Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe224

1344, 10 septembre.

Type de document: charte: donation

Objet: Donation par Richart, fils de feu Jacquet le fèvre, bourgeois de Porrentruy, et par sonfrère, Jean, diacre, à la claverie de Porrentruy d’une rente annuelle d’un muid, moitiéblé moitié avoine, à la mesure de Porrentruy payable le blé à la Saint-Michel etl’avoine à la Saint-Martin et assignée à Porrentruy sur vingt-huit journaux de terre defranc-alleu, hormis deux qui sont des colonges; cette rente, ajoutée à une autre de mêmevaleur constituée par feu Louis, prêtre, fils de feu Willemin Chavelier (voir n° 109) età une autre de 20 émines, constituée par feu Guillaume dit Burnel (voir n° 111), tousdeux claviers de Porrentruy, sera perçue à titre viager avec les autres droitsappartenant à la claverie par le dit Jean, diacre, clavier, qui s’engage à se faireordonner prêtre dans les deux ans et à chanter ou à faire chanter quatre messes parsemaine en l’église Saint-Germain, mais après la mort du donateur la collation dubénéfice appartiendra au conseil de Porrentruy; retour aux héritiers des donateurs de larente et des immeubles sur lesquels elle est assignée en cas d’aliénation partielle outotale ou d’une autre affectation de la rente constituée par Richart et Jean;acceptation d’une maison près de l’église de Porrentruy pour la claverie en échange avecla ville de la maison que feu Guillaume dit Burnel avait donnée; et fondation d’unanniversaire pour ledit Jean, à célébrer le jour de son obit par le clavier, quifournira un repas à cinq prêtres chantant la messe ce jour-là et qui recevront chacun 12d., cela jusqu’à concurrence de 10 s. assignés sur cette rente (voir n° 226). — Actepassé sous les sceaux de Louis, curé d’Alle, et de Pierre dit Bruat, curé de Fontenais,prêtre.

Commentaire: Parchemin jadis scellé de deux sceaux sur double queue. Porrentruy, Archives de laBourgeoisie, III E, 16. — Analyse par J. Trouillat, Monuments…, III,p. 825.

Verso: Spectat ad consulem burgensium de Pourrentruy des anfanz Jaiquat le faivre de Pourrentruy de l-assignal et donation qu-il hont fait en accrossance de lai claverie de Pourrentruy (xiv^e siècle).

