Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe129

1333, 2 août.

Type de document: charte: vente en franc-alleu

Objet: Vente en franc-alleu par Willemin de Grosne, ancien maire de Grosne, à l’abbé et aucouvent de Lucelle pour 13 l. de bâlois ayant cours au marché de Porrentruy de pièces deterre à Bonfol; et reprise en tenure héréditaire de ces biens moyennant un cens annuelde 20 s. de monnaie ayant cours au marché de Porrentruy, payable à la Saint-Michel. —Acte passé sous les sceaux de Pierre, abbé de Bellelay, et du conseil de Porrentruy.

Commentaire: Parchemin jadis scellé de deux sceaux sur double queue. AAEB, B 240/21. — Analyse parJ. Trouillat, Monuments…, III, p. 756-757.

Verso: Littera de Wilhelmo de Gr[onne] de XX s. in Bomfoul. — Dominus Wernherus de Bunfol recepit predicta bona a dicto Bienol (?) pro II s. de plus ( xiv^e siècle).

1 Je, Willemins de Gronne, mayres ce en arriers dou dit luec, 2 fais savoir a touz 3 que je, pour mon grant profit evidant \2 et pour lou succurrement de mai et de mes hoirs, hay vendu et vendoy pour franc aluef, pour may et pour \3 mes hoirs, pour touz jours-maix, a religiouses persones, monsignour le abbé de Luscelan et a convent dou dit \4 luec, pour treze libres de baloys, menoiie coursable a merchie de Pourraintruy, lai terre cy aprés devisee, gesant en lai \5 ville et ou territoire de Bomfol, as lues cy aprés nommés; 4 premierement, doz les Broque, lou prey que part avec les amfans \6 Bourquart dit Bendorf et avuecquex Huguenin dit Malroy; 5 item, une oyche que giet entre lai terre Bourquin dit le Chat \7 et la vie de Pourraintruy d-autre part; 6 item, hun chessal gesant entre lou sentier et li awe est d-autre part; 7 item, en Chase\8let, hun cultil que giet arriers lai terre Sargentet; 8 item, une oyche, Bourquins diz li Chaz hay d-une part et Chapponiers hay \9 d-autre part. 9 Les queles treze libres de baloys dessus dites, je, li diz Willemins, hay haüez et recehuez des diz signours \10 abbé et convent de Luscelans, en bone menoie bien nombree et de lour propre chattel, et mises les ay en mon grant profit, \11 si que je m-en tien pour bien paiiez entierement. 10 De lai quele terre dessus devisee je me suy desvestis et me desvest, pour moy \12 et pour mes hoirs, et si m-en suiz mis et mat fors de tenure et fors de possession, et les diz abbé et convent dou dit \13 luec, pour lour et pour lour successours, en ay envesti et envest, et si les en ay mis et met en bone tenure et leal et en \14 bone possession pour touz-jours-maix par lai tradition de cez presentes lettres, parmé cez convenancez que je et mi hoir de\15vons tenir lai dite terre dez diz moinnes de Luscelans, parmé vint solz chescun an de rente, menoiie coursable ou \16 marchie de Pourraintruy, en feu herietable, les quelz diz vint solz de rente nos lour devons paiier chescun an ai touz jours\17maix, senz faillir, dez cy en avant ai chescun terme de lai Sainct Mychiel. 11 Et toutes cez convenancez ay je promis et promat, \18 par mon soirement doné suiz sainctes ewangeles touchiez et aprés suiz l-obligation de touz mes biens moubles et non \19 moubles, presens et a-venir, ai tenir, desfendre, aipaissier et guarantir, pour moy et pour mes hoirs, ai touz jours-mais, as diz \20 moinnes de Luscelans, en touz luez, en toutes cours, en touz jugemens et defors, encontre toutes gens, ai mes propres despens \21 et missions, non obstant aucune exception de fait ou de droit. 12 En tesmoignaige de la quele chose, j-ay proiie et \22 supplié as honestes et discretes persones, c-est ai savoir a religiouse persone, mon signour Pierre, abbé de Bellelee, de-l-ordre de \23 Premonstré, et a conseil dez bourjoys de Pourraintruy que mettent lour seelz en cez presentes lettres; et nos, Pierres, \24 par la pacience de Deu abbés dessus nommés, et li conselz de Pourraintruy, a la proiiere et requeste dou dit Wille\25min, havons mis nos seelz en cez presentes lettres en signe de verité. 13 Faictes et donees lou second jour dou moys \26 de aost, l-an de grace courrant par mil trois cens et trente et trois.