Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe180

1342, 20 mai.

Type de document: charte: vente

Objet: Vente par Perrin dit l’Angelet, de Chevenez, et par Ythenet, sa femme, autorisée par sonmari et par [Jehannenet] le Juglerat, de Chevenez, son avoué, à Thibaut de Rocourt,écuyer, fils de feu Jehannenet de Rocourt, écuyer, pour 11 l. de vieux bâlois ayantcours au marché de Porrentruy de pièces de terre à Chevenez. Témoins: Gueron Sautembin,de Fahy, et Vienat, serviteur de Jean Horri de Delle. — Acte établi au nom et sous lesceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 801.

Verso: Dominus Th. de Rocourt. — I. de l-Angelat, de Cheveney. — Cheveney ( xiv^e siècle).

1 Nos, officials de lai court de Besençon, 2 faiçons savoir ai touz 3 que, par devant Huguenin Jehan de Boncourt, clerc, notaire, jurie de lai dite court de Besençon, \2 nostre especial comandemant a quel quant es choses que sunt ci aprés escriptes et quant a plus granz, nos havons commis et commattons par ces \3 presentes lettres nostre pouhoir, por ce en droit personalmant establis et venanz especialmant, Perrins diz li Angelaz, de Cheveney, et Ythenat, \4 sai feme, par les los et actorité dou dit Angelat, son mari, et de le Juglerat, de Cheveney, son lehal vouhai donei a ley par une uverte \5 justise por ce et por autres choses sesant en justise uverte et par lehal jugemant, presenz, louhanz et actorizanz, ont confessei et recoignu \6 publiemant qu-il hont vendu et vendent, por lour et por lour hoirs, ai toz jours-mais, et chascuns de lour por le tout, a Thiebaut de Ro\7court, escuier, fil Johannenat de Rocourt, escuier, qui fu, por lui et por ses hoirs, aichetant, les choses ci aprés escriptes, gesanz ou finaige et \8 ou terretoire de Cheveney: le vargier entieremant de Varoyles ensemble le fom, les haibres, les apartenances d-ycellui, de que ce qu-est dou dit vargier \9 dois le fom de lai cumbe par dedoz, enssi cum les boenes y-sunt mises, est de franc aluef et li remeignanz est franz et quitez, pour quaitre deniers qu-il doit chascun \10 an a luminaire de l-eglise de Cheveney, et siet entre les filles a lai dame de lai Vauche d-unne part et li communals hai d-autre; 4 item, le champ que giet \11 derriers le dit vargier, et doit li diz champs huit deniers chascun an de luminare a lai dite eglise; 5 item, les douhes pairs dou prey de Chepres \12 ensemble le fom d-icellui, qu-est de franc aluef, et pairt a Jaiquat, le fil Nicholate, li communals hai d-unne part et d-autre, pour unze libres de bons \13 viez balois corsables ou merchief de Porreintrui, que li dit venditour ont hahu et recehu dou dit aichetour, et les hont mis \14 et convertiz en lour evidanz proffeiz, par qu-il s-an sunt tenu et s-an tienent por bien pahiez entieremant. 6 Et se sunt devestu li dit vendi\15tour, por lour et por lour hoirs, ai toz jors-mais, par les los et actorité que dessus, et chascuns de lour por le tout, de lai dite vendiciom, et \16 le dit aichetour en hont envestu et envestent, mis et matent en bone et lehal tenure et en corporal possessiom, ou aussi par lai tradic\17tiom de ces presentes, por lui et por ses hoirs. 7 Et ceste vendiciom et toutes les choses dessus escriptes et une chascunne d-icelles hont promis et promat\18tent li dessus dit venditour, par les los et actorité que dessus, par lour soiremanz donez corporalmant, por lour et por lour hoirs, en lai main \19 de nostre dit comandemant, sollempnel stipulacion entrevenant, et suis l-obligacion de touz lour biens moubles et non moubles, \20 presenz et a-venir, tenir et garder farmemant ai toz jors-mais, et chascuns de lour por le tout, a dit aichetour et hai ses \21 hoirs, garantir et appaisier, par enssi come dessus est dit, par tant de temps come lehal tenure s-affiert en Ajoye, en touz \22 lues, en jugemanz et deffuers, et encontre touz, senz gemais venir encontre en nul caus, en lour et lor hoirs submat\23tant, par les los et actorité que dessus, a lai juridiction et cohercion de lai dite court de Besençon et de toutes autres cours ecclesi\24astes et seculeres por estre controint, par lai quelle des dites cours que li diz aicheterres amerai muels, il et sui hoir, a l-observation \25 de totes les choses dessus dites, non obstant acunnes excepcions de mal, de baret, de lesion, de decepcion et que autre chose soit estei escripte \26 et autre chose acordee a lai copie de ces lettres, a l-excepcion de decepcion outre lai moitie dou droit pries ou emqui deviron, \27 et ai totes autres excepcions de fait et de droit, et a droit que dit que li generalz renunciations ne vaut. 8 En tesmoignaige de \28 lai quel chose, nos, officials dessus diz, a lai relacion de nostre dit comandemant, havons mis le sel de lai dite court de Besençon en ces \29 lettres. 9 Faites et donees, presenz Guerom Sathambin, de Phey, et Vienat, servant de monssi Jehan Horri de Deyle, vint jours en may, l-an mil \30 trois-cenz quarante et dous.
10 H. J. de Boncourt.