1 Nos, Richairs, li fiz Jaiquat le faivre, bourgois de Pourreintrui, qui fu, et Jehans, ses freres, dyacres en cest temps, 2 faiçons savoir a touz 3 que \2 nos, non pas losangiez d-acun ne decehu ne baretez, mais por nos proffiz et pour le salvemant des airmes de nos, havons doney et donons, par pure et lehal \3 donaciom faicte entre les viz et puremant pour Deu, Nostre Signour Jhesu-Crist, et pour nos et pour noz hoirs, ai touz jours-mais, et uns-chascuns de nos pour \4 lou tout, en nom et pour l-acrassance et augmentation de la-claiverie de Pourreintrui, 4 hun muy, moitie blef pur de annuel et perpetuel rente et moitie \5 avoinne, a lai mesure de Pourreintruy, 5 a-pahier et rendre chascun an franchemant, ai touz jours-mais, de nos et de noz hoirs, a claivier de lai dite \6 claiverie qui sarai an cest temps, a lui et hai ses successours, le blef pur le jour de lai feste de saint Michiel et l-avoynne le jour de lai feste de \7 saint Martin d-yvert. 6 Lou quel mui moitange de perpetuel rente dessus dit nos havons assis et assignons, por nos et por noz hoirs, ai touz jours-mais, et \8 uns-chascuns de nos por le tout, a lai dite claverie, et en acrossance et augmentation des rentes d-ycelles que y-estoient jay establies suis les plaices de \9 terre et choses que s-ansuegant ^[1], que sunt de franc aluef fuer que les douhes peces derrieres, que siesent ou territoire et finaige de Pourreintrui \10 et es luez ci-aprés nomez, que doient contenir vint et huit jornals de terre: 7 premieremant, hun jornal de terre que siet en Chaipelles, que \11 contorne suis lou champ des Boulles, li hoir Huguenat Lomclat hont d-unne part et li dit Richairs et Jehans, fiz Jaiquat lo faivre, qui fu, hont \12 d-autre; 8 item, a champ des Boulles, suis trois jornals, li hoir Perrin Lomclat hont d-unne part et Nicholins, de Veler, hai d-autre; 9 item, suis lou contour dou \13 Varnel, une plaice, li champ deviron contornent suis d-unne part et d-autre; 10 item, en cest luec maismes, suis hun jornal, li hoir Vatherel, de Veler, hont \14 d-unne part et li hoir Perrin l-oste hont d-autre; 11 item, es Longeignes, en lai vie de Veler, une plaice, li terre monssi Richairt Vendrey d-unne part et li terre de lai \15 dohe siet d-autre part; 12 item, a Perier Forchie hun jornal, Berthins, de Veler, hai d-unne part et li hoir Girairt le Tenier hont d-autre part; 13 item, \16 dedoz lai vie d-Alle, hun jornal, entre les diz hoirs Jaiquat d-unne part et Nicholin, de Veler, d-autre; 14 item, dedoz lai vie de Fossés, hun jornal lai \17 moitie, li hoir dou dit Jaiquat d-unne part et Vathiers, de Monvouhay, hai d-autre; 15 item, dedoz lai vie d-Alle, demey jornal decoste Nicholin, de Veler, d-unne \18 part et Estevenin dit Vauchanchat d-autre part; 16 item, suis la Maille de Saroille, hun jornal, entre lai terre danz Symon, qui fu, d-unne part et lai terre Bur\19nel, de Fonthenois, qui fu, d-autre; 17 item, en cest luec maismes, hun jornal, Huguenins Dodins hai d-unne part et messi Richairs diz Vendrez hai d-autre; 18 item, \20 hun jornal en Sarroille, Perrenaz diz Daviaz hai d-unne part et li hoir Costechier, de Pourraintrui, hont d-autre; 19 item, en lai vie de Sarroille, hun jornal \21 et hun demey, li hoir Perrin l-oste, de Veler, hont d-unne part et li hoir Robert l-oste, de Veler, d-autre; 20 item, suis lai vie de Sarroille, hun jornal, li signour de \22 Saint Ursanne hont d-unne part et li anfant Chavelier, de Pourreintrui, Jehannenaz et Perrenaz, hont d-autre; 21 item, a Perier Richardat, une plaice, \23 li hoir a vouhey de Pourreintruy hont d-unne part et Huguenins de Sonvelier, escuiers, hai d-autre; 22 item, delez lai vie de Coronol, hun jornal, li signour de Grangort \24 hont d-unne part et li signour de Lucelans hont d-autre; 23 item, en lai vie de Turganval, hun jornal, Besençons, fiz Perrenel, de Porreintrui, hai