Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe128

1333, 10 juillet.

Type de document: charte: vente en franc-alleu

Objet: Vente en franc-alleu devant la justice publique par Clemencel, de Courgenay, autoriséepar Jehannenet dit Weblat, son avoué, à Jehannenet dit Maquabré, écuyer, demeurant àPorrentruy, pour 40 s. de bâlois ayant cours au marché de Porrentruy d’une chenevière àCourtary; et garantie de la vente par Jehannenet dit Weblat. — Acte passé sous lessceaux de Pierre, curé de Courgenay, et de Pierre dit Bruat, curé de Fontenais.

Commentaire: Parchemin jadis scellé de deux sceaux sur double queue. AAEB, B 239 Ajoie/98. —Analyse par J. Trouillat, Monuments…, III, p. 756.

1 Je, Clemancel, de Courgenay, 2 faiz savoir a-touz 3 que je, non paiz lousangie ne contraincte ne bairetee d-aucunx, maix saige et bien avisee \2 et de mai propre et franche volonté, par lo loz et le consentemant de Jehannenat dit Weblat, vouhez de-moy, Clemancel dessus dite, hay \3 vendui et vendois pour franc aluef, a touz jours-maix, a Jehannenat dit Maiquaibré, escuier, demourans a-Pourraintruy, et a ses hoirs \4, une oyche gesant a-Courtairi, entre la terre monsi Holri, tressourier de Saint Ursanne, d-une part et Jehannenaz Valaines d-autre \5 part, pour quairante solz de baloys, bone menoie coursauble ou marchie de Pourraintruy. 4 Lez quelz quarante solz dessus diz \6 j-ay haüz et recephuz dou dit Jehannenat dit Maiquaibré, escuier dessus dit, en bone menoie et bien nombree et de son \7 propre chettel, et mis lez hay en mon evidant profit, si que je m-ant tien pour bien paiiee entieremant. 5 De la quelle oyche dessus \8 dite je me suis desvestie et me desvest, et si m-an suiz mysse et mat fours de tenuire et fors de possession, et le dit \9 Jehannenat dit Maiquaibré, escuier dessus dit, en hay envesti et envest ^[1], et si l-en hai mis et mat en bone tenure et leaul et \10 en bone possession, lui et ses hoirs, pour touz jours-maix par lai tradicion de cez presentes lettres. 6 Et pour ce que li diz \11 Jehannenaz diz Maiquaibrés, escuiers devant diz, en soit pluis sehurs de la vendicion dessus dite, je l-en hai mis et mat \12 plaige, dabtour et principaul randaour et getaour de touz domaiges, Jehannenat dit Weblat, mon vouhé. 7 Et je, Jehanne\13naz diz Weblas dessus diz, me recoignoiz estre plaige et dabtour et principaul randaour et getaour de touz domaiges \14 en la main de Jehannenat dit Maiquaibré, escuier dessus dit, pour Clemancel devant dite. 8 Lez quellez convenancez et \15 la vendition dessus devisee nos havons louhé, confars et ratifié, endui ^[2] ensamble et chescuns par soy, par devant une overte justise \16 pour ce sceant en justise et pour aultres caux. 9 Et si havons promis et promettons, par nos soieremans donez suis sainctes \17 ewangelez courporaulmant touchiez, sollempnel stipulation entrevenant, aprés suis l-obligation de touz nos biens \18 moubles et non moubles, presens ou a-venir, qué part que il soiient, en franchisse ou defours ^[3], que nos contre cez convenencez ne \19 contre ceste vendition dessus dite nen irons ^[4] ne n-i ferons et aler par nos ne par aultruy, coiemant ne en apert, maix la \20 tenrons, apaisserons, deffendrons et guarantirons a dit Jehannenat dit Maiquaibré, escuiers, et a ses hoirs a touz jors\21maix, em touz luez, en toutes cours, en touz jugemans et defours ^[5], encontre ^[6] toutes genz et par devant touz juges, \22 a nos propres despans et missions, sanz fraude et sans bairet de nos ne d-autruy. 10 En thesmoingnaige de la quelle chosse \23 nos, li devant nommé Clemancel et Jehannenez diz Weblas, vouhez de moy, Clemancel dessus dite, havons proiie et requis a-sai\24ges persones et honestes, monsi Pierre, curé de Courgenay, et monsi Pierre dit Bruat, curé de Fonthenoys, que mettent \25 lour seelz en cez lettres; et nos Pierres, curez de Courgenay, et Pierres, curez de Fonthenoys, as proiieres et es \26 requestes des persones devant dites, nos havons mis nos seelz en ces presentes lettres en sygne de verité. 11 Faictes et \27 donees le sainbedi aprés la feste saint Holri, l-an de grace courrant par mil troys cenz trantte et troys, ou \28 moys de joingnoyt.

Notes de transcription
^[1] Ainsi coupé: en vest.
^[2] Ainsi coupé: en dui.
^[3] Ainsi coupé: de fours.
^[4] Ainsi coupé: ne nirons.
^[5] Ainsi coupé: de fours.
^[6] Ainsi coupé: en contre.