Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe184

1342, 18 juin.

Type de document: charte: vente

Objet: Vente par Jehannenet dit le Bourgeois, de Chevenez, à Jeannin dit Ferrechin, bourgeoisde Saint-Ursanne, pour 19 l. de vieux bâlois ayant cours au marché de Porrentruy, d’unerente d’un demi-muid, moitié blé moitié avoine, à la mesure de Porrentruy, payable àChevenez, pour le blé à la Saint-Michel et pour l’avoine à la Saint-Martin et assignéesur des pièces de terre de franc-alleu à Chevenez; en cas de retard de plus d’une annéedans le paiement de la rente, l’acheteur pourra disposer de ces biens; et garantie de lavente par Willemin, frère du vendeur, par Cuenin, fils de [Cuenin dit] Coquerel, deChevenez, et par Perrin dit [Quatre] Deniers, de Bure. Témoins: Richart de Chevenez,écuyer, Thibaut, d’Asuel, [Jehannenet] le Juglerat et Ruedol, de Cornol. — Acte établiau nom de l’official de Besançon par Huguenin Jean de Boncourt, notaire, et passé sousson sceau et sous celui de Pierre, curé de Chevenez, prêtre.

Commentaire: Parchemin jadis scellé de deux sceaux sur double queue. AAEB, B 288/45.

