Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe197

1343, 29 septembre.

Type de document: charte: vente

Objet: Vente par Uvrart du Chesal, de Chevenez, à Thibaut de Rocourt, écuyer, fils de feuJehannenet de Rocourt: 1°) pour 14 l. de nouveaux bâlois ayant cours au marché dePorrentruy de pièces de terre de franc-alleu à Chevenez; et garantie de la vente parPerrin du Chesal dit Belorcier, frère du vendeur, par Jehannenet dit Cofechin, parUvrart, son frère, de Chevenez, et par [Richart] dit Cherdin, de Courtedoux; 2°) pour 6l. de la même monnaie d’autres pièces de terre de franc-alleu à Chevenez; et garantie dela vente par Perrin du Chesal, frère du vendeur; concession en tenure héréditaire de latotalité de ces biens par l’acheteur au vendeur moyennant un cens annuel d’un demi-muid,moitié blé moitié avoine, à la mesure de Porrentruy payable à Chevenez, le blé à laSaint-Michel et l’avoine à la Saint-Martin, et moyennant encore un cens annuel de 6 s.de la même monnaie et de deux poules, payable à raison de 3 s. et des deux poules à Noëlet de 3 s. à la Saint-Jean-Baptiste; en cas de retard de plus d’une année dans lepaiement de la rente, l’acheteur pourra disposer de ces biens; et consentement parCatherine, femme du vendeur, autorisée par Jeannin du Chesal, de Chevenez, son avoué.Témoins: Richart dit Vaydrel, de Porrentruy, chevalier, Jean [de Porrentruy], son fils,Vernet, bourgeois de Porrentruy, et [Jehannenet] le Juglerat, de Chevenez. — Acte établiau nom et sous le sceau de l’official de Besançon par Huguenin Jean de Boncourt,notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 814-815.

