Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe146

1335, 20 décembre.

Type de document: charte: vente

Objet: Vente par Jehannenet dit Derdat et par Catherine, sa femme, fille de feu Mathey lecourvoisier, bourgeois de Porrentruy, autorisée par son mari et par Jacquin lecourvoisier, bourgeois de Porrentruy, son avoué, à Henriet de Beurnevésin, tailleur dedrap, bourgeois de Porrentruy, pour 11 l. de bâlois ayant cours au marché de Porrentruy,de la partie de la maison sise à Porrentruy qu’ils avaient achetée de Jehannenet, frèrede Catherine, à charge à l’acquéreur de payer chaque année pour un anniversaire 6 d.assignés sur cette maison et les « toises » annuelles; et désistement par Jehannenet,fils de feu Mathey, bourgeois de Porrentruy, en faveur de l’acheteur de ses droits surcette maison. Témoins: Jehannenet le « vestelier », Estevenin, fils de la Dame,Jehannenet le Chapusat, Mathias dit Tostemale, etc. — Acte établi au nom de l’officialde Besançon par Huguenin Jean de Boncourt, notaire, et passé sous son sceau et souscelui du conseil de Porrentruy.

Commentaire: Parchemin jadis scellé de deux sceaux sur double queue. AAEB, Chartes. — Analyse parJ. Trouillat, Monuments…, III, p. 770-771.