Verso: Littera de III eminis ex parte Ferreczin, sitis in Chiveney. — Pro anniversario Ferrechin. — III emine… in Cheveney ex parte Ferrechin (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie \2 de lai dite court de Besençon, nostre comandemant especial a quel, quant es choses que sunt ci aprés escriptes et quant a plus granz, nos havons commis \3 et commattons par ces presentes lettres nostre pouhoir, pour ce en droit personalmant establis et venanz especialmant, Jehannenaz diz \4 li Bourgois, de Chevenei, hai confessei et publiemant recoignu qu-il hai vendu et vent, por lui et por ses hoirs, ai touz jors-mais, a \5 Jehannin dit Ferrechin, bourgois de Saint Ursanne, por lui et por ses hoirs, aichetant, demey mui, moitie blef pur de annuel \6 et perpetuel rente et moitie avoinne, a lai mesure de Porreintrui, a-pahier et rendre chascun an franchemant ai toz jours\7mais, le blef pur le jour de lai feste de saint Michiel et l-avoinne le jour de lai feste de saint Mertin d-ivert, c-est a-savoir a \8 Chevenei, dou dit venditour et de ses hoirs a dit aichetour et ai ses hoirs. 4 Le quel demey muy de annuel rente, a lai dite mesure, \9 li diz venditerres hai assis et assigne, por lui et por ses hoirs, ai toz jors-mais, a dit aichetour, por lui et por ses hoirs, sui \10 les plaices et choses de franc aluef ci aprés escriptes, gesanz en lai vile et ou terretoire de Cheveney; 5 premieremant, a Bruille, \11 une plaice de terre de dous jornals, li chappellain de Monjoie hont d-unne part et Jehannenaz diz Cofechin hai d-autre; \12 6 item, en Monmellon, une plaice, messi Richairs de Morimont hai d-unne part et Huguenaz li Petiz hai d-autre; 7 item, an lai Combate, a \13 dit luec, demey lai plaice, li Gindraz hai d-unne part et Jehannenaz, fiz Horri lai Coulle, hai d-autre; 8 item, es Cherbonieres, en \14 lai vie de Bures, une plaice, Jannins de Gindres d-unne part et Woillemins, freres dou dit venditour, hai d-autre; 9 item, a Croseran, lai plaice de \15 prey ensemble le fom d-icelle, li signour de Saint Ursanne hont d-unne part et li hoir Nichole d-autre, por deix-nuef libres \16 de bons viez balois corsables ou merchief de Porreintrui, que li diz venditerres hai hahu et recehu dou dit aichetour et \17 les hai mis et convertiz en son evidant proffeit, par qu-il s-an est tenuz por bien pahiez entieremant. 10 Et s-est devetuz \18 et se devest li diz venditerres, por lui et por ses hoirs, ai toz jors-mais, dou dit demey mui de annuel rente et dou dit \19 assignal quant a ycellui, et le dit aichetour en hai envestu et mat en bone et lehal tenure et en corporal posses\20siom, ou aussi par lai tradiction de ces presentes lettres, por lui et por ses hoirs. 11 Et ceste vendiciom et toutes les choses \21 dessus dites et une chascunne d-icelles hai promis et promat li diz venditerres, par son soiremant donei corporalmant, por lui et \22 por ses hoirs, en lai main de nostre dit comandemant, sollempnel stipulation entrevenant, et suis l-obligation de touz ses \23 biens moubles et non moubles, presenz et a-venir, tenir et garder farmemant a toz jors-mais a dit aichetour et \24 ai ses hoirs, garantir et appaisier le dit assignal de franc aluef par tant com lehal tenure s-affiert en Ajoie, \25 pahier et rendre chascun an lai dite rente, en tous lues et encontre touz, senz gemais venir encontre en nul \26 caus, et senz consentir que nuls autres y voingne. 12 Et est a-savoir que, se li diz venditerres ou sui hoir deffaillient tant \27 de pahier lai dite rente a dit aichetour ou ai ses hoirs que li une rente trovest l-autre et venest ensemble \28 a-pahier avecques l-autre rente, li diz aicheterres feroit sai voluntei, il et sui hoir, dou dit assignal entiere\29mant comme de son propre franc aluef que li saroit exchoiz, et lai porroit prater ai autrui s-il voloit et faire \30 ce que li plaroit. Et por plus grant surtei faire et havoir a dit aichetour et hai ses hoirs de garan \31tir le dit assignal de franc aluef par tant cum lehal tenure s-affiert en Ajoie, por ce en droit personalmant esta\32bli, Woillemins, freres dou dit venditour, Cuenins, fiz Quoquerel, de Cheveney, et Perrins diz [Quaitre] ^[1] Denier, de \33 Bures, ai (ai) lai priere et requeste dou dit venditour et por lui, se sunt mis et fait, por lour [et] [por] [lour] [hoirs] ^[2], en lai \34 main dou dit aichetour, por lui et por ses hoirs, plaige, debtour et principals ren[dour…] ^[3] \35 de lai dite garantie, et li diz venditerres, por lui et por ses hoirs, les en hai pror[…] ^[4] \36 et suis l-obligation de touz ses biens presenz et a-venir, de geter fuer de touz dom[aiges][,] [en] [lour] [et] [lour] ^[5] \37 hoirs submatant li diz venditerres et li dit plaige et debtour a lai juridictiom et coherciom de lai court \38 de Besençon et de toutes autres cours ecclesiastes et seculeres por estre controint, par lai quelle des dites cours \39 que li diz aicheterres amerai muels, il et sui hoir, a l-observation de toutes les choses dessus escriptes, non obstant \40 acunnes excepcions de mal, de baret, de lesiom, de deception et que autre chose soit escripte et autre chose \41 acordee, a l-exception de deception outre lai moitie dou droit pries ou emqui devirom, a lai copie \42 de ces lettres, a touz privileiges et ai toutes costumes et franchises donez et a doner de papes, d-emperors \43 et de touz princes, et ai toutes autres exceptions de fait et de droit, et a droit que dit que li generalz \44 renunciacions ne vaut. 13 En tesmoignaige de lai quel chose, nos, officials dessus diz, a lai relacion de nostre dit coman \45demant, havons mis le sel de lai court de Besençon en ces lettres avecques le sel de monssi Pierre, curie de \46 Chevenei, prestre; et nos, li diz venditerres et li dit plaige et debtour havons prié et requis a dit \47 monssi Pierre, curie de Chevenei, qu-il matte son sel en ces lettres avec le dit sel de lai court de Besençon; \48 et je, li diz Pierres, curies de Chevenei, prestre, es prieres et requestes dessus dites, hai mis mon sel avec le dit \49 sel de lai court de Besençon en ces presentes lettres. 14 Faites et donees, presenz Rechairt de Chevenei, escuier, \50 Thiebaut, de Hesuel, le Juglerat, de Chevenei, et Ruedol, de Coronol, deix huit jours en joyn, l-an mil \51 trois-cenz quarante et dous.
15 H. J. de Boncourt.

Notes de transcription
^[1] Déchirure.
^[2] Déchirure.
^[3] Déchirure.
^[4] Déchirure.
^[5] Déchirure.