Verso: Li lettre Huwray dou Chessaul, de Cheveney. — Cheveney (xiv^e siècle). — Spectat ad Th. fil Jehannenat de Rocourt (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie de lai dite court, nostre comandemant expecial a quel, quant es choses que \2 sunt ci aprés escriptes et quant a plus granz, nos havons commis et commattons par ces presentes lettres nostre pouhoir, pour ce en droit personalmant estaublis et venanz expecialmant, Uvrairs diz \3 dou Chesal, de Cheveney, hai confessei et recoignu publiemant qu-il hai vendu et vent, pour lui et pour ses hoirs, ai touz jours-mais, ai Thiebaut de Rocourt, escuier, fil Jehan\4nenat de Rocourt, qui fu, pour lui et pour ses hoirs, present et aichetant, les plaices de terre et choses de franc aluef que s-ansuegant ^[1], gesanz en lai vile et territoire de Cheveney: 4 premie\5remant a Bothenier, une plaice de terre, li hoir Jehan dit Morel de Cheveney, qui fu, hont d-unne part et li communnals hai d-autre; 5 item, a Lebeicourt, le tiers de lai plaice de \6 terre, li hoir Nicholin, fil Clemanse, hont d-unne part et li fiz Woillemin dit Lardom hai d-autre; 6 item, en lai Courteroye devant lou Fougeroy, une plaice, li cordiers hai d-une \7 part et Richairs, li fiz a Groignuz, hai d-autre; 7 item, en lai Cumbe delez le Fougeroy, lai moitie d-unne plaice de terre, Perrins li Broxe, de Boroignon, hai d-unne part et li diz cordiers \8 hai d-autre; 8 item, en Angle Barnier, une plaice, Perrins, freres dou dit venditour, hai d-unne part et li signour de Lucelans hont d-autre; 9 item, ou dit luec, une plaice, messi Hugues, ses freres, \9 hai d-unne part et d-autre; 10 item, dessus Nueve Vie, une plaice, li terre a Saint d-unne part et li diz Perrins, ses freres, hai d-autre; 11 item, en lai Perriere, une plaice, Richairs, li fiz a Groignuz, hai \10 d-unne part et Rebeiller hai d-autre; 12 item, en Mont Merlo, une plaice, li anfant Chavannate d-unne part et li diz messi Hugues hai d-autre; 13 item, une faul de prey en Monmin, entre \11 les hoirs dou dit Jehan Morel d-unne part et li communnalz de Chevenei hai d-autre part; 14 et doient contenir et faire les dites plaices de terre nuef jornals de terre \12 senz lai dite faul de prey, et se moyns y-havoit, li diz venditerres le doit parfaire autre part, et se plus y-havoit de nuef jornals, il doit estre a dit aichetour et hai ses \13 hoirs, 15 pour quertorze libres de bons nuhes balois corsables ou merchief de Pourreintruy, qu-il hai haü dou dit aichetour. 16 Et pour plus grant surtei faire a dit \14 aichetour et hai ses hoirs de garantir les dites choses vendues par tant com leal tenure s-affiert en Ajoye et de franc aluef, pour ce en droit personalmant estaubli, \15 Perrins, freres dou dit venditour, diz Belorciers, Jehannenaz diz Coffechin et Uvrairs, freres dou dit Coffechin, de Cheveney, et diz Cherdins, de Courtedub, a lai priere et \16 requeste dou dit venditour et por lui, s-an sunt fait et estaubli, por lour et por lor hoirs, en lai main dou dit aichetour, por lui et por ses hoirs, plaiges, debtours et \17 principalx rendours, et chascuns de lour por le tout, et li diz venditerres les en hai promis de garder de toz domaiges, lour et lor hoirs. 17 Item, hai encor vendu \18 perpetuelmant li diz Uvrairs dou Chesal a dit Thiebaut de Rocourt, enssi cum dessus, les choses de franc aluef que s-ansuegant ^[2], gesanz ou dit territoire de \19 Cheveney: 18 premieremant, une plaice en prey et champ, entre Girardin, fil Marlore, d-unne part et Richairs, fiz Vernier le Groignuz, hai d-autre; 19 item, le tiers de lai plaice de prei que \20 siet ou dit luec, messi Richairs de Morimont d-unne part et li hoir Huguenat, de Bremoncourt, d-autre; 20 item, hun jornal et le tiers d-un jornal de franc aluef doz \21 Nueve Vye, Louiz, fiz Chavannate, hai d-unne part et li condemenne es signours de Lucelans chantroie suis. 21 Item, est faite ceste dite vendition por seix libres de lai \22 dite monoie, qu-il hai hahu dou dit aichetour et hai mis et convertiz les dites douhes somes d-argent en son proffit, par qu-il s-an est tenuz por bien pahiez. 22 \23 Et por plus grant surtei havoir a dit aichetour et hai ses hoirs de garantir, par tant com lehal tenure s-affiert en Ajoye, ceste dite derriere vendi\24cion de franc aluef, por ce en droit personalmant establis, Perrins dou Chesal, de Cheveney, freres dou dit venditour, a lai priere et requeste de son dit frere et por lui, \25 s-en est faiz et establis, por lui et por ses hoirs, en lai main dou dit aichetour, por lui et por les suens, plaiges et debte, et li diz venditerres l-an hai promis lui et \26 ses hoirs de garder de toz domaiges. 