Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe219

1344, 28 mai.

Type de document: charte: vente

Objet: Vente par Girart le fèvre, de Delémont, et par Ythenet, sa femme, autorisée par son mariet par Renaut dit Pucin, d’Alle, son avoué, à Henri, abbé, et au couvent de Bellelay,pour 17 l. de nouveaux bâlois ayant cours au marché de Porrentruy de la tenurehéréditaire qu’ils possèdent à Courfaivre de Jean [Fursich], fils de feu Richardin leDonzelet, de Porrentruy, écuyer, et de tout ce que les vendeurs ont en franc-alleu surce même territoire, à charge à l’acheteur de payer le cens annuel de 10 s. de monnaieayant cours au marché de Porrentruy dû à Jean, fils de Richardin le Donzelet, la moitiéà la Saint-Jean-Baptiste et la moitié à Noël, ainsi que 10 s. de la même monnaie dus parl’acheteur à Jean, fils de Richardin le Donzelet lors du changement de tenancier ou debailleur, la tenure devant alors être reprise dans les 40 jours; et consentement donné àcette vente par Jean, fils de Richardin le Donzelet, qui se réserve un droit depréemption. Témoins: Girart de Fregiécourt, écuyer, Jean de Soulce, chapelain deCourfaivre, et Henriet Ramey, bourgeois de Porrentruy. — Acte établi au nom et sous lesceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue; il subsiste un fragment. AAEB, B 133/15Courfaivre. — Analyse par J. Trouillat, Monuments…, III, p. 824.

