Accueil>Les corpus textuels>Charte docJuBe210

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe210

1344 (n. st.), 4 mars.

Type de document: charte: vente

Objet: Vente par Henriet le Lombart, de Buratte, à Perrin de la Montagne, neveu de Guillaume deBrémoncourt, pour 7 l. 15 s. de nouveaux bâlois ayant cours au marché de Porrentruy decinq journaux de terre de franc-alleu à Bure; et garantie de la vente par Perrenet,frère du vendeur. Témoins: Jehannenet Greneillat et Vienat, serviteur de Richart ditVaydrel, de Porrentruy. — Acte établi au nom et sous le sceau de l’official de Besançonpar Huguenin Jean de Boncourt, notaire.

Commentaire: Parchemin jadis scellé sur simple queue. Porrentruy, Archives de l’Hôpital, H 23. —Analyse par J. Trouillat, Monuments…, III, p. 806 (à la date du 4 mars1343).

Verso: Lettre de P. de la Montaigne. — Bure (xive-xve siècle).

 1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, \2 jurei de lai dite court, nostre comandemant especial a quel, quant es choses que sunt ci aprés escriptes, nos havons commis et \3 commattons par ces presentes lettres nostre pouhoir, pour ce en droit personalmant establis et venanz expecialmant, Henriaz \4 li Lumbairs, de Burates, hai confessei qu-il hai vendu, pour lui et pour ses hoirs, ai toz jors-mais, ai Perrin de lai Montaigne, nevour \5 monssi Woillame de Bremuncourt, pour lui, Perrin, et pour ses hoirs, aichetant, les cinc jornals de terre de franc aluef ci aprés \6 escrips, gesanz ou territoire et finayge de Bures: 4 premieremant, en lai Combate Bone Chose, hun jornal, li hoir Poisiere hont \7 d-unne part et Woillemenaz, ses freres, hai d-autre; 5 item, es Pateiz, hun jornal, entre le dit Woillemenat d-unne part et Perre\8nat, son frere, d-autre; 6 item, es Costaiz, hun jornal, Jehannins, de Burates, d-unne part et Perrenaz, ses freres, d-autre; 7 item, \9 en lai Tauble, hun jornal, li diz Jehannins hai d-unne part et li diz Perrenaz d-autre; 8 item, en lai Fontenate, hun jornal, \10 li moynne de Grangourt hont d-unne part et li diz Perrenaz, ses freres, hai d-autre, 9 pour sept libres et quinze \11 solz de bons nuhes balois corsables ou merchief de Porraintrui, que li diz venditerres hai hahu et recehu dou \12 dit aichetour et les hai mis et convertiz en son evidant proffeit, par qu-il s-an est tenuz por bien pahiez entieremant. 10 \13 Et s-est devestuz li diz venditerres, por lui et por ses hoirs, ai touz jours-mais, de lai dite vendicion de franc aluef, \14 et le dit aichetour en hai envestu et mis en bone en [sic] lehal tenure et en corporal possession, ou aussi par lai \15 tradiction de ces presentes lettres, por lui et por ses hoirs. 11 Et ceste dite vendition et toutes et singuleres les choses dessus \16 escriptes hai il promis, par son soiremant donei corporalmant, por lui et por ses hoirs, en lai main de nostre dit coman \17demant, sollempnel stipulation entrevenant, et suis l-obligation de touz ses biens moubles et non moubles, presenz et \18 a-venir, tenir et garder farmemant ai touz jours-mais a dit aichetour et ai ses hoirs, garantir et \19 appaisier de franc aluef par tant de temps come lehal tenure s-affiert en Ajoye, en tous lues, \20 en jugemanz et deffuers, et encontre [1] touz, senz gemais venir encontre [2] lai tenour de ces presentes \21 lettres par lui ne par autrui, en nul caux. 12 Et por plux grant surtei havoir a dit aichetour et hai \22 ses hoirs de lai dite garantie de franc aluef par le dit terme, por ce en droit personalmant establis, Perrenaz, \23 freres dou dit venditour, a lai priere et requeste et por ycellui, s-an est faiz, por lui et por ses hoirs, plaiges en \24 lai main dou dit aichetour, por lui et por les suens; et li diz venditerres, por lui et por ses hoirs, en doit garder \25 le dit plaige et ses hoirs de toz domaiges que lor en avanrient por raison de ceste plegerie. 13 Et ce hont \26 il promis, par lour soiremanz et suiz l-obligation de touz lor biens presenz et a-venir, de tenir et observer \27 par enssi com dessus est dit, en lor et lour hoirs submatant li dit venditerres et plaiges a lai juridiction et \28 cohercion de lai court de Besençon et de toutes autres cours ecclesiastes et seculeres por estre controinz a \29 l-observation des choses dessus dites par lai quelle des dites cours que li diz aicheterres amerai muelx, il et sui hoir, \30 non obstant acunnes exceptions de mal, de fraude, de abot, a l-exception de deception outre lai moitie dou droit \31 pries ou emqui deviron, et totes autres exceptions de fait et de droit, et a droit que dit lai general renunci\32aciom non mie valoir. 14 En tesmoignaige de lai quel chose, nos, a lai relation de nostre comandemant, havons mis le sel de lai \33 court de Besençon en ces lettres. 15 Faictes et donees, presenz Jehannenat Grenoillat et Vienat, garçon monssi Richairt Vendrei, de Porraintruy, \34 quaitre jours en mairs, l-an mil trois-cenz et quarante et trois.
16 H. J. de Boncort.
Notes de transcription
[1] Ainsi coupé: en contre.
[2] Ainsi coupé: en contre.