Accueil>Les corpus textuels>Charte docJuBe220

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe220

1344, 3 juin.

Type de document: charte: échange

Objet: Échange entre la communauté des habitants d’Alle, représentée par Bourquenet,« ambourg », fils de feu Ruedin, d’Alle, Renaut dit Pucin, Perrin le fèvre, HenrietCostechier, Thibaut dit Blanchar, Jean du Pont, Jehannenet Fregiécourt, Bourquin ditRuby et Richart dit le Gros, d’une part, et Richart de Morimont, chevalier, d’autrepart, d’un pré appartenant à la communauté d’Alle contre un pré en franc-alleu surlequel les prud’hommes d’Alle avaient récemment ouvert un chemin communal. Témoins:Louis, curé d’Alle, prêtre, et Bourcart, serviteur de Richart de Morimont. — Acte établiau nom et sous le sceau de l’official de Besançon par Huguenin Jean de Boncourt,notaire.

Commentaire: Parchemin jadis scellé sur double queue, AAEB, B 239 Ajoie/36. — Analyse par J.Trouillat, Monuments…, III, p. 824.

Verso: Spectat ad mons. Richairt de Morimont, chevalier, de l-exchange de lai commune d-Alle (xive siècle ou xve siècle).

 1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie de lai dite court, nostre \2 comandemant expecial a quel, quant es choses que sunt ci aprés escriptes et quant a plus granz, nos havons commis et commattons par ces presentes lettres [nostre] [pouhoir], por \3 ce en droit personalmant estaubli et venant especialmant, Borquenaz, heimbours en cest temps d-Alle, filz Ruedin dou dit luec, qui fu, Renauz diz Pu\4cins, Perrins li faivres, Henriaz Costechier, Thiebauz diz Blanchairs, Jehans dou Pom, Jehannenaz Fregiecourt, Borquins diz Ruby et Richairs \5 diz li Gros, d-Alle, hont confessey et recoignu publiemant qu-il hont exchangie et exchangent, en nom et pour tout le communnal et pour touz les proudo\6mes et habitanz d-Alle, por lour, por lor hoirs et por lor aprés venanz, ai touz jours-mais, baillie et quitie et delivrey en nom d-exchange \7 et de permutatiom ai monssi Richairt de Morimont, chevalier, present et acceptant le dit exchange, por lui et por ses hoirs, lai plaice de \8 prey ensemble lou fom d-icelle, qu-estoit pesqualz et de lai commennaté d-Alle, gesanz ou territoire d-Alle, doz Hermon, entre lai reviere d-unne part et li diz \9 messi Richairs de Morimont hai d-autre. 4 Et hont fait li dit proudome d-Alle, en nom que dessus, le dit exchange a une autre plaice de prey de \10 franc aluef ensemble le fom d-icelle, gesant ou dit territoire d-Alle, ou dit luec doz Hermon, en lai quelle plaice de prey li dit proudome d-Alle hont fait \11 de novel une vie communnal, et hai encor li diz messi Richairs de Morimont d-unne part et d-autre, que li dessus dit proudome d-Alle emportent encontre \12 par exchange, en nom que dessus, por toz jors-mais, enssi cum il est contenuz danz unes autres lettres suis ce faites, saellees dou seal de lai court de \13 Besençon, qu-il en hont dou dit monssi Richairt, par qu-il s-an tienent, en nom que dessus, por contenz, et l-ont fait pour l-evidant proffit dou dit communnal \14 en nom que dessus. 5 Et se sunt devestu et se devestent, en nom que dessus, por lor, por lor hoirs et aprés venanz, por touz jors-mais, de lai dite plaice \15 de prey ensemble le fon d-ycelle, qu-estoit pesqualz et de lor communnal, por lai raison et cause de ce qu-il emportent encontre perpetuelmant dou dit \16 monssi Richairt de Morimont l-autre plaice de prey et le fon d-icelle par exchange de franc aluef, la ou il hont fait de novel lai dite vie communnal, \17 et le dit monssi Richairt de Morimont en hont envestu et mis en bone et lehal tenure et en corporal possession, ou aussi par lai tradiction de \18 ces presentes lettres, por lui et por ses hoirs. 6 Et cest dit exchange et totes les choses dessus escriptes et une chascunne d-icelles hont il promis et \19 promattent, en nom que dessus, par lour soiremanz donez corporalmant, por lour, por lor hoirs et por lor aprés venanz, en lai main de nostre dit coman \20demant, sollempnel stipulacion entrevenant, et aprés suis l-obligacion de touz lour biens moubles et non moubles, presenz et a-venir, tenir et garder \21 farmemant ai touz jors-mais, et uns-chascuns de lour por le tout et en nom que dessus, a dit monssi Richairt de Morimont et hay \22 ses hoirs, garantir et appaisier lai dite plaice de prey et le fom d-ycelle, qu-estoit pesqualz, de propre franc aluef, a lour \23 propres despens et missions, par tant de temps come lehal tenure s-affiert en Ajoye, en tous lues, en jugemanz et deffuers, encontre [1] \24 touz, senz gemais venir encontre [2] lai tenour de ces presentes lettres par lour ne par autrui, et senz consentir que nuls autres y-voingne, \25 en appert ou en rescondut, en lour et lor hoirs et aprés venanz submattant, quant a ce et en nom que dessus et chascuns de \26 lour por le tout, a lai juridiction et cohercion de lai dite court de Besençon et de totes autres cours ecclesiastes et secu\27leres por estre controinz, ensemble et deviseemant, par lai quelle des dites cours que li diz messi Richairs de Morimont amerai \28 muelx, il et sui hoir, a l-observacion de totes et singuleres les choses dessus dites, non obstant acunnes excepcions de mal, de baret, \29 de lesiom, de decepcion, a l-excepcion de decepcion outre lai moitie dou droit pries ou emqui deviron et que autre chose \30 soit estei escripte que acordee, a touz privileiges et toz droiz donez et a-doner de papes, d-emperours et de toz princes, a l-excepcion \31 des dous reiz ou plusours promatent ensemble, et hai totes autres excepcions de fait et de droit, et a droit disant \32 que li generalz renunciacions ne vaut. 7 En tesmoignaige de lai quel chose, nos, officials dessus diz, a lai relacion de nostre dit coman\33demant, havons mis le seal de lai dite court de Besençon pendant en ces presentes lettres. 8 Faites et donees, presenz monssi Louy, \34 curie d-Alle, prestre, et Bourquairt, garçon dou dit monssi Richairt de Morimont et plusours autres, lou tiers jours \35 dou moys de joyng, l-an mil trois-cenz et quarante et quaitre.
9 H. J. de Boncourt.
10 \36 Duplicata est.
Notes de transcription
[1] Ainsi coupé: en contre.
[2] Ainsi coupé: en contre.