Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe181

1342, 23 mai.

Type de document: charte: vente

Objet: Vente par Émonin Santembin et par Perrete, sa fille, de Fahy à Thibaut, fils de feuJehannenet de Rocourt, écuyer, pour 18 s. de vieux bâlois ayant cours au marché dePorrentruy de leur part du grand verger sis derrière l’église de Fahy. Témoins: Perrindit l’Angelet, de Chevenez, Gueron, de Fahy, etc. — Acte établi au nom et sous le sceaude l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/105. — Analyse par J.Trouillat, Monuments…, III, p. 801.

Verso: De Th. de Rocourt. — De Satebin, de Fay. — Fay (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire et jurie, nostre \2 comandemant a quel, quant es choses que s-ansuegant ^[1], nos havons commis nostre pouhoir, por ce en droit personalment establi, Haymo\3nins Santhambins et Perrate, sai fille, de Phey, hont vendu, por lour et por lor hoirs, ai touz jours-mais, a Thiebaut, \4 le fil Jehannenat de Rocourt, escuier, qui fu, por lui et por ses hoirs, aichetant, lai lour partie dou Grant Vargier et \5 le fom d-icellui, que siet derriers le mostier de Phey, li anfant Varnier, le fil Rerier, hont d-unne part et li hoir a \6 Prevo[st] hont d-autre, por deix huit sols de bons viez baloys corsables ou merchief de Porreintrui, qu-il hont \7 hah[u] dou dit aichetour et les hont mis en lour evidanz proffeiz, par qu-il s-an tienent por bien pahiez. 4 Et \8 se sunt devestu, por lour et por lor hoirs, ai tous jours-mais, de lai dite vendiciom, et chascuns de lour pour le tout, \9 et le dit aichetour en hont envestu et mis en bone et lehal tenure et en corporal possessiom, ou aussi par lai tra\10dictiom de ces presentes lettres, por lui et por ses hoirs. 5 Et ceste vendiciom et toutes les choses dessus dites ont \11 promis li dit venditour, par lour soiremanz donez corporalmant, por lour et por lour hoirs, en lai main de \12 nostre dit comandemant, et suis l-obligaciom de tous ses biens moubles et non moubles, presenz et a-venir, te\13nir et garder farmemant ai tous jours-mais, et chascuns de lour por le-tout, a dit aichetour \14 et hai ses hoirs, garantir et appaisier de franc aluef par tant de temps cum lehal tenure \15 s-aff[iert] en Ajoye, en tous lues et encontre touz, senz gemais venir encontre en nul caus, en \16 lour et lor hoirs submattant li dit venditour, et chascuns de lour por le tout, a lai juri\17dictiom et coherciom de lai dite court de Besençon et de toutes autres cours ecclesiastes et \18 seculeres por estre controint, ensemble et deviseemant, par lai quelle des dites cours que li diz aicheterres \19 ameray muels, il et sui hoir, a l-observaciom de toutes les choses dessus escriptes, non obstant acunnes excep\20cions de fait ou de droit. 6 En tesmoignaige de lai quel chose, nos, officials dessus diz, a lai relaciom de nostre \21 dit comandemant, havons mis le sel de lai court de Besençon en ces presentes lettres. 7 Faites et donees, presenz Perrin \22 dit l-Angelat, de Cheveney, et dit Guerom, de Phey, et plusours autres, le juesdi aprés lai feste \23 de Penthecoste, l-an mil trois-cenz quarante et dous.
8 H. J. de Boncourt.

Notes de transcription
^[1] Ainsi coupé: san suegant.