piècesde terre de franc-alleu à Chevenez; en cas de retard de plus d’une année dans lepaiement de la rente, l’acheteur pourra disposer de ces biens. Témoins: Jehannenet leJuglerat, Cuenin Pagin et Girart dit Barate, de Chevenez. — Acte établi au nom et sousle sceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 826.

Verso: Spectat ad Th. de Rocort. — De Jehannin le Reclelare, de Cheveney. — Cheveney (xive siècle).

 1 Nos, officialx de lai court de Besençon, 2 faiçons savoir a touz 3 que, par devant Huguenin Jehan de Boncourt, \2 clerc, notaire, jurey de lai dite court, nostre comandemant expecial a quel, quant es choses que sunt ci aprés \3 escriptes et quant a plus granz, nos havons commis par ces presentes lettres nostre pouhoir, pour ce en droit \4 personalmant establis et venanz expecialmant, Jehannenaz diz li Reclelaires, de Cheveney, hai recoignu qu-il hai \5 vendu et vent, por lui et por ses hoirs, ai touz jours-mais, ai Thiebaut de Rocourt, escuier, fil \6 Jehannenat de Rocourt, escuier, qui fu, por lui et por ses hoirs, present et aichetant, douhes emennes, \7 moitie blef pur de annuel et perpetuel rente et moitie avoynne, a lai mesure de Pourreintrui, a \8 pahier et rendre chascun an franchemant, ai touz jours-mais, a dit aichetour et hai ses hoirs ou \9 hai son certain comandemant, le blef pur le jour de lai feste de lai Saint Michiel et l-avoynne le jour \10 de lai feste de saint Mertin d-yvert, et por une gelinne censsal a-pahier chascun an perpetuelmant ai \11 Karesmantrant, et se doit faire li pahemanz a Cheveney, 4 pour seixante et cinc solz de \12 bons nuhes balois corsables ou merchief de Porreintrui, que li diz venditerres hai hahu et recehu \13 dou dit aichetour et les hai mis en son evidant proffit, par qu-il s-an est tenuz por bien \14 pahiez entieremant. 5 Lai quel vendiciom li diz venditerres hai assis et assigne, por lui et por ses hoirs, \15 ai toz jours-mais, a dit aichetour, por lui et por ses hoirs, suis les plaices de \16 terre et choses de franc aluef que s-ansuegant [1], gesanz en lai vile et territoire de Cheveney: 6 premiere\17mant, es Cherbonieres, hun jornal, li Voges et sui frere, d-Undrevelier, d-unne part et li hoir Perrin, \18 frere dou dit venditour, hont d-autre; 7 item, hun jornal en Parfundevals, Uvrairs Falandre hai \19 d-unne part et Bourquins, filz Wallemin le Roy, hai d-autre; 8 item, en Valrihour, es Prez, doz \20 lai Vele, une plaice, li hoir Boroignon, qui fu, d-unne part et li dit hoir Perrin d-autre. 9 Et s-est devestuz \21 li diz venditerres, por lui et por ses hoirs, ai toz jors-mais, de lai dite vendicion et dou dit assignal de \22 franc aluef quant a ycelle, et le dit aichetour en hai envestu et mat en bone et leal tenure \23 et en corporal possession, ou aussi par lai tradiction de ces presentes lettres, por lui et por ses hoirs. 10 \24 Et ceste vendicion et totes les choses dessus dites hai il promis, par son soiremant donei, pour \25 lui et pour ses hoirs, en lai main de nostre dit jurey et suis l-obligation de touz ses biens mou\26bles et non moubles, presenz et a-venir, tenir et gerder fermemant ai toz jors-mais, et pahier \27 chascun an lai dite rente et censse es diz termes, garantir et appaisier le dit assignal de franc \28 aluef par tant com leal tenure s-affiert en Ajoye, en tous lues et encontre [2] touz, senz gemais \29 venir encontre [3] ces presentes lettres en nul caux. 11 Lai quel vendue et totes les choses dessus dites; por \30 ce en droit personalmant establi, Jehannenaz et Aliate, sai fille, par les lox et actorité de son pere, \31 son leal vouhai donei a lei par une uverte justise pour ce et pour autres choses sesant en justise uverte \32 et par leal jugemant, hont louhei et ratefié, en quitant tout le droit qu-il y-hont; 12 et l-ont promis \33 de garantir de franc aluef, et s-il deffaillient tant de paier que li une rente trovest l-autre, il en fe\34rient lor voluntey, en lor et lor hoirs submatant a lai juridiction de lai court de Besençon et de totes \35 autres cours a l-observacion des dites choses. 13 En tesmoignaige de lai quel chose, nos, a lai relacion de nostre \36 dit jurey, havons mis le sel de lai court de Besençon en ces lettres. 14 Faites et donees, presenz lo Juglerat, \37 Cuenin Pagin et Girart Bairate, de Cheveney, vint et cint jours en octobre, l-an mil trois-cenz quarante quaitre.
15 \38 H. J. de Boncourt.
Notes de transcription
[1] Ainsi coupé: sansuegant.
[2] Ainsi coupé: en contre.
[3] Ainsi coupé: en contre.