Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe208

1344 (n. st.), 8 février.

Type de document: charte: vente

Objet: Vente par Estevenin et par Jeannin [du Chesal], frères, fils de feu [Cuenin dit] Trahy,de Chevenez, à Thibaut, fils de feu Jehannenet de Rocourt, écuyer, pour 6 l. de nouveauxbâlois ayant cours au marché de Porrentruy d’une rente de 6 s. de monnaie ayant cours aumarché de Porrentruy et de deux poules, payable le jour de la Saint-Martin et assignéesur des pièces de terre de franc-alleu à Chevenez; en cas de retard de plus d’une annéedans le paiement de la rente, l’acheteur disposera de ces biens; et garantie de la ventepar Uvrart [du Chesal] et par Humbert, frères des vendeurs. Témoins: Jeannin [du Chesal]et Estevenin, fils de Cuenin dit Trahy, Jean, curé de Courcelles, et Vienat, serviteurde Richart dit Vaydrel, de Porrentruy. — Acte établi au nom et sous le sceau del’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 805 (à la date du 8 février 1343).

Verso: Cheveney. — Li lettre Johannin et Estevenins, ses freres, de Cheveney. — Th. de Rocourt. — Cheveney (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurey de lai dite court, nostre comandemant expe\2cial a quel, quant es choses que s-ansuegant ^[1] et quant a plus granz, nos havons commis par ces lettres nostre pouhoir, pour ce en droit personalmant \3 estaubli et venant expecialmant, Estevenins et Jehannins, fiz Trehi, de Cheveney, qui fu, hont recoignu publiemant qu-il hont vendu et vendent, pour \4 lour et pour lor hoirs, ai touz jours-mais, et chascuns de lour pour le tout, a Thiebaut, le fil Jehannenat de Rocourt, escuier, qui fu, pour \5 lui et por ses hoirs, present et aichetant, seix solz de bone monoie corsable et recipiauble ou merchief de Pourreintrui et douhes gelines \6 censsals de annuel et perpetuel rente, a-pahier et rendre chascun an franchemant, ai touz jours-mais, des diz venditours et de lour hoirs a dit \7 aichetour et hai ses hoirs ou hai son certain comandemant, le jour de lai feste de saint Mertin d-yvert, 4 por seix libres de bons nuhez balois \8 corsables ou merchief de Porreintruy, que li diz venditour en hont hahu de lui et les hont mis en lor proffiz et s-an tienent pour bien pahiez; 5 lai quelle censse li \9 dit venditour hont assis, por lour et por lor hoirs, ai toz jors-mais, a dit aichetour, por lui et por ses hoirs, suis les plaices de terre et choses de franc aluef \10 que s-ansuegant ^[2], gesanz ou territoire et en lai vile de Cheveney: 6 premieremant, a Lebeycourt, suis lai moitie de lai plaice que siet entre Jehannenat, fil Lardon, \11 d-unne part et les signours de Lucelans d-autre; 7 item, une faul de prey dessus lai vie de Chaivres, Jehannenaz Taterelz d-unne part et Forquelins li cordiers, de Cheveney, \12 d-autre; 8 item, le curtil doz chies Perrin, lour frere, messi Hugues, lour freres, hai d-unne part et li moynne de Lucelans hont d-autre; 9 item, le curtil que siet derriers lour chesail, \13 li diz messi Hugues d-unne part et li signour de Lucelans hont d-autre; 10 item, lai nuefiesme partie dou chesail et dou maix entieremant qu-est demorez dou dit Trehi, que siet \14 fuer de Cheveney, la ou lor demorance est, c-est a-savoir: 11 lai partie dou dit Jehannin; 12 item, lai nuefiesme partie dou chesal que siet doz le Mostier, entre les hoirs Huguenat ^[3], \15 de Bremuncourt, d-unne part et Cuenins, fil Andrey, d-autre, c-est a-savoir: 13 quant a lai partie dou dit Estevenin lai nuefiesme, et quant a lai partie dou dit Jehannin lai dozi\16esme partie dou dit chesal. 14 Et se sunt devestu li dit venditour, pour lour et pour lor hoirs, ai touz jours-mais, de lai dite vendicion et dou dit assignal \17 de franc aluef quant a-ycelle, et le dit aichetour en hont envestu et mis en bone et lehal tenure et en corporal possessiom, ou aussi par lai tradictiom \18 de ces presentes lettres, pour lui et pour ses hoirs. 15 Et est a-savoir que, se li dit venditour desfaillent tant de pahier lai dite censse que li une rente trovest l-autre \19 et venest a-pahier ensemble avecques l-autre, li diz aicheterres porroit faire tote sai bone voluntei dou dit assignal come de sai propre chose et prater et \20 lessier et faire tote sai bone voluntei come de sai propre chose que li saroit aquise et exchoite. 16 Et toutes les choses dessus dites et une chascunne d-icelles hont \21 promis li dit venditour, par lour lehalz soiremanz donez corporalmant, pour lor et pour lor hoirs, en lai main de nostre dit comandemant, sollempnel stipulacion entrevenant, \22 et suis l-obligacion de touz lour biens moubles et non moubles, presenz et a-venir, tenir et garder et pahier farmemant ai touz jours-mais, et uns-cha\23scuns de lour pour le tout, a dit aichetour et hai ses hoirs, garantir et appaisier le dit assignal de franc aluef par tant de temps come lehal tenure \24 s-affiert en Ajoye, en tous lues, en jugemanz et deffuers, et encontre touz, senz gemais venir encontre ces lettres. 17 Et pour plus grant surtei havoir \25 a dit aichetour et hai ses hoirs de lai dite garantie, por ce en droit personalmant establi, Uvrairs et Humbers, frere des diz venditour, et a lor requeste et pour lour, \26 se sunt fait, pour lor et pour lor hoirs et chascuns pour le tout, en lai main dou dit aichetour, pour lui et pour ses hoirs, plaiges, debtours et principals rendours, et li dit venditours \27 les en doie[n]t garder de toz domaiges; 18 et ce hont il promis, par lor soiremanz et suis l-obligation de lor biens, de tenir, en lor et lor hoirs submattant, et chascuns pour le tout, \28 a lai juridiction de lai court de Besençon et de totes autres cours pour estre controinz a l-observacion des dites choses, non obstant acunnes excepcions de fait ou de droit. 19 En \29 tesmoignaige de lai quel chose, nos, a lai relacion de nostre dit jurey, havons mis le sel de lai court de Besençon en ces lettres. 20 Faites et donees, presenz Jehannin et Estevenin, anfanz dit \30 Trehi, monssi Jehan, curey de Corcelles, et Vienat de chies monssi Richairt Vendrey, de Porraintruy, huit jours en fevrier, l-an mil trois-cenz et quarante et trois.
21 \31 H. J. de Boncourt.

Notes de transcription
^[1] Ainsi coupé: san suegant.
^[2] Ainsi coupé: san suegant.
^[3] Ou Huguenet.