d-unne part et li \25 hoir a Lomclat, de Fonthenois, d-autre; 24 item, en lai vie de Cheveney, trois jornals de terre, Bourquairs, fiz a Pahon, d-Eyndevelair, hai d-unne part \26 et li terre que Jehannenaz, fiz Bulli, de Cheveney, tient, siet d-autre; 25 item, en Cheselat, hun jornal, li hoir Perrin de Cueve d-unne part et li terre que fu monssi \27 Cuene de Meruhal, chevalier, siet d-autre; 26 item, en lai vie de lai Montaigne, hun jornal, Woillemenaz Frimerdaz hai d-unne part et li hoir Perrin Lomclat \28 hont d-autre; 27 item, en cest dit luec, hun jornal ou luec que om dit en Monnin, li moynne de Lucelans hont d-unne part et li hoir Costechier, de Pour\29reintrui, d-autre; 28 item, en cest dit luec, une plaice de demey jornal, li hoir Woillemin dit Costechier, de Porreintrui, hont d-unne part et \30 li hoir Perrin l-oste, de Veler, hont d-autre; 29 item, en Corbel, dous jornals, Jehannenaz Trebeillaz hai d-unne part et Jaiquins li corvoisiers hai d-autre; 30 \31 item, hun jornal en Monvible, li terre de lai masse maitenal siet d-unne part et li terre de lai dohei de Porreintrui siet d-autre part. 31 Et sunt \32 totes les plaices et choses dessus dites de franc aluef mais-que les douhes plaices derriers que sunt de colunge et doient chascun an une emenne \33 d-avoynne et le tiers d-un penal de nu blef, a lai mesure de Porreintruy, et quaitre deniers chascun an de rente de debite. 32 Lou quel muy moitange \34 de perpetuel rente, a lai dite mesure, assis de part les diz Richairt et Jehan, fil Jaiquat, qui fu, enssi cum dessus est dit, ensemble hun autre mui, moitie blef pur de perpetuel \35 rante et moitie avoynne, a lai dite mesure, que messi Loviaz, prestres, qui fu filz Chavelier, et ensemble les vint emennes de perpetuel rente, a lai dite mesure, que messi Woillames diz Bur\36nelz, que furent clavier de lai dite claverie de Porraintruy, y-donerent et outroerent, por lour et por lor hoirs, ai toz jors-mais, en acrossance de lai dite claverie, li \37 diz Jehans, dyacres, doit panrre et havoir, chascun an a sai vie et tant come il vivray en cest siegle, ensemble touz les droiz et apartenances a lai dite claverie, et \38 tanduis com je, li diz Jehans, dyacres, porrai desservir bonemant et justemant lai dite claverie senz fraude et senz baret. 33 Et doy estre prestres je, li diz Jehans, fiz Jaiquat, \39 danz dous anz, encomancenz a-venir dois le jour des confection des lettres, que je en hai de lour, ensuganz et a-complir, et doy chanter ou faire chanter, par moy ou par hun ydone prestre, \40 chascunne semainne quaitre masses a mostier Saint Germain de Pourreintrui, senz faillir. 34 Mais quant je, li diz Jehans, claviers, sarai trespassez de cest siegle en l-autre, li consols \41 des bourgois de Porraintrui et li communnals dou dit luec doivent eslire et matre hun autre claivier, qui soit prestres et non pas autrui, qui toingne et hait lai dite rente entie\42remant et les choses dessus dites, et chantoit li diz prestres claviers, mes aprés venanz, les dites quaitre masses chascunne semainne ou dit mostier de Saint Germain par lai mani\43ere que dit est, por touz les foys de Deu. 35 Et ou caux que il ou nostre ^[2] aprés venant vendrient, engaigerient ou alienerient en tout ou en partie le dit mui moitange \44 de perpetuel rente, que je, li diz Jehans, claviers, et Richairs, frere, lor havons donei en acrossance de lai dite claverie, et qu-il en ordenerient autremant mais-que par la maniere \45 et forme que ordenez en est par nos et que contenuz est danz les lettres suis ce faictes, nostre hoir, quel qu-il fussient, redevrient havoir le dit mui de perpetuel rente et le dit \46 assignal entieremant, senz ce qu-il ne nuls autres nos pussient ne ne doient aler encontre ^[3] ces lettres ne covenances en nul caux. 36 Item, est a-savoir que je, li diz Jehans, \47 fiz Jaiquat, claviers, me suis tenuz por contenz de lai dite claverie, por moi et por mes successours, de l-exchange de lai maison et chesal d-ycelle que siet pres de l-eglise \48 de Pourreintruy, entre Cueniat le Chaipusat, de Bures, d-unne part et li hoir Huguenat de Corflahon, qui fu, bourgois de Pourreintrui, d-autre, que li diz consols, \49 en nom que dessus, m-ont doney et ordenei perpetuelmant en recompenssation de lai maison et chesail d-icelle que li diz messi Burnelz, qui fu, donai a lai dite claverie. 