Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe167

1339, 2 décembre.

Type de document: charte: vente

Objet: Vente par Uvrart [du Chesal], fils de feu [Cuenin dit] Trahy, de Chevenez, à Jehannenetde Vaux, bourgeois de Porrentruy, pour 4 l. de vieux bâlois ayant cours au marché dePorrentruy d’une pièce de terre de franc-alleu de cinq journaux à Chevenez (voirn° 252); et garantie de la vente par Perrin [du Chesal], frère du vendeur, et parJehannenet, fils de Daguenel, de Chevenez. Témoins: Henri le pelletier, Jehannenet leBourgeois, de Chevenez, et Jean, fils de Viate la tisserande, de Chevenez. — Acte établiau nom et sous le sceau de l’official de Besançon par Huguenin Jean de Boncourt,notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 786.

Verso: Cheveney (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de lai dite court de Besençon, \2 nostre comandemant especial a quel, quant es choses que sunt ci aprés escriptes et quant a plus granz, nos avons commis et commatons par ces presentes \3 lettres nostre pouhoir, pour ce en droit personalmant establis et venanz especialmant, Uvrairs, filz Trehi, de Cheveney, qui fu, hai confessey et \4 publiemant recoignu qu-il, ne decehuz ne controinz ne baretez, mais cum saiges et bien avisez, hai vendu et vent, por lui et por ses hoirs, \5 a toz jors-mais, a Jehannenat de Vals, borgois de Porreintruy, por lui et por ses hoirs, aichetant, une plaice de terre de franc aluef \6 que doit contenir cinc jornals de terre, gesant ou terretoire de Cheveney, entre le ray de Cortedub d-unne part et Rechairs et Perrins, anfanz Var\7nier le Groignuz, de Cheveney, hont d-autre, pour quaitre libres de bons viez balois corsables ou merchief de Porreintruy, que li diz venditerres ai hahu \8 et recehu dou dit Jehannenat de Vals, aichetour, et les hai mis et convertiz en son evidant proffeit, par qu-il s-an est tenuz et s-an tient por bien \9 pahiez entieremant. 4 Et s-est devestuz et se devest li diz venditerres, por lui et por ses hoirs, a toz jors-mais, de lai dite vendiciom, et le \10 dit aichetour en hai envesti et envest, mis et mat en bone et en lehal tenure et en corporal possessiom, ou aussi par lai tradictiom de ces \11 presentes lettres, por lui et por ses hoirs. 5 Et ceste vendue et toutes et singuleres les choses dessus escriptes hai promis et promat li diz venditerres, \12 par son lehal soiremant donei corporalmant, por lui et por ses hoirs, en lai main de nostre dit comandemant, sollempnel stipulaciom entreve\13nant, et suis l-obligaciom de touz ses biens moubles et non moubles, presenz et a-venir, tenir et garder farmemant, a toz jors-mais, a \14 dit aichetour et ai ses hoirs, garantir et appaisier de propre franc aluef par tant de temps come lehal tenure s-affier \15 en Ajoie, en tous lues, en jugemanz et deffuers, senz gemais venir encontre par lui ne par autrui, et senz consentir que nuls au\16tres y voingne en apert ou en rescondut, non obstant acunnes excepcions de fait ou de droit. 6 Et por plus grant seurtey faire \17 et havoir a dit aichetour et ai ses hoirs de garantir les diz cinc jornals de terre de franc aluef, pour ce en droit \18 personalmant establi, Perrins, freres dou dit venditour, et Jehannenaz, li filz Dagueney, de Cheveney, a lai priere et a lai requeste \19 dou dit venditour et por lui, se sunt mis, fait et establi, por lour et por lour hoirs, plaige de garantir lai dite vendue de franc \20 aluef, en lai main dou dit aichetour, por lui et por ses hoirs, par tant de temps cum lehal tenure s-affiert en Ajoie, et li diz \21 venditerres les en hai promis de geter fuer de touz domaiges. 7 Et ce ont il promis, par lour soiremanz donez corporalmant, por lour \22 et por lour hoirs, en lai main de nostre dit comandemant et suis l-obligatiom de touz lour biens moubles et non moubles, presenz et a-venir, de tenir \23 a dit aichetour et ai ses hoirs, senz gemais venir encontre en nul ^[1] caus, en lour et lour hoirs submatant li diz venditerres et \24 li dit plaige a lai juridictiom et a lai coherciom de lai dite court de Besençon et de toutes autres cours por lour et \25 lour hoirs controindre et faire controindre par lai quelle des dites cours que li diz aicheterres et sui hoir ameront muels, \26 soit ecclesiaste ou seculere, a l-observaciom de toutes et singuleres les choses dessus escriptes. 8 En tesmoignaige de lai quel chose, nos, \27 officials dessus diz, a lai relaciom de nostre dit comandemant, avons mis le seal de lai dite court de Besençon en ces presentes lettres, 9 que \28 furent faites et donees, presenz Henri le peletier, Jehannenat le Borgois, de Cheveney, et Jehan, le fil Viate lai tessate, de Cheve\29ney, le juesdi aprés lai feste de saincte Katherine, l-an mil trois-cenz trente et nuef.
10 H. J. de Boncourt.

Notes de transcription
^[1] Le -lest barré d’un trait horizontal dont la signification n’apparaît pas.