Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe191

1343, 14 mai.

Type de document: charte: vente

Objet: Vente par Vauterin le barbier, bourgeois de Porrentruy, et par Jeannete, sa femme,autorisée par son mari et par Vernier le fèvre, bourgeois de Porrentruy, son avoué, àHuguenin dit le Boillat, bourgeois de Porrentruy, pour 100 s. de nouveaux bâlois ayantcours au marché de Porrentruy d’une pièce de terre de franc-alleu à Courtedoux; etconfirmation de la vente par Perrin et Girart, leurs fils, en leur nom et en celui deJean, leur frère. Témoins: Richart, fils de Jacquet le fèvre, et Vernier le fèvre,bourgeois de Porrentruy. — Acte établi au nom et sous le sceau de l’official de Besançonpar Huguenin Jean de Boncourt, notaire.

Commentaire: Parchemin jadis scellé sur simple queue. Porrentruy, Archives de la Bourgeoisie, IIIE, 19/1. — Analyse par J. Trouillat, Monuments…, III, p. 809.

Verso: Ay Cortedoubz. — Spectat a Huguenin le Boillat (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie de lai dite court, \2 nostre comandemant especial a quel, quant es choses que sunt ci aprés escriptes et quant a plus granz, nos havons commis et commatons \3 par ces presentes lettres nostre pouhoir, pour ce en droit personalmant establis, Vatherins li berbiers et Jehannate, sai feme, \4 borgois de Porraintruy, par les los et actoritei dou dit Vatherin, son mari, et de Vernier le faivre, borgois de Porreintrui, son lehal \5 vouhai donei a lei par une uverte justise por cest caus et por plusours autres sesant en justise uverte et par lehal jugemant, \6 present et actorizant, hont confessei et recoignu publiemant qu-il hont vendu et vendent, por lour et por lor hoirs, ai \7 touz jours-mais, et chascuns de lour por le tout, ai Huguenin dit le Boillat, bourgois de Porreintruy, por lui \8 et por ses hoirs, present et aichetant, une pece de terre de franc aluef que siet ou territoire de Cortedub, doz Cortedub, \9 et chantroie suis les preiz, suis lai Vie dou Merchief par que om vay a Porreintrui, entre monssi Richairt de Morimont, \10 chevalier, d-unne part et d-autre, 4 pour cent solz de bons nuhez balois corsables ou merchief de Pourreintruy, \11 que li dit venditour hont hahu et recehu dou dit aichetour et les hont mis et convertiz en lour evidenz profeiz, \12 par qu-il s-an sunt tenu et s-an tienent por bien pahiez entieremant. 5 Et se sunt devestu et se devestent li dit venditour, \13 pour lour et pour lour hoirs, ai touz jours-mais, par les los et actoritei que dessus, de lai dite vendicion de franc aluef, \14 et le dit aichetour en hont envestu et mis en bone et lehal tenure et en corporal possession, ou aussi par lai \15 tradiction de ces presentes lettres, por lui et por ses hoirs. 6 Et ceste vendue et toutes les choses dessus dites hont promis et \16 promattent li dit venditour, par les los et actoritei que dessus, par lour soiremanz donez, por lour et por lour \17 hoirs, en lai main de nostre dit comandemant, sollempnel stipulacion entrevenant, et suis l-obligacion de \18 touz lour biens moubles et non moubles, presenz et a-venir, tenir et garder farmemant ai touz jours-mais, \19 et chascuns por le tout, a dit aichetour et hai ses hoirs, garantir et appaisier de franc aluef par \20 tant de temps come lehal tenure s-affiert en Ajoye, en tous lues et encontre ^[1] touz, senz gemais \21 venir encontre ^[2] lai tenour de ces presentes lettres, et senz consentir que nuls autres y-voingne, en apert ou en \22 rescondut. 7 Lai quel vendic[i]on, por ce en droit personalmant establi et venant expecialmant, Perrins et Girars, \23 frere, anfant des diz venditours, hont louhei et rateffié en nom de lour et de Jehan, lour frere, por lour et por lour \24 hoirs, en quitant, por lor et por lor hoirs, ai touz jours-mais a dit aichetour, por lui et por ses hoirs, tout le \25 droit et tote lai raison, action, proprietey et possession qu-il y hant, puent et doient havoir, en nom de lour et que dessus; et ce hont \26 il promis, par lor soiremanz et suis l-obligacion de touz lor biens, de tenir a dit aichetour et hai ses hoirs, en lor et lour \27 hoirs submattant, ensemble et deviseemant, par enssi com dessus est devis, a lai juridiction de lai court de Besençon et de toutes \28 autres cours ecclesiastes et seculeres por estre controint a l-observation des choses dessus dites, non obstant acunnes excepcions \29 de mal, de baret, a lai copie de ces lettres, et que autre chose soit escripte que acordee, a l-excepcion de decepcion outre lai moitie \30 dou droit pries et ai totes autres excepcions et a droit que dit lai general renunciacion non mie valoir. 8 En tesmoig\31naige de lai quel chose, nos, a lai relacion de nostre dit comandemant, havons mis le sel de lai court de Besençon en ces lettres. 9 \32 Faictes et donees, presenz Richairt, fil Jaiquet le faivre, et le dit Vernier, borgois de Porreintruy, quertorze jours en may, l-an mil \33 trois-cenz quarante et trois.
10 H. J. de Boncourt.

Notes de transcription
^[1] Ainsi coupé: en contre.
^[2] Ainsi coupé: en contre.