Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe140

1335 (n. st.), 4 janvier.

Type de document: charte: vente

Objet: Vente par Jean de Rocourt, écuyer, fils de feu Pierre de Rocourt, chevalier, et parSimonete, sa femme, autorisée par son mari et par Jeannin de Grandfontaine, écuyer, sonavoué, à Jehannenet de Rocourt, écuyer, oncle de Jean de Rocourt, pour 112 l. de bâloisayant cours au marché de Porrentruy des terrages de Rocourt — faisant partie des bienséchus au vendeur et à Renaudin, son frère, par suite du partage effectué entre leur pèreet leur oncle — et des terrages de Machereveler, échus à Jean de Rocourt. Témoins:Uvrart de Rocourt, prêtre, demeurant à Grandfontaine, Jeannin de Grandfontaine etEstevenet, son frère, écuyers, et Estevenin dit Gueron, de Fahy. — Acte établi au nom del’official de Besançon par Huguenin Jean de Boncourt, notaire, et passé sous son sceauet sous celui d’Henri de Saint-Dizier, curé de Grandfontaine.

Commentaire: Parchemin jadis scellé de deux sceaux sur double queue. AAEB, B 239 Ajoie/21. —Analyse par J. Trouillat, Monuments…, III, p. 758-759 (à la date du 5 janvier1334).

1 Nos, officials de la court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie de la court de Besençon, \2 nostre comandemant especial, au quel nos avons commis et commattons par ces presentes lettres nostre pouhoir quant es choses que s-ansuegant ^[1], pour ce en droit perso\3nalmant estaubli et expecialmant venant, Jehans de Rocourt, escuiers, filz monssi Pierre de Rocourt, chevalier, qui fu, et Symonate, femme dou dit Jehan, \4 par les loz et auctoritez dou dit Jehan, son mary, et de Jehannin de Grantfonteinne, escuier, son leal vouhel donei a ley, enssi cum alle disoit, par une uverte \5 justise pour ce et pour autres choses sesant en justise uverte et par leal jugemant, presenz, louhanz et auctorizanz, ont confessei et publiemant recoigneu li dit \6 mariz et femme, des loz et auctoritez que dessus, qu-il, ne decehu ne controint ne baretez, mais de lour propres et franches voluntees, ont vendu et vendent, pour \7 lour et pour lour hoirs, a touz jours-mais, et chascuns de lour pour le tout, a Jehannenat de Rocourt, escuier, omcle dou dit Jehan, present et aiche\8tant, pour lui et pour ses hoirs, les terraiges de Rocourt, suis le partaige dou dit Jehan et suis le partaige de Renaudim, frere dou dit Jehan, \9 enssi cum il furent partiz entre le dit Jehannenat et monssi Pierre de Rocourt, chevalier, qui fu freres dou dit Jehannenat et perez des diz freres, et \10 les terraiges de Merchelaiveler, suis le partaige dou dit Jehan tant soulemant, pour panre, lever, percevre les diz terraiges dou dit Jehannenat \11 et de ses hoirs, chascun an, suis les diz partaiges des diz freres en la maniere que dessus est devisez, es finaiges et terretoires de Rocourt et de Merchelaiveler, \12 et pour faire entieremant lour voluntey a touz jours-mais, senz riens retenir es dites choses es diz mariz et femme, pour cent et doze libres de \13 bons balois, bone monoie coursable ou merchief de Porreintru, que li dit Jehans et Symonate, sai femme, ont haü et recehu dou dit Jehannenat de Ro\14court en bone monoie bien numbree, mise, tournee et convertie en lour evidant proffeit, si qu-il s-an sunt tenu pour bien pahiez entieremant. 4 Et se \15 sunt devestu et devestent li dit mariz et femme, pour lour et pour lour hoirs, a touz jours-mais, et chascuns de lour pour le tout, et expecialmant \16 la dite Symonate, des loz et auctoritez que dessus, des dites choses vendues, et le dit Jehannenat de Rocourt en ont envesti et envestent, mis et \17 mattent en corporal possessiom, ou aussi par ces presentes lettres, pour lui et pour ses hoirs. 5 Et ceste vendue ont promis et promattent li diz mariz et \18 femme, des loz et auctoritez que dessus, par lour soiremanz donez corporalmant, pour lour et pour lour hoirs, en la main de nostre dit comandemant, \19 sollempnel stipulatiom entrevenant, et suis l-obligatiom de touz lour biens moubles et non moubles, presenz et a-venir, tenir et garder ferme\20mant, et chascuns de lour pour le tout, a dit Jehannenat de Rocourt et a ses hoirs, gaurantir et appaisier aidés, en touz lues, contre \21 touz, senz gemais venir encontre ^[2] par lour ne par autrui, et senz consentir que autres y veingne, en appert ou en rescondut. 6 En renuncent en cest lour \22 fait li dit mariz et femme, des loz et auctoritez que dessus, par lour dit soiremanz, a toutes exceptions de mal, de baret, de lesiom, de deceptiom, de \23 circonventiom, a condictiom senz cause ou moyns suffisant, a l-exceptiom outre la moitie dou droit pries ou emqui devirom, a la copie de ces lettres \24 et que autre chose soit estei escripte et autre chose accourdee, et expecialmant la dite Symonate, des loz et auctoritez que dessus, a touz [droiz] ^[3] et \25 a toutes grai[ces] faiz et a-faire, donez et a-doner en favour de mariaige, de douhaire ou de donatiom pour nupces, a touz privileiges [intro]\26duz en favour de femmes, en confessant, des loz et auctoritez que dessus, havoir autre part suffisant assignal pour son dit mariaige, douhaire ou [dona]\27tiom pour nupces quant es dites choses, et a toutes autres exceptions de fait ou de droit, et expecialmant a droit que dit que generalz renuncia\28tions ne vaut, en lour et lour hoirs submatent li dit mariz et femme, des loz et auctoritez que dessus et chascuns de lour pour le tout, a la [juri]\29dictiom et coherciom de la court de Besençon et de toutes autres cours ecclesiastes et seculeres pour estre controint, ensemble et devisemant, \30 par quelque court que li diz Jehannenaz, il et sui hoir, ameront muelz, a l-observatiom des dites choses. 7 En tesmoignayge de la quel chose, nos, \31 officials dessus diz, a la relatiom de nostre dit comandemant, avons mis le seal de la court de Besençon avecques le seal de discreit home, monssi \32 Henriat, de Saint-Desier, prestre, curie de Grantfonteinne, en ces lettres. Et nos, Jehans de Rocourt, escuiers dessus diz, et Symonate, say femme, \33 qui confessons toutes les choses dessus escriptes estre vraies, avons prié et requis a dit monssi Henriat, curie de Grantfonteinne, qu-il mate \34 son seal avecques le dit seal de la court de Besençon en ces lettres; et je, Henriaz, curiez de Grantfonteinne, prestres dessus diz, a la priere et \35 requeste des diz mariz et femme, hai mis mon seal avecques le dit seal de la court de Besençon en ces lettres en signe de veritey. 8 Faites et \36 donees, presenz monssi Huvrairt de Rocourt, prestre, demorant a Grantfonteinne, le dit Jehannim, Estevenat, son frere, escuiers, et Estevenim \37 dit Gueyrom, de Phey, le mescredi aprés la Circuncisiom Nostre Signour, l-an d-ycellui courrant par mil trois-cenz trente-quaitre.
9 H. J. de Boncourt.

Notes de transcription
^[1] Ainsi coupé: san suegant.
^[2] Ainsi coupé: en contre.
^[3] Plusieurs fins de ligne illisibles.