37 Item, est a-savoir \50 que, aprés le deceix de moi, Jehan, fil Jaiquat, qui fu, cil qui saront et sarai claviers aprés moi doient faire, il et lor aprés venant, a touz jours-mais, l-anniversaire \51 de moi lou jour de mon obit chascun an por le remede de l-airme de moi, chascun an, enssi cum il s-ansuet ^[4], c-est a-savoir que cil que saront claviers l-uns \52 aprés l-autre doient doner et admenestrer a maingier chascun an a cinc prestres, perpetuelmant une fois le jour de mon obit, a ces qui chanteront lour \53 masses le dit jour, et doient doner a hun chascun des diz prestres doze deniers, si que li diz anniversaires est establis jusque a l-extimacion de deix s. de bone monoie \54 corsable ou merchief de Pourreintruy, et sunt assis suis le dit mui moitange de perpetuel rente et suis l-assignal et choses dessus dites que nos, li dit Richairs et Jehans, \55 havons doney et estaubli de nostre propre suis et en acrossance de lai dite claverie. 38 Et ceste donaciom et toutes et singuleres les choses dessus escriptes havons \56 nos promis et promattons nos, li dit Richairs et Jehans, frere, par noz lehalx soiremanz donez corporalmant por nos et por noz hoirs, sollempnel \57 stipulacion entrevenant, et suis l-obligacion de touz noz biens moubles et non moubles, presenz et a-venir, tenir et garder farmemant et garantir \58 et appaisier entieremant et franchemant par tant de temps come lehal tenure s-affiert en Ajoye, en tous lues et encontre ^[5] touz, mais-que les \59 dites douhes derres plaices que doient chascun an lai debite dessus dite, que je, diz Richairs, et Jehans, frere, et nostre hoir devons chascun an paier por \60 raison de colunge, et ai acomplir et pahier chascun an le dit mui de perpetuel rente es diz termes, par lai condiction dessus dite, a lai dite claverie de \61 Pourreintruy et es claviers qui saront por le temps et hai lour certainz comandemanz, senz gemais venir encontre ^[6] lai tenour de ces presentes lettres \62 en nul caux. 39 Et doyt demorer en cest point maismes je, li diz Jehans, claviers, fiz Jaiquat, et doi johir et havoir dou dit mui de rente \63 que messi Loviaz, que fu, y donai et des vint emennes moitanges que li diz messi Burnelz, qui fu, y-donai en acrossance, quair nuls autres ne les puet \64 ne ne doit havoir fuer que je, li diz Jehans, et huns autres claviers, mes aprés venanz, que prestres soit et que lai dite claverie doie desservir \65 bien et lealmant par lui ou par hun autre et que prestres soit, enssi cum dit est. 40 En tesmoignaige de lai quel chose, nos, li dit Richairs et Jehans, \66 frere, anfanz Jaiquat, qui fu, havons prié et requis a saiges homes et discreiz, monssi Loui, curie d-Alle, et monssi Pierre dit Brou\67hat, curie de Fonthenois, prestre, qu-il mattent lour seals pendanz en ces presentes lettres; et nos, li dit Louiz, curiez d-Alle, et Pierres \68 Brouhaiz, curiez de Fonthenois, prestre, es prieres et requestes des diz Richairt et Jehan, fil Jaiquat, havons mis noz seals pendanz en \69 ces presentes lettres, 41 que furent faictes et donees le deixiesme jours dou mois de septembre, l-an mil trois-cenz et quarante et quaitre.

Notes de transcription
^[1] Ainsi coupé: san suegant.
^[2] Lecture douteuse.
^[3] Ainsi coupé: en contre.
^[4] Ainsi coupé: sansuet.
^[5] Ainsi coupé: en contre.
^[6] Ainsi coupé: en contre.