23 Et s-est devestuz li diz venditerres, por lui et por ses hoirs, ai toz jors-mais, des dites plaices et de totes et singuleres les \27 choses dessus dites de franc aluef, et le dit aichetour en hai envestu et envest, mis et mat en bone et lehal tenure et en corporal possession, ou aussi par \28 lai tradiction de ces presentes lettres, pour lui et pour ses hoirs. 24 Et est a-savoir que li diz aicheterres hai pratei et lessie, pour lui et pour ses hoirs, ai touz jours\29mais, a dit venditour, pour lui et pour ses hoirs, toutes et singuleres les dites plaices et choses contenues danz les dites douhes vendicions pour demey muy, moi\30tie blef pur de annuel et perpetuel rente et moitie avoinne, a lai mesure de Porraintruy, a pahier chascun an, a toz jors-mais, a Cheveney franchemant, le blef \31 pur a lai feste de saint Michiel et l-avoynne le jour de lai feste de saint Mertin d-yvert; 25 item et pour seix solz censsals et pour douhes gelinnes a-pahier \32 chascun an perpetuelmant de annuel rente, lai moitie des diz seix solz, monoie bone corsable ou merchief de Porreintruy, et les dites douhes gelinnes le \33 jour de lai feste de lai Nativitei Nostre Signour Jhesu-Crist, et l-autre moitie des diz seix solz le jour de lai feste de lai Nativitei saint Jehan Baptste, par tel devis \34 que, se li diz venditerres deffailloit tant de pahier, il ou sui hoir, lai dite rente et censse, en tout ou en partie, que li une rente ou censse trovest \35 l-autre et venest a-pahier ensemble (a pahier) avec l-autre, li diz Thiebauz de Rocourt feroit et porroit faire sai voluntei, il et \36 sui hoir, de ses dites choses entieremant, et vendicions come de sai propre chose et prater autrui et faire tout son plasir. 26 Et totes les choses \37 dessus dites hont promis li diz venditerres et li dit plaiges, debtours et principalx rendours, par lor soiremanz donez, por lor et por lor hoirs, en lai main de nostre \38 dit comandemant et suis l-obligacion de touz ses biens moubles et non moubles, presenz et a-venir, tenir et garder farmemant et garantir de franc aluef, et chascuns \39 de lor pour le tout, par enssi com dessus est dit, a dit aichetour et hai ses hoirs, en tous lues et encontre ^[3] touz, senz gemais venir encontre ^[4] ces lettres en \40 nul caux. 27 Les quels vendicions et totes les choses dessus dites, por ce en droit personalmant establie, Katherine, feme dou dit venditour, par les lox et actoritei de lui \41 et de Jehannin dou Chesal, de Cheveney, son lehal vouhai donei a lei par une uverte justise por ce et por autres choses sesant en justise uverte et par leal jugemant, present et \42 actorizant, hai louhei et ratefié, en quitant, pour lei et pour ses hoirs, ai touz jors-mais, a dit aichetour, pour lui et pour ses hoirs, tout le droit et tote lai raison, actiom, \43 reclamacion, proprietey et possession qu-elle y-hai, puet et doit havoir comant que ce soit; 28 et ce hai-alle promis, par les lox que dessus, par son soiremant et suis l-obligation de toz ses biens, \44 de tenir a dit aichetour et hai ses hoirs, senz gemais venir encontre, en lour et lor hoirs submattant, et chascuns de lour por le tout, par lai maniere que dessus est \45 descleries, a lai juridictiom et coherciom de lai dite court de Besençon et de toutes autres cours ecclesiastes et seculeres por estre controinz, ensemble et devise\46emant, par lai quelle des dites cours que li diz aicheterres amerai muelx, il et sui hoir, a l-observation de totes les choses dessus dites, non obstant acunnes exceptions de mal, de baret, \47 de lesion, de deception, a l-exception de deception outre lai moitie dou droit pries et que autre chose soit escripte que acordee, et totes autres exceptions de fait et de droit, et \48 a droit que dit que li generalz renunciations ne vaut. 29 En tesmoignaige de lai quel chose, nos, a lai relation de nostre dit comandemant, havons mis le seal de lai court de Besençon en \49 ces lettres. 30 Faites et donees, presenz monssi Richairt Vendrey, de Porreintrui, chevalier, Jehan, son fil, Varnat, bourgois de Porreintrui, et le Juglerat, de Cheveney, et plusours autres, \50 lou penultime jours dou moys de septembre, l-an mil trois cenz et quarante et trois.
31 H. J. de Boncourt.

Notes de transcription
^[1] Ainsi coupé: san suegant.
^[2] Ainsi coupé: san suegant.
^[3] Ainsi coupé: en contre.
^[4] Ainsi coupé: en contre.