1 Nos, officials de la court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie de nostre \2 court de Besençon, nostre comandemant especial au quel nos commatons par ces letres nostre pouhoir quant es choses que s-ansuegant ^[1], pour ce en droit \3 personalmant estaubli et especialmant venant, Jehannenaz diz Derdaz et Katherine, fille Mathey le courvoisier, bourgois de Porrein \4truy, qui fu, par les loz et voluntees dou dit Jehannenat Derdat, son mary, et de Jayquin le courvoisier, bourgoys de Porreintru, \5 son lehal vouhey doney a ley par une uverte justise pour ce et pour autres choses sesant en justise uverte et par lehal jugemant, present, lou\6hant et auctorizant, ont confessei et recoignu qu-il ont vendu et vendent, por lour et por lour hoirs, a touz jours-mais, et chascuns de lour por \7 le tout, a Henriat de Burnevesim, le teilliere de draps, bourgoys de Porreintruy, pour lui et pour ses hoirs, la lour partie de lay \8 mayson, dou ceillier ensemble le fom, chesails et apartenances d-ycels, et ce qu-il ont conquis et achetei de Jehannenat, frere de la dite \9 Katherine, de la dite mayson, c-est a-savoir la partie de la dite mayson que siet a Pourreintruy par devers la mayson Jehannenat le Donzellat \10 enssi cum alle part a Perrin et a Woillemenat, freres de la dite Katherine, et enssi cum les soingnes que les departent sunt mises dedanz le mur \11 des dites mayson et cellier, et est li poyraz de la dite mayson que les depart parmey et parmei, 4 pour unze libres de bons baloys, bone monoie cour\12sable ou merchief de Porreintru, qu-il ont hahu et recehu dou dit Henriat, aichetour, et les ont mis en lour proffeit, si qu-il \13 s-an tienent pour bien pahie entieremant, et pour seix deniers de annuel rente que les dites choses vendues doivent chascun \14 an de anniversaire que li diz aicheterres et sui hoir doivent pahier, et par ce les dites choses vendues sunt et doivent estre franches et \15 quites de touz debiz, exceptey les toises que li diz aicheterres et sui hoir doivent chascun an pahier. 5 Et se sunt devestu et devestent \16 li dit Jehannenaz Derdaz et Katherine, say feme, par les loz et voluntees que dessus, por lour et por lour hoirs, a touz jours-mais, et chas\17cuns de lour por le tout, des dites choses vendues, et le dit aichetour en ont envesti et envestent et matent en corporal possession, \18 ou aussi par ces letres, pour lui et pour ses hoirs. 6 Et ceste vendue et toutes les choses dessus dites ont promis et promatent li dit Derdaz et \19 Katherine, say feme, par les loz et voluntees que dessus, par lour soiremanz donez corporalmant, por lour et por lours hoirs, en la main de nostre \20 dit comandemant, sollempnel stipulation entrevenant, et suis l-obligation de touz lour biens moubles et non moubles, presenz et a-venir, \21 tenir et garder fermemant, et chascuns de lour pour le tout, a dit aichetour et a ses hoirs, gaurantir et appaisier, aidés, en \22 touz lues, contre touz, senz gemais venir encontre. 7 En renuncent en cest lour fait li diz Derdaz et la dite Katherine, par les loz \23 et voluntees que dessus, et chascuns de lour pour le tout, a toutes exceptioms de mal, de baret, de lesiom, de deceptiom, a l-exceptiom de \24 deception outre la moitie dou droit pries ou emqui devirom, a la copie de ces letres et que autre chose soit estei acour\25dees et autre chose escripte, et especialmant la dite Katherine, a l-exceptiom de douhaire, de mariayge ou de donatiom pour \26 nupces, et a toutes autres exceptioms de fait ou de droit, et especialmant a droit que dit que generalz renunciatioms ne \27 vaut. 8 La quel vendue Jehannenaz, li filz Mathey, bourgois de Porreintru, qui fu, por ce en droit personalmant estaublis, ai louhey \28 en quitant, por lui et por ses hoirs, a touz jours-mais, a dit aichetour, por lui et por les suens, tout le droit qu-il hay, puet et doit \29 havoir es dites choses vendues. 9 Et ont volu li dit Derdaz et Katherine, par les loz que dessus, lour et lour hoirs estre controinz, et chas\30cuns de lour por le tout, par l-unne et l-autre juridiction ecclesiaste et seculere a l-observacion des dites choses. 10 Et nos, officials dessus diz, \31 oÿes les confessions des diz Derdaz et Katherine, par le dit nostre comandemant, de lour propre voluntey, lour avons injoynt et les avons \32 suis ce amonestey par vive vox qu-il teingnient et gaurantissent les dites choses, et chascuns de lour por le tout, a dit aichetour et \33 a ses hoirs; se ce nom, nos vos mandons a touz les chapellains de la citey et dyocise de Besençon que vos les diz Derdat et Katherine, les \34 quels nos excommenions par cest escript pour le deffaut des dites choses, ensemble et devisemant, a la requeste dou pourtour de ces letres, denun \35ciez les pour excommeniez senz atandre autre mandemant de nos. 11 En tesmoignaige de la quel chose, nos, officials dessus diz, a la relation \36 de nostre dit comandemant, avons mis le seal de la court de Besençon avec le seal dou consolt des bourgois de Porreintruy \37 en ces letres. Et nos, li dit Derdaz, Katherine, say feme, Jehannenaz, filz Maythei, qui fu, et Jayquins, vouhels dessus diz, par cuy \38 los et voluntee la dite Katherine ai fait les dites choses, avons prié et requis a dit consolt des bourgois de Porreintru qu-il ma\39tent lour seals en ces letres avecques le dit seal de la court de Besençon; et nos, li consols des bourgois de Porreintru, a-la \40 priere et requeste des diz Jehannenat Derdat, Katherine, say feme, Jehannenat, fil Mathey, et dou dit Jayquin, comme vou\41hel de la dite Katherine, avons mis le dit seal dou dit consolt avecques le seal de la court de Besençon en ces letres. 12 \42 Faites et donees, presenz Jehannenat le vestelier, Estevenin, le fil a la Dame, Jehannenat le Chapusat, Mathiat dit \43 Tostemaule et plusours autres bourgois de Porreintru, vint jours en decembre, l-an mil trois-cenz trente et cinc.
13 H. J. de Boncourt.

Notes de transcription
^[1] Ainsi coupé: san suegant.