Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe189

1343 (n. st.), 16 janvier.

Type de document: charte: vente

Objet: Vente par Perrin dit Bangal, fils de feu Crestin, de Vaufrey, par Viate, sa femme, fillede Jeannin, fils du Prévôt, de Fahy, par Henri, fils de Girardin le berger, de Chevenez,et par Catherine, sa femme, les deux femmes autorisées par leurs maris et par Horri leVissaire, bourgeois de Porrentruy, leur avoué, à Thibaut, fils de feu Jehannenet deRocourt, écuyer, pour 9 l. 6 s. de vieux bâlois ayant cours au marché de Porrentruy depièces de terre de franc-alleu à Fahy. Témoins: « l’archeret », de Porrentruy, Renaut,de Montjoie, Texerant et Gueron, de Fahy. — Acte établi au nom et sous le sceau del’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/105. — Analyse par J.Trouillat, Monuments…, III, p. 795-796 (à la date du 16 janvier 1342).

Verso: De P. Bangal, sai feme, et de Henri, fil Girardin le bargier, de Phei; spectat ad Th. fil Jehannenat de Rocourt (xiv^e siècle).

1 Nos, officials de-lai court de Besençon, 2 faiçons savoir ai touz 3 que, par devant Huguenin Jehan de Boncourt, clerc, notaire, jurie de lai dite court, \2 nostre comandemant especial a quel, quant es choses que s-ansuegant ^[1] et quant a plus granz, nos havons commis et commatons par ces presentes lettres nostre \3 pouhoir, por ce en droit personalmant establi et venant expecialmant, Perrins diz Bangals, filz Crestin, de Vaffrey, qui fu, Viate, say \4 feme, fille Jehannin le fil a Prevost, de Phey, Henris, filz Girardin le bargier, de Cheveney, et Katherine, say feme, par les los et \5 actoritei, c-est a-savoir les dites femes de lour diz maris et de Horri le Vixaire, borgois de Porreintrui, lour lehal vouhai \6 donei a lour par une uverte justise por ce et por plusours autres choses sesant en justise uverte et par lehal jugemant, presenz, lohanz \7 et actorizant, hont confessei et recoignu publiemant qu-il hont vendu et vendent, por lour et por lour hoirs, ai tous jors\8mais, et chascuns de lour por le tout, ai Thiebaut, le fil Jehannenat de Rocourt, escuier, qui fu, por lui et por ses \9 hoirs, present et aichetant, les quaitre jornals de terre et les choses ci aprés escriptes, de franc aluef, gesanz en lay \10 vile ou finayge et territoire de Phei: 4 premieremant, trois plaices de terre, li une siet derriers le Grant Vargier, entre \11 Hugon d-unne part et Estevenat, de Vaffrey, d-autre; li autre giet ou sentier doz les Prez, entre Jehan de Chastel Vouhai \12 d-unne part et les hoirs dit Gormin d-autre part; et li autre siet derriers le Bois es Quemenailles, entre Hugon d-unne part \13 et Estevenat, fil a Prevost, et Hugue d-autre; 5 item, en Cumbe Saint Ursanne, une plaice, entre Hugon et Jehannenol, le fil Gurnin; 6 \14 item, derriers Grant Bois, une plaice, entre le dit Estevenat et Hugue, son solorge ^[2]; 7 item, le chesal devant lai grange dou dit Thiebaut; 8 \15 item, lai lour partie dou Vergier; 9 item, l-uichate dou Chafour que doit chascun an huit deniers de anniversaire a l-eglise, 10 pour \16 nuef libres et seix solz de bons viez baloys corsables ou merchief de Porreintruy, que li dit venditour hont hahu \17 et recehu dou dit aichetour et les hont mis et convertiz en lour evidanz proffeiz, par qu-il s-an sunt tenu et s-an tienent \18 por bien pahiez entieremant. 11 Et hont aussi vendu, enssi com dessus, quant qu-il hont, pouhent et doivent havoir en lai vile \19 et finaige de Phey, en champs, prez, terres arables et non arables et en tous autres herietaiges, senz riens excepter, \20 a dit aichetour, por lui et por ses hoirs, ai touz jours-mais, por lai dite some d-argent. 12 Et se sunt devestu li dit \21 venditour, par les los et actoritei que dessus, por lour et por lour hoirs, ai tous jours-mais, de lai dite vendicion et de \22 toutes les choses dessus dites, et le dit aichetour en hont envestu et mis en bone et lehal tenure et en \23 corporal possession, ou aussi par lai tradiction de ces lettres, por lui et por ses hoirs. 13 Et ceste vendicion et toutes les \24 choses dessus escriptes hont promis li dit venditour, par les los et actoritei que dessus, par lour soiremanz donez corporalmant, \25 por lour et por lour hoirs, en lai main de nostre dit comandemant, sollempnel stipulacion entrevenant, et suis \26 l-obligacion de tous lour biens moubles et non moubles, presenz et a-venir, tenir et garder farmemant ai tous \27 jours-mais, et chascuns de lour pour le tout, a dit aichetour et hai ses hoirs, garantir et appaisier de franc \28 aluef par tant com lehal tenure s-affiert en Ajoye, exceptei lai dite huichate que doit chascun an doze deniers censsalz \29 que li diz aicheterres doit pahier, il et sui hoir, en tous lues et encontre tous, senz gemais venir encontre, en \30 lour et lour hoirs submatant, par les los et actoritei que dessus et chascuns pour le tout, a lai juridictiom et coherciom \31 de lai dite court de Besençon et de toutes autres cours ecclesiastes et seculeres por estre controint a l-obser \32vacion des dites choses, non obstant acunnes excepcions de mal, de baret, de lesion, de deception, a l-excepcion de \33 deception outre lai moitie dou droit pries, et ai totes autres excepcions, et a droit disant lai general renunci\34aciom non valoir. 14 En tesmoignaige de lai quel chose, nos, a lai relacion de nostre dit comandemant, havons mis le sel de lai \35 court de Besençon en ces lettres. 15 Faites et donees, presenz l-archerat, de Porreintruy, Rainat, de Monjoie, Texerant et Gueron, de Phey, \36 saze jours en janvier, l-an mil trois-cenz et quarante et dous.
16 H. J. de Boncourt.

Notes de transcription
^[1] Ainsi coupé: san suegant.
^[2] On pourrait aussi lire selorge.