Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe155

1337, 18 juin.

Type de document: charte: vente en franc-alleu

Objet: Vente en franc-alleu par Jeanne, fille de Richart de Morimont, chevalier, femme deBartol dit le Grave, d’Annegrahe, chevalier, autorisée par son mari et par Richart ditVaydrel, de Porrentruy, chevalier, son oncle et son avoué, désigné par Jean ditSavaiget, écuyer, bailli de Porrentruy, à Richart de Morimont, son père, pour 50 l. debâlois ayant cours au marché de Porrentruy de tout ce qu’elle avait reçu en dot de lui àDamphreux et à Vendlincourt (voir n° 156). — Acte passé sous les sceaux de Bartol dit leGrave, d’Annegrahe, chevalier, et de Richart dit Vaydrel, chevalier.

Commentaire: Parchemin scellé de deux sceaux sur double queue; il subsiste celui de Barthol dit leGrave. AAEB, Chartes. — Analyse par J. Trouillat, Monuments…, III,p. 777.

1 Je, Jehanne, fille monssi Rechairt de Morimont, chevalier, et femme de monssi Bartol dit le Grave, d-Annegrahe, chevalier, 2 fais savoir a touz 3 que je, par les \2 loz et auctorité dou dit monssi Barthol, mon mari, et de monssi Rechairt dit Vendrey, de Porreintru, chevalier, mon lehal vouhei donei a-moi par \3 Jehan dit Savaiget, escuier, bailli en cest temps de Porreintrui, por ce et por autres choses sesant en justise uverte et par lehal jugemant, \4 ai vendu et vent, por moi et por mes hoirs, a toz jors-mais, a dit monssi Rechairt de Morimont, mon pere, por lui et por ses hoirs, aichetant, \5 lai terre et herietaige entieremant, de franc aluef, que je hai, puis et doi havoir es viles, finaiges et terretoires de Danfruhel et de Vandelincort, \6 en champs, prez, curtils, diesmes, rentes, censes et en toutes autres choses gesanz es diz lues, que li diz messi Rechairs, mes peres, m-avoit doney en \7 nom de mon marihaige, 4 pour cinquante libres de bons balois, bone monoie corsable ou merchief de Porreintru, que je ai hahu et recehu dou dit \8 monssi Rechairt, mon pere, et les ai mis et converti en mon evidant proffeit, si que je m-an suis tenue et tien por bien pahie entieremant. 5 \9 Et me suis devestue et devest, por moi et por mes hoirs, a toz jors-mais, par les loz et actorité que dessus, de lai dite vendue, et le dit monssi Rechairt \10 de Morimont, mon pere, en ai envesti et envest, mis et mat en bone et lehal tenure et en corporal possession, ou aussi par lai tradiciom de \11 ces letres, por lui et por ses hoirs. 6 Et ceste vendue et toutes les choses dessus dites et une chascunne d-icelles ai je promis et promat, par mon-lehal \12 soiremant donei corporalmant por moi et por mes hoirs, par les loz et actorité que dessus, sollempnel stipulatiom entrevenant, et suis l-obligatiom \13 de touz mes biens moubles et non moubles, presenz et a-venir, tenir et garder fermemant, a toz jors-mais, a dit monssi Rechairt, mon pere, \14 et a ses hoirs et a ces qui hauront cause et actiom de lui, garantir et appaisier come de propre et franc aluef, aidés, en touz lues, en \15 jugemant et deffuers, contre touz, senz gemais venir encontre ^[1] par moi ne par autrui. 7 En renuncent en cest mien fait, par-mon dit \16 soiremant, par les loz et actorité que dessus, a toutes exceptions de mal, de baret, de lesiom, a la deceptiom, a la copie de ces letres \17 et que autre chose soit estei escripte et autre chose acourdee, a touz privileiges et a touz droiz introduz et a introdure en \18 favour de marihaige, de douhaire, de femes et de nobles, a l-exceptiom de deceptiom outre la moitie dou droit pries \19 ou emqui devirom, et especialmant a droit disant les femes errant en fait ou en droit devoir a securre, et ai \20 toutes autres exceptions et allegations de fait ou de droit, et especialmant a droit disant que generalz renunciations \21 ne vaut. 8 En tesmoignaige de lai quel chose, je, par le los de mon dit vouhey, ai prié et requis a dit monssi Barthol, \22 mon mari, et a dit monssi Rechairt Vendrey, mon omcle, mon lehal vouhey, qu-il matent lour seals en ces presentes \23 letres; et nos, li dessus dit Barthols Gravez, d-Annegrahe, mariz de lai dite dame Jehanne, et Rechairs diz Vendrez, \24 de Porreintru, vouhels de lai dite dame Jehanne, chevalier, a say proiere et requeste avons mis noz seals pendanz en \25 ces presentes letres, 9 que furent faites et donees le deix-huictiesme jour dou moys de joym, l-an Nostre Seignour \26 corrant par mil trois-cenz trente et sept.

Notes de transcription
^[1] Ainsi coupé: en contre.