Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe195

1343, 2 août.

Type de document: charte: vente

Objet: Vente par Bourcart dit Senn de Münsingen, bailli de Porrentruy, agissant en son nom eten celui de Jean [dit Senn de Münsingen], évêque de Bâle, son frère, à Guillaume deBrémoncourt, chevalier, agissant au nom de Perrin de la Montagne, son neveu, pour 11 l.de vieux bâlois ayant cours au marché de Porrentruy d’un jardin faisant partie descolonges de Porrentruy et chargé comme tel de 2 d. de desserte, qui leur était échud’Horriet, fils de Jehannenet dit Fouchairt, bourgeois de Porrentruy, par jugement; etratification de la vente par Jehannenet dit Fouchairt. — Acte établi au nom de Bourcartdit Senn de Münsingen, bailli de Porrentruy, et passé sous son sceau et sous celui duconseil de Porrentruy.

Commentaire: Parchemin jadis scellé de deux sceaux sur double queue. Porrentruy. Archives de laBourgeoisie, III E, 6. — Analyse par J. Trouillat, Monuments…, III,p. 811-812.

1 Je, Bourquairs diz Senne de Musingues, bailliz en cest temps de Pourraintrui, 2 fais savoir a touz 3 que \2 je hai vendu et vent perpetuelmant, en nom de mon bien amey signour et frere, monssy Jehan, par lai graice de Deu \3 avesque de Baille, et en nom de moi, a monssi Woillame de Bremoncourt, chevalier, present et aichetant, en nom et por \4 Perrin de lai Montaigne, nevour dou dit monssy Woillame, por le dit Perrin et por ses hoirs, hun curtil qu-est des \5 colunges de Porraintrui, que siet ou territoire de Porraintruy, delez lai Ponge Vie par que om vai dois Porraintruy a Courtedub, \6 entre monssy Richairt dit Vendrei, de Porraintruy, chevalier, d-unne part et Woillemin de Bruvelier, bourgois de Porreintruy, \7 d-autre part, 4 pour unze libres de bons viez baloys corsables ou merchief de Porraintruy, que je hai hahu et recehu dou dit \8 monssy Woillame, en nom que dessus, et les hai mis et convertiz en mon evidant proffeit, par que je m-an suis tenuz et tien, en nom \9 de mon dit signour et de moi, pour bien pahiez; 5 li quels curtils m-ai estei exchoiz et ai mon dit signour de Horriat, fil Fou\10chairt, borgois de Porreintruy, par lehal jugemant, pour raison de mal apert et de mesprise qu-il, Horriaz, hai hahu \11 fait et perpetrey. 6 Et me suis devestuz et me devest, en nom que dessus, perpetuelmant dou dit curtil, et le dit \12 monssy Woillame de Bremoncourt, en nom dou dit Perrin de lai Montaigne, son nevour, en hai envestu et mis en bone et \13 lehal tenure et en corporal possession, ou aussi par lai tradiction de ces presentes lettres, por lui et por ses hoirs. 7 Et \14 ceste vendicion et toutes les choses dessus dites hai je promis et promat, par mon soiremant donei, por moi et por mes \15 hoirs et en nom que dessus, et suis l-obligacion de touz mes biens et des biens de mon dit signour de l-aveschie de Baille, \16 por lui et por ses successours, moubles et non moubles, presenz et a-venir, tenir et garder farmemant ai touz jours\17mais, a dit monssy Woillame, en nom dou dit Perrin, son nevour, a lui et hai ses hoirs, garantir et appaisier \18 franchemant par tant com lehal tenure s-affiert en Ajoye, parmei dous deniers censsals de desserte que li diz Perrins doit \19 chascun an pahier, il et sui hoir, ai touz jors-mais, por raison de ce que li diz curtils est des colunges \20 de Porreintruy, en tous lues et encontre touz, senz gemais venir encontre lai tenour de ces presentes \21 lettres en nul caus, non obstant acunnes excepcions de fait ou de droit. 8 Lai quel vendue et toutes les choses \22 dessus escriptes je, Jehannenaz diz Fouchairs, borgois de Porreintruy, peres dou dit Horriat, hai louhei et rate\23fié, en quitant, por moi et por mes hoirs, ai touz jours-mais, a dit monssy Woillame, en nom que dessus, a dit Perrin et \24 hai ses hoirs, tout le droit et tote lai raison, action, reclamacion, proprietei et possession que je y-hai, puis et \25 doi havoir par quelque maniere que ce soit. 9 Et ce hai je promis, par mon soiremant donei, por moi et por mes hoirs, \26 et suis l-obligacion de touz mes biens, de tenir, senz venir encontre ces lettres par moi ne par autruy. 10 En tesmoignaige \27 de lai quel chose, je, li diz Jehannenaz Fouchairs, hai prié et requis a mon dit signour, monssy Bourquairt, balli de \28 Porreintruy, dessus dit, et a consolt des bourgois de Porreintruy qu-il matent lor seals en ces lettres; et nos, li diz Borquairs, \29 chevaliers et bailliz, et li consols des borgois de Porreintruy, a lai priere que dessus et par tant com il en apartient a moi, Borquairt, chevalier \30 et bailli, et en nom que dessus, qui l-ai aussi requis a dit consolt, havons mis noz seals en ces presentes lettres. 11 Faictes et donees \31 le secont jour dou moys d-ost, l-an mil trois cenz et quarante et trois.