Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe158

1338, 21 août.

Type de document: charte: vente

Objet: Vente par Jean dit Fromage, prêtre, chapelain de la chapelle de Bure, à Jean dit Écuyerde Metz, de Delle, pour 25 l. d’estevenants de divers immeubles sis à Bure. Témoins:Perrin Marchant, Besençon le clerc, [Huguenin dit] Grisat, fils de Voletey, de Bure,Renaut, gendre de [Bourquin dit] Bursin, de Bure, Perrin, fils d’Aliate, de Bure, etRenaut, fils de Vienate, de Montbéliard. — Acte établi au nom et sous le sceau del’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/17. — Analyse par J.Trouillat, Monuments…, III, p. 784.

Verso: De la terre de Bure (xiv^e siècle). — Lettres d-achet de terres giesans a Bures fait par Jehan Escuier dis de Mez, de Dele, de mossi Jehan Fromaiges, presbtre (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de lai court de Besençon, nostre comandemant especial a quel, \2 quant es choses que sunt ci aprés escriptes et quant a plus granz, nos avons commis et commatons par ces presentes lettres nostre pouhoir, por ce en droit personalmant establis, messi Jehans diz Fromaiges ^[1], \3 prestres, chapellains de lai chappelle de Bures, ai confessei et publiemant recoignu qu-il, ne decehuz ne controinz ne baretez, mais de sai propre et franche voluntey, ai vendu et vent, por lui et por ses \4 hoirs, a toz jors-mais, a Jehan dit Escuier de Mez, de Dele, escuier, por lui et por ses hoirs, les plaices de terre et choses que s-ansuegant ^[2], gesanz en lai vile et ou terretoire de Bures; 4 premieremant, \5 lai mayson, curtil derriers, ceillier et chesail d-ycels, que siesent entre le chesail es hoirs Tresye d-unne part et li chesails Saint Desier giet d-autre, que li diz messi Jehans Fromaigez ai acquis \6 de Bursin et de ses hoirs; 5 item, dessus Marcom, une plaice de terre, entre la vie quemenal d-unne part et les hoirs Perrin, de Cheveney, et ses partaiges d-autre; 6 item, encour quaitre jornals de terre \7 que li diz messi Jehans hai acquis de Maiteillat, fille Bursin, de Bures, que fu, et li duy jornal giesent en lai Longeigne, entre le champ es hoirs Jehennat, fil a Juglairt, que fu, d-unne \8 part et le champ Damenat d-autre; item, devant Chernoy, hun jornal de terre, entre le champ Jehannin, de Burates, d-unne part et les hoirs Varnier d-autre; 7 item, en la vie devant le Phalat, \9 hun jornal de terre, entre le champ a Maiceclier, de Burates, d-unne part et le champ Jehennat le peletier, de Bures, d-autre; 8 item, une plaice de terre que contient hun jornal de terre et hun demey ou \10 luec que om dit es Hantes, li hoir Bursin, de Bures, hont d-unne part et li anfant Woiliemate, que fu fille Tresye, de Bures, hont d-autre, lai quel plaice li diz messi Jehans Fromaigez hai \11 aquis de Bertin, de Veler vers Bures, et de Woiliate, say feme; 9 item, dous jornals de terre que giesent ou luec que om dit en Champeix, Mesteillat, fille Qualat, hay d-unne part et Hamer\12jairt, feme Girardenat, hai d-autre; 10 item, les douhes parties d-unne plaice de terre que giet es Esseirs Chevriat, entre Chenevay ^[3] d-unne part et le berbier, de Bures, d-autre, et sunt \13 les dites plaices et choses entieremant dessus dites de franc aluef; 11 item, devant Chernoy, une plaice de terre, Bourquins, fiz a lai Faive, hai d-unne part et li hoir Woillemat, de Bures, \14 hont d-autre, 12 lai quelle li diz venditerres hai acquis dou fil Osanne, pour vint et cint libres de bons estevenans que li diz aicheterres hai baillie et delivrey a dit venditour, et les ai \15 mis li diz venditerres en son evident proffeit, si qu-il s-an est tenuz et s-an tient por bien pahiez entieremant. 13 Et s-est devestuz et devest li diz venditerres, por lui \16 et por ses hoirs, a toz jors-mais, de lai dite vendiciom et de toutes et singuleres les autres choses dessus escriptes, et le dit Jehan dit Escuier de Mez, de Dele, aichetour, en \17 hai envesti et mis en bone et lehal tenure et en corporal possessiom, ou aussi par lai tradictiom de ces lettres, por lui et por ses hoirs. 14 Et ceste vendiciom et toutes \18 les autres choses dessus escriptes et une chascunne d-ycelles ai promis et promet li diz venditerres, par son lehal soiremant doney corporalmant, por lui et por ses hoirs, en lai \19 main de nostre dit comandemant, sollempnel stipulaciom entrevenant, et aprés suis l-obligatiom de touz ses biens moubles et non moubles, presenz et a-venir, tenir et \20 garder farmemant a toz jors-mais a dit aichetour et ai ses hoirs, garantir et appaisier, aidés, en tous lues et encontre ^[4] touz, senz gemais venir encontre ^[5] par \21 lui ne par autrui, et senz consentir que nuls autres i veingne, en appert ou en rescondut, en lui et ses hoirs submattant li diz venditerres a lai juridictiom et \22 coherciom de lai court de Besençon et de toutes autres cours ecclesiastes et seculeres por lui et ses hoirs controindre et faire controindre, par lai quelle des dites \23 cours que li diz aicheterres et sui hoir ameront muels, a l-observatiom de toutes et singuleres les choses dessus escriptes, non obstant acunnes exceptions de fait ou de \24 droit. 15 En tesmoignaige de lai quel chose, nos, officials dessus diz, a lai relatiom de nostre dit comandemant, avons mis le scal de lai dite court de Besençon pendant \25 en ces presentes lettres, 16 que furent faites et donees, presenz Perrin Marchant, Besençon le clerc, Gresat, fil Voletey, de Bures, Renat, mary a lai fille Bursin, de Bures, \26 Perrin, fil Aliate, de Bures, et Renat, fil Vienate, de Montbeliart, le vanrredi aprés lai feste de l-Assumptiom Nostre Dame, l-an mil trois-cenz trente et huyt.
17 \27 H. J. de Boncourt.

Notes de transcription
^[1] Ou Fromaigés.
^[2] Ainsi coupé: san suegant.
^[3] Ou Chevenay.
^[4] Ainsi coupé: en contre.
^[5] Ainsi coupé: en contre.