Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe121

1332, 29 novembre.

Type de document: charte: vente en franc-alleu

Objet: Vente en franc-alleu devant la justice publique par Huguenet dit Sautembin, deBeurnevésin, et par Sebile, sa femme, autorisée par Jehannenet, gendre de [Jehannenet]Tullat, de Lugnez, son avoué, à Pierre, abbé, et au couvent de Bellelay pour 65 s. debâlois ayant cours dans l’évêché de Bâle de deux faux de prés à Lugnez. — Acte passésous les sceaux de Pierre, curé de Florimont, et de Vernier, vicaire de Damphreux.

Commentaire: Parchemin jadis scellé de deux sceaux sur simple queue. AAEB, B 133/21. — Analyse parJ. Trouillat, Monuments…, III, p. 752.

Verso: Lugneiz ( xiv^e siècle).

1 Nous, Huguenaz, de Burnevesein, diz Saltembin, et Sebille, sai feme, 2 faceons savoir a touz 3 que nous, ne de\2cephu ne controinct, lousangie de aucun ne bairetei, mais de nouz bones, propres et franches voluntez, avons ven\3dui, quittie et outrié, vendons, quittons et outrions, por nouz et por nouz hoirs, en herietaige perpetuel sanz jemais ra\4ppeller, a mielz et a plus fermement qu-on puet faire vendue, c-est a savoir je, li dite Sebille, dou loux et de l-auctoritei \5 de Jehannenat, gendre Tullat, de Lugney, mon awoei, present, willant et auctorisant par devant une owerte \6 justise por ce et por autres choises seant en justise owerte, a frere Pierre, par lai pacience de Dieu humile abbey \7 de l-abbaie de Bellelee, et a covent de lai dite abbaie, por franc alluef, franc et quitte de-totes servitutes, ce entie\8rement, ce-que nous pouhons, havons et devons havoir en doues falz de prey gesanz ou finaige et ou terretoire de Lugney, \9 delez lai Wayvre de Danfruel, ou leuc qu-on dit en Jaibon, entre lai terre Sainct Bernart d-une part et lai terre \10 Thomaissin de Burnevesein, escuier, d-autre part, por sexante cinq solz de bons baislois, coursaubles en l-aveschief \11 de Baisle, que nous avons haüz et recephuz dou devant dit frere Pierre, par lai pacience de Dieu humile abbey de l-a\12bbaie de Bellelee, en nom dou dit covent, en bone menoie bien nombree, mise et tornee dou tout en nostre evi\13dant proffict, si-que nouz nouz en tenons por bien pahie entierement. 4 Et nous sumes devesti et devestons, por \14 nouz et por nouz hoirs, de tout ce entierement que nous havons, pouhons et devons havoir es doues dites falz de \15 prey, c-est a savoir je, li dite Sebille, dou loux et de l-auctoritei que dessus, et le dessus dit frere Pierre, abbey, et le dit \16 covent, por lour et por lour successours, en avons envesti et envestons, mis et mettons, por nouz et por nouz \17 hoirs, en possession corporal, en tenour permeignauble ou assic par ces presentes lettres. 5 Et avons promis et promettons, \18 par nouz soiremenz donez corporalment por nouz et por nouz hoirs, sollempnel stipulation entrevenant, et sus l-obli\19gation de touz nouz biens mobles et non mobles, presenz et a-venir, tenir et garder fermement a dessus nomei \20 frere Pierre, abbey, a dit covent, a lour successours et a lai dite abbaie ceste vendue, guarantir, appaisier aidés, \21 en touz leucs, en jugement et deffuers, et encontre touz, sanz jemais venir encontre par nouz ne par autrui, et sanz \22 consentir que autres y veigne, en apper ou en resconduit, non obstant aucune exepcion de faict ou de droit. 6 \23 En tesmoignaige de lai quele choise, nous, li dessus dit Huguenaz, Sebille, sai feme, et Jehannenaz, awoez de lai dite \24 Sebille, avons prié et requis a honestes persones et saiges, monsi Pierre, curei de Florimont, et monsi Wernier, \25 a cel temps vicaire de Danfruel, que il mettent lour seels en ces presentes lettres; et nous, li dessus dit \26 Pierres, curez de Florimont, et Werniers, a cel temps vicaires de Danfruel, es prieres et es requestes des \27 dessus diz Huguenat, de Burnevesein, dit Saltembin, Sebille, sai feme, et Jehannenat, awoei de lai dite Sebille, avons \28 mis nouz seels pendanz en ces presentes lettres. 7 Faites et donees lai vigile de sainct Andrey apostre, ou mois \29 de novembre, l-an de graice corrant par mil trois cenz trante et dous.