Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe153

1337, 25 avril.

Type de document: charte: vente

Objet: Vente par Jean, par Hemerlin et par Henriet, frères, fils de feu Cuene [de Pleujouse],seigneur de Muriaux, chevalier, à Jehannenet de Rocourt, écuyer, pour 62 l. de bâloisayant cours au marché de Porrentruy de la terre qu’Henri, fils d’[Henri] l’Allemand, dePorrentruy, tenait d’eux, soit une colonge franche que lesdits frères tenaient eux-mêmesde l’évêque de Bâle et une demi-colonge devant la desserte à l’avoué de Porrentruy,toutes deux à Porrentruy et contenant ensemble quarante-trois journaux de terre et cinqfaux de pré ainsi que tout ce qui appartient à cette colonge et demie en champs, enprés, en bois, en jardins et en chenevières. Témoins: Gautier d’Asuel, Huguenin deSonvilier, écuyers, Perrin de Cœuve, clerc, demeurant à Porrentruy, et Haiselin, deCourchavon. — Acte établi au nom et sous le sceau de l’official de Besançon par HugueninJean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 776-777.

1 Nos, l[i] officials de lai court de Besençon, 2 faiçons savoir a touz 3 que, par devant Huguenin Jehan de Boncort, clerc, notaire, jurie \2 (jurie) de nostre dite court de Besençon, nostre especial comandemant a quel nos avons commis et commatons par ces lettres nostre pouhoir \3 quant es choses que sunt ci aprés escriptes, por ce en droit personalmant establi et venant especialmant, Jehans, Hemerlins et \4 Henriaz, frere, anfant mossi Cuene de Meruhal, chevalier, qui fu, ont confessei et publiemant recoignu qu-il, ne decehu ne \5 controint, non baretez, mais de lour propres et franches voluntees, ont vendu et vendent, pour lour et pour lour hoirs, \6 a toz jors-mais, et chascuns de lour por le tout, a Jehannenat de Rocourt, escuier, por lui et por ses hoirs, present \7 et aichetant, lai terre, herietaige et colonge que Henris, filz a l-Alemant, de Porreintru, tenoit de lour, 4 c-est a-savoir \8 une colonge franche, que li dit frere tenoient de monssi l-avesque de Baile, 5 et une demey colonge, que dessert et doit \9 debite a vouhey de Porreintru, gesanz en la vile, finaige et terretoire de Porreintru, 6 en lai quel colonge et demey doit havoir \10 quarante et trois jornals de terre et cinc fauls de prei, 7 et toutes les choses que apartienent a lai dite colonge et demey, c-est a-sa\11voir en champs, prez, bois, curtils, hoiches: 8 premieremant, en giest en lai Boulee ou costai, seix jornals; 9 item, suis la Perriere, \12 hun jornal, delez lai terre a vouhey d-unne part et Girairt, fil a Poutier, d-autre; 10 item, trois jornals en la Perriere, delez le champ \13 Malquerrey, que fut exchangiez dou Vunniez Blondet; 11 item, seix jornals devant les prez de Courtedub, entre le champ a vouhey d-unne \14 part et le champ a Donzelat d-autre; 12 item, en la Paule, trois jornals, dessus le champ Loviat et Chantres; 13 item, dous jornals de terre es Broxieres, li \15 champs es Teniers d-unne part et li champ Moressat d-autre; 14 item, en la Marie, dous jornals, Woillemaz ai d-unne part et Loviaz, filz \16 Vihon, d-autre; 15 item, en la Petite Paule, hun jornal suis la vie de Brexacourt, delez le champ Jehan, fil Malegole; 16 item, dous jornalz \17 es Longeignes, que partent es hoirs Jehannin le Prestre; 17 item, en la Tieriere, hun jornal, delez le champ a la dame de Sonvelier; 18 \18 item, desoz les molins de Fontenoys, cinc jornals, qu-estoient dou quemine de Fontenoix, que sunt estei exchangiez; 19 item, en Val-Fontenois, dous jornals, \19 li terre de lai chapelle d-unne part et d-autre; 20 item, demey jornal derriers le Mostier de Porreintru, la terre a vouhey d-unne part et messi \20 Stoquairs hai d-autre; 21 item, dessus les Fourches, une plaice de terre, Loviaz, filz