Verso: Courfaver (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de lai dite court, nostre comandemant expe\2cial a quel, quant es choses que sunt ci aprés escriptes et quant a plux granz, nos havons commis et commattons par ces presentes lettres nostre pouhoir, pour ce en droit personalmant \3 establi et venant expecialmant, Girairs li faivres, de Deleymont, et Ythenat, sai feme, par les lox et auctoritei dou dit Girairt, son mari, et de Renaut dit \4 Pucin, d-Alle, son lehal vouhay donei a lei par une uverte justise, enssi come alle disoit, por ce et por plusours autres choses sesant en justise uverte et par lehal jugemant, \5 presenz et actorizant, hont confessei et recoignu publiemant qu-il hont vendu et vendent, por lour et por lor hoirs, ai touz jours-mais, et chascuns de lour por lou \6 tout, a religiouse persone et pere, frere Henri, par lai pacience de Deu humile abbey de Bellelee, de l-ordre de Premostrey, present et aichetant en nom de l-abaye \7 et dou covant de Bellelee, por lour et por lor successours, le fuhé herietauble entieremant, senz riens matre fuer, que li dit venditour tenient, pouhient \8 et devient tenir, ensemble et deviseemant, de Jehan, fil Richardin lou Donzellat, de Porraintruy, escuier, qui fu, gesant en lai vile, finayge et territoire de Courfaivre, \9 et generalmant quanque et tout ce que li dit venditour hont, pouhent et doient havoir de herietaige de franc aluef gesanz en lai dite vile et finayge et \10 territoire de Courfaivre, en champs, preiz, chesails, curtils, terres arables et non arables et en totes autres choses et biens non moubles, senz riens matre \11 fuer ne excepter, 4 pour deix sept libres de bons nuhes baloys corsables ou merchief de Porraintruy, que li dit venditour hont hahu et recehu dou dit \12 aichetour, en nom que dessus, et les hont mis et convertiz en lour evidanz proffeiz, par qu-il s-an sunt tenu por bien pahiez entieremant, 5 et pour deix solz \13 censsals de bone monoie corsable ou merchief de Porreintruy, que li diz aicheterres doit chascun an pahier perpetuelmant, en nom que dessus, il et lour successour, \14 a dit Jehan, fil Richardin, et hai ses hoirs ou hai son certain comandemant, lai moitie le jour de lai feste de lai Nativité saint Jehan Baptiste et l-autre moitie \15 de lai dite censse le jour de lai feste de lai Nativité Nostre Signour Jhesu-Crist, 6 et por deix solz de lai dite monoie que li diz aicheterres, en nom que dessus, il et sui successour, \16 doient doner et pahier a dit Jehan, fil Richardin, et hai ses hoirs totes les fois et tantes fois come li mains se changerai tant par devers l-unne partie \17 come l-autre, por raison de reprast ou de reprise. 7 Et doient aussi repanrre li diz abbés ou li priours de Bellelee dou dit Jehan et de ses hoirs, \18 danz lou quarantiesme jour ensugant contenuelmant, le dit fuhé herietauble aprés de ce que li dite mains changeroit, selonc les us et costumes dou \19 luec, la ou li diz fuhez herietables est assis. 8 Et se sunt devestu et se devestent li dit venditour, par les lox et actoritei que dessus, pour lour et \20 pour lour hoirs, ai touz jours-mais, et chascuns de lour pour le tout, de lai dite vendiciom et de totes et singuleres les choses dessus dites par enssi \21 come dessus est dit, et lou dit aichetour, en nom que dessus, en hont envestu et envestent, mis et mattent en bone et lehal tenure et en cor\22poral possessiom, ou aussi par lai tradictiom de ces presentes lettres, por lour et por lour successours. 9 Et ceste dite vendiciom et toutes et singuleres \23 les choses dessus dites hont il promis et promattent, par les lox et actoritei que dessus, par lour soiremanz donez corporalmant, pour lour et pour lor hoirs, en \24 lai main de nostre dit comandemant, sollempnel stipulation entrevenant, et suis l-obligacion de touz lour biens moubles et non moubles, presenz et a-venir, tenir \25 et guerder fermemant ai toz jors-mais, et chascuns de lour pour lou tout, a dit aichetour, en nom que dessus, et ai ses successours, garantir et apaisier perpetuel\26mant et par lai maniere que dessus est escript, en tous lues et encontre ^[1] touz, senz gemais venir encontre ^[2] ces lettres en nul caux. 10 Et est a-savoir que \27 ceste dite vendicions et totes les choses dessus dites sunt estei faites par le lox et voluntei dou dit Jehan, fil Richerdin, present et consentant, li quels Jehans, fiz Richardin, \28 a lai priere et requeste des diz venditours, que li hont rendu juys par tant cum il hont puy et dehu, hai repratay, por lui et por ses hoirs, ai toz jors-mais, \29 en fuhé herietauble a dit aichetour, en nom que dessus, por lui et por ses successours, lai dite vendicion par tant com il en apartenoit et affiert a son dit fuhé, \30 parmei les diz deix solz censsals et parmey lai dite reprise et par enssi cum dessus est dit, et par tel devis que, s-il volient vendre ou aliener a autruy, li diz Jehans, \31 fiz Richardin, en doit estre devantiers, il et sui hoir, et le devrient faire par sai voluntei, en lour et lour hoirs submattant li diz venditours, \32 par les lox et auctoritei que dessus et chascuns de lour pour le tout, a lai juridiction et cohercion de lai dite court de Besençon et de toutes \33 autres cours ecclesiastes et seculeres por estre controinz, ensemble et deviseemant, a l-observaciom de toutes et singuleres les choses dessus dites, \34 non obstant acunnes excepcions de mal, de baret, de lesion, de decepcion, a l-excepcion de decepcion outre lai moitie dou droit pries ou emqui \35 deviron, et totes autres excepcions de fait et de droit, et a droit disant que li generalz renunciacions ne vaut. 11 En tesmoignaige de lai quel chose, \36 nos, officials dessus diz, a lai relacion de nostre dit comandemant, havons mis le seal de lai court de Besençon en ces lettres. 12 Faites et donees, presenz Girairt \37 de Fregiecourt, escuier, monssi Jehan de Souce, chap[e]llain de Corfaivre, et Henriat Ramey, borgois de Porreintruy, vint et huit jours ou moys de may, \38 l-an mil trois-cenz et quarante et quaitre.
13 H. J. de Boncourt.

Notes de transcription
^[1] Ainsi coupé: en contre.
^[2] Ainsi coupé: en contre.