Accueil>Les corpus textuels>Charte docJuBe204

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe204

1343, 18 décembre.

Type de document: charte: vente

Objet: Vente par Bourquin, fils de Perrin le Fridel, de Grandfontaine, en son nom et en celuide Simonete, fille de Willemenet le Puetier, de Grandfontaine, à Thibaut de Rocourt,écuyer, fils de feu Jehannenet de Rocourt, pour 77 s. de nouveaux bâlois ayant cours aumarché de Porrentruy, de trois journaux de terre de franc-alleu à Grandfontaine; etgarantie de la vente par Perrin le Fridel. Témoins: Richart l’hôte, de Grandfontaine, etVienat, serviteur de Richart dit Vaydrel, de Porrentruy. — Acte établi au nom et sous lesceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/110. — Analyse par J.Trouillat, Monuments…, III, p. 819.

Verso: Th. de Rocourt. — De Burquin fis Perin lon Fridel, de Grantfonteyne. — Granfonteyne (xive siècle).

 1 Nos, officialx de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de lai dite court, nostre comandemant \2 expecial a quel, quant es choses que s-ansuegant [1], nos havons commis par ces presentes lettres nostre pouhoir, pour ce en droit personalmant estaublis, Bourquins, li \3 filz Perrin lou Fridel, de Grantfontaine, hai confessei et recoignu qu-il hai vendu et vent, por lui et por ses hoirs, ai touz jours-mais, en nom de lui et de Symo\4nate, fille Woillemenat le Puetier, de Grantfontaine, por lei et por ses hoirs, a Thiebaut de Rocourt, escuier, fil Jehannenat de Rocourt, \5 qui fu, por lui et por ses hoirs, present et aichetant, les trois jornals de terre de franc aluef et choses que s-ansuegant [2], gesanz en lai vile et territoire de \6 Grantfontaine: 4 premieremant, en Cumbe Ribot, une plaice, Jehannels, li filz Woillequin, hai d-unne part et li feme a Paitel hai d-autre; 5 item, derriers lou Mostier, hun \7 jornal, li patronaiges hai d-unne part et Jehannenaz, li fiz Hugoniat, et Cuenaz, li fiz Woillequin, chantroient suis; 6 item, en lai vie de Phey, une plaice, entre \8 les donzels de Grantfontaine d-unne part et li diz Cuenaz hai d-autre; 7 item, une plaice derriers le Mostier, li patronaiges hai d-unne part et li Boxaz, de Grantfontaine, \9 hai d-autre part, 8 pour seixante et deix sept solz de bons nuhes baloys corsables ou merchief de Porreintruy, que li diz venditerres hai hahu et recehu, por lui et por \10 et en nom de lai dite Symonate, por raison de quanque alle hai, puet et doit havoir a dit luec dou dessus dit aichetour, et les hai mis et convertiz en son evidant \11 proffit, par qu-il s-an est tenuz pour contenz et por bien pahiez entieremant. 9 Et s-est devestuz li diz venditerres, en nom que dessus, pour lui et por \12 ses hoirs, ai touz jours-mais, de lai dite vendiciom de franc aluef, et lou dit aichetour en hai envestu et envest, mis et mat en bone et \13 lehal tenure et en corporal possessiom, ou aussi par lai tradictiom de ces presentes lettres, por lui et por ses hoirs. 10 Et ceste dite vendicion et toutes les \14 choses dessus dites hai promis et promat li diz venditerres, en nom de lui et que dessus, par son soiremant doney corporalmant, por lui et por ses hoirs, en lai main \15 de nostre dit comandemant, et suis l-obligacion de touz ses biens moubles et non moubles, presenz et a-venir, tenir et guerder farmemant ai touz \16 jours-mais a dit aichetour et hai ses hoirs, gaurantir et appaisier de franc aluef par tant de temps come lehal tenure s-affiert en \17 Ajoye, en tous lues, en jugemanz et deffuers, et encontre [3] touz, senz gemais venir encontre [4] ces presentes lettres en nul caux, et senz consentir \18 que nuls autres y voingne, en appert ou en rescondut, en lui et ses hoirs submattant, en nom de lui et que dessus, a lai juridictiom et coher\19ciom de lai dite court de Besençon et de toutes autres cours ecclesiastes et seculeres por estre controinz a l-observaciom des choses dessus escriptes \20 par lai quelle des dites cours que li diz aicheterres ameray muelx, il et sui hoir, a l-observaciom de toutes et singuleres les choses dessus dites, non obstant \21 acunnes excepcions de fait ou de droit. 11 Lai quel vendue, por ce en droit personalmant estaublis, Perrins li Fridez, de Grantfontaine, peres dou dit venditour, \22 a lai requeste dou dit venditour, son fil, et por lui, come plaige et debte et principals renderres por lui qu-il s-an est faiz et estaublis, por lui et por ses hoirs, en lai main \23 dou dit aichetour, por lui et por ses hoirs, l-ai promis a garantir de franc aluef par le dit terme, 12 et li diz venditerres l-an hai promis, par son soiremant, \24 de geter fuer de touz domaiges. 13 Et ce hont il promis, par lor soiremanz et suis l-obligatiom de lor biens, de tenir. 14 En tesmoignaige de lai quel chose, nos, \25 officialx dessus diz, a lai relatiom de nostre dit comandemant, havons mis le sel de lai court de Besençon en ces lettres. 15 Faites et donees, presenz Richairt l-oste, de \26 Grantfontaine, et Vienat de chies monssi Richairt Vendrey, de Porreintrui, deix-huit jours en decembre, l-an mil trois-cenz et quarante et trois.
16 \27 H. J. de Boncourt.
Notes de transcription
[1] Ainsi coupé: san suegant.
[2] Ainsi coupé: san suegant.
[3] Ainsi coupé: en contre.
[4] Ainsi coupé: en contre.