Vihon, d-unne part et li dame de Sonvelier hai d-autre; 22 \21 item, en Reveralne, dous jornals, dessus la vie a la Buille; 23 item, en la Combate dou Sablon, dous jornals, li quemines hai d-unne part et d-autre; 24 \22 item, dous jornals en Mont-Covais, Girairs li maires hai d-unne part et Oysels hai d-autre; 25 item, une plaice de terre que vay suis lay \23 vie de Cuve et de Mont-Covais; 26 item, a chavon de la Combate a Curiei, hun jornal de quaitre emmenes; 27 item, une plaice de terre suis Antie, Girairs \24 li maires hai d-unne part et li terre de lai chapelle siet d-autre; 28 item, douhes faulz de prey doz Cortedub, li Bruilles d-unne part et li \25 Teniers d-autre; 29 item, une plaice de prey devant la Malatiere, Varnaz hai d-unne part et li diz Girairs li maires hai d-autre; 30 item, une oiche \26 en Val-Fontenois, li dame de Sonvelier hai d-unne part et li diz Moressaz hai d-autre, 31 por sexante et douhes libres de bons balois, bone \27 monoie corsable ou merchief de Porreintru, que li dit frere ont hahu et recehu dou dit aichetour, et les ont mis et converti en lor \28 evidant proffeit, si qu-il s-an sunt tenu por bien pahie entieremant. 32 Et se sunt devestu et devestent li dit frere, por lour et por lour hoir, \29 a toz jors-mais, et chascuns de lour por-le tout, de lai dite vendue entieremant et des dites choses, et le dit aichetour en hont en\30vestu et envestent, mis et matent en lehal et bone tenure et en corporal possessiom, ou aussi par lai traditiom de ces lettres, pour \31 lui et pour ses hoirs. 33 Et ceste vendue et toutes les choses dessus dites, et une chascunne d-icelles, ont promis et promatent li dit \32 frere, par lour soiremanz donés corporalmant, por lour et por lour hoirs, en lai main de nostre dit comandemant, sollempnel sti\33pulation entrevenant, et suis l-obligation de touz lour biens moubles et non moubles, presenz et a-venir, tenir et garder fermemant, et \34 chascuns de lour por le tout, a dit aichetour et ai ses hoirs, garantir et apaisier, aidés, en touz lues, a lour pro\35pres despens et missions, contre touz, senz gemais venir encontre ^[1], en lor ^[2] et lour hoirs submatant, quant es choses \36 dessus escriptes, a lai juridictiom et cohertiom de lai court de Besençon et de toutes autres cours ecclesiastes et seculeres \37 por estre controinz, par lai quelle des dites cours que li diz aicheterres et sui hoir ameront muels, [a] l-observation de toutes \38 les choses dessus dites, non obstant aucunnes exceptions de fait ou de droit. 34 Et nos, officials, oïes les confessions \39 des diz freres par nostre dit comandemant, lour avons injoynt et les avons suis ce amonestey par le dit nostre jurie qu-il \40 teignent, gardent et garantissent, et chascuns por le tout, a dit aichetour et a ses hoirs toutes les choses contenues \41 en ces lettres; sen ce non, nos vos mandons a touz les chapellains de lay citey et dyocese de Besençon que vos les diz freres, \42 les quels nos excommenions par ces escrips a la requeste dou portour de ces lettres por le deffaut des dites choses, denun \43ciez les por excommeniez, senz atandre autre mandemant de nos, en tel maniere que li uns de vos ne atande l-autre. 35 En \44 tesmoignaige de lai quel chose, nos, a-lay, relacion de nostre dit comandemant, avons mis le sel de lai dite court de \45 Besençon en ces lettres. 36 Faites et donees, presenz Gathier de Hesuel, Huguenin de Sonvelier, escuiers, Perrin de Cuve, \46 clerc, demorant a Porreintru, et Hayselin, de Courchavon, le vanredi aprés lai feste de lay Resurrectiom Nostre \47 Seignour, l-an d-icellui corrant par mil trois-cenz trente-sept.
37 H. J. de Boncourt.

Notes de transcription
^[1] Ainsi coupé: en contre.
^[2] Le scribe avait écrit lui, puis a